Ֆելիքս Շարմետան

Ֆելիքս Շարմետան
Ծնվել է	հունիսի 20, 1844(1844-06-20)
Ծննդավայր	Իզեր, Ֆրանսիա
Մահացել է	հուլիսի 21, 1921(1921-07-21) (77 տարեկան)
Մահվան վայր	Էքս լե Բեն
Մասնագիտություն	Կանոնիկոս
Félix Charmetant Վիքիպահեստում

Հայր Ֆելիքս Շարմետան (ֆր.՝ Père Félix Charmetant, հունիսի 20, 1844(1844-06-20), Իզեր, Ֆրանսիա - հուլիսի 21, 1921(1921-07-21), Էքս լե Բեն), ֆրանսիական միսիոներության կարկառուն դեմքերից էր։

Եղել է «Սպիտակ հայրերի» լիազոր ներկայացուցիչը Փարիզում, նաև՝ «Ալյանս ֆրանսեզի» ութ հիմնադիրներից մեկը, «Œuvre d’Orient» կազմակերպության գլխավոր տնօրենը։ Համիդյան կոտորածների ընթացքում նա լայնածավալ աշխատանք է իրականացրել ոչ միայն ջարդերի հավաստի պատկերը ֆրանսիական հասարակությանը ներկայացնելու, այլև հանգանակությունների միջոցով արևմտահայերին նյութապես օժանդակելու գործում։

1896 թվականին Հայր Ֆելիքս Շարմետանի նախաձեռնությամբ տպագրվել «Հայերի նահատակություն։ Հայաստանի կոտորածների պաշտոնական աղյուսակ» գիրքը, որտեղ ներկայացված են Կոստանդնուպոլսում վեց դեսպանների ուսումնասիրությունները և լուսավորչական ու բողոքական ականատեսների վիճակագրությունները։

Ծանոթագրություններ

Վիքիպահեստն ունի նյութեր, որոնք վերաբերում են «Ֆելիքս Շարմետան» հոդվածին։