Ֆաննի Բլումֆիլդ-Ցեյսլեր

Ֆաննի Բլումֆիլդ-Ցեյսլեր;
Ծնվել է	հուլիսի 16, 1863[…]
Ծննդավայր	Bielsko, Բելսկո Բլայա, Լեհաստան
Մահացել է	օգոստոսի 20, 1927 (64 տարեկան)
Մահվան վայր	Չիկագո, Իլինոյս, ԱՄՆ
Գերեզման	Օուկ Վուդս գերեզմանատուն
Քաղաքացիություն	ԱՄՆ
Մասնագիտություն	դաշնակահարուհի
Ամուսին	Sigmund Zeisler?
	Ստորագրություն;
	Fannie Bloomfield Zeisler Վիքիպահեստում

Ֆաննի Բլումֆիլդ-Ցեյսլեր (անգլ.՝ Fannie Bloomfield Zeisler, իսկական անունը՝ Ֆաննի Բլյումենֆելդ, գերմ.՝ Fannie Blumenfeld, հուլիսի 16, 1863(1863-07-16)^[1]^[2]^[3]^[…], Bielsko, Բելսկո Բլայա, Լեհաստան^[4] - օգոստոսի 20, 1927(1927-08-20)^[1]^[2]^[3], Չիկագո, Իլինոյս, ԱՄՆ^[4]), ավստրիական ծագումով ամերիկացի դաշնակահար։ Բանասեր Մորիս Բլումֆիլդի քույրը, լեզվաբան Լեոնարդ Բլումֆիլդի մորաքույրը։

Կենսագրություն

Չորս տարեկանում նա ընտանիքի հետ գաղթել է ԱՄՆ։ Բլյումենֆելդների ընտանիքը հաստատվել է Չիկագոյում և շուտով ամերիկյանացրել իր ազգանունը։ Ֆաննին սկսել է դաշնամուրով զբաղվել վեց տարեկանում։ Նրա ուսուցիչներն են եղել Կարլ Վոլֆսոնը և Բեռնարդ Ցինը: 1875 թվականին նա առաջին անգամ հանդես է եկել համերգային բեմում։ 1877 թվականին Աննա Էսիպովան, որը հյուրախաղերի է եկել ԱՄՆ, լսել է Ֆանի Բլումֆիլդի նվագը և խորհուրդ տվել երիտասարդ դաշնակահարին ուսումը շարունակել Թեոդոր Լեշետիցկու մոտ։ Բլումֆիլդը հետևել է նրա խորհրդին և հաջորդ տարի մեկնել Վիեննա՝ Լեշետիցկու մոտ, որտեղ անցկացրել է հինգ տարի: Վերադառնալով Չիկագո 1883 թվականին՝ նա առաջին անգամ հանդես է եկել որպես չափահաս, կայացած երաժիշտ 1884 թվականի հունվարին, իսկ հաջորդ տարի կատարել իր դեբյուտը Նյու Յորքում և ամուսնացել իր երրորդ պորտի ազգական Զիգմունդ Ցեյսլերի (1860–1931) հետ, որը ծնունդով Բիլիցայից էր, որին ինքն առաջին անգամ հանդիպել է Վիեննայում (հետագայում՝ հայտնի չիկագոցի լիբերալ փաստաբան): Արդեն իր ամերիկյան կարիերայի առաջին երկու տարիներին Ֆաննի Բլումֆիլդ-Ցեյսլերը ելույթներ է ունեցել երկրի առաջատար դիրիժորներ Վալտեր Դամրոշի, Վիլհելմ Գերիկեի, Ֆրենկ վան դեր Ստուկենի հետ։ 1888 թվականին, սակայն, նա վերադարձել է Վիեննա, որպիսի Լեշետիցկու ղեկավարությամբ կատարելագործի իր հմտությունները:

Դարավերջին Բլումֆիլդ-Ցեյսլերը համարվել է ամերիկացի մեծագույն դաշնակահարուհի, և մամուլը նրան երբեմն անվանել է դաշնամուրի Սառա Բեռնար։ Նա բազմաթիվ համերգներ է տվել ԱՄՆ-ում, շրջագայել Անգլիայում 1898 թվականին և երեք համերգային շրջագայություններ է անցկացրել մայրցամաքային Եվրոպայում։ Դիրիժորների թվում, որոնց հետ ելույթներ է ունեցել, բացի ամերիկյան աստղային ներկայացուցիչներից, եղել են Ռիչարդ Շտրաուսը և Կամիլ Շևիյարը։ Բլումֆիլդ-Ցեյսլերը մի շարք ձայնագրություններ է թողել։ Նրա վերջին ելույթը տեղի է ունեցել 1925 թվականի փետրվարի 25-ին և համընկել է նրա կատարողական կարիերայի 50-ամյակին։

Ծանոթագրություններ

1 2 3 4 Encyclopædia Britannica
1 2 3 4 FemBio տվյալների շտեմարան (գերմ.)
1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 4 verschiedene Autoren Biographisches Lexikon zur Geschichte der böhmischen Länder (գերմ.) — R. Oldenbourg Verlag, Collegium Carolinum, 2000.
↑ Find A Grave — 1996.

Աղբյուրներ

Diana Hallman. Fannie Bloomfield Zeisler // Jewish Women: A Comprehensive Historical Encyclopedia. 20 March 2009.

Վիքիպահեստն ունի նյութեր, որոնք վերաբերում են «Ֆաննի Բլումֆիլդ-Ցեյսլեր» հոդվածին։

[_2ad75524dd0d8ab8-1] 1 2 3 4 Encyclopædia Britannica

[_49ae88a7b36d66fb-2] 1 2 3 4 FemBio տվյալների շտեմարան (գերմ.)

[_fa279af53b69215d-3] 1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_ff47b3a5b84b3566-4] 1 2 3 4 verschiedene Autoren Biographisches Lexikon zur Geschichte der böhmischen Länder (գերմ.) — R. Oldenbourg Verlag, Collegium Carolinum, 2000.

[_44d84a3c94b5efb3-5] Find A Grave — 1996.

[1]

[2]

[3]

[4]

[5]