Ֆազլոլլա Զահեդի

Ֆազլոլլա Զահեդի պարսկերեն՝ فضل‌الله زاهدی
Ծնվել է	1897 կամ մայիսի 17, 1892(1892-05-17)
Ծննդավայր	Համադան, Կենտրոնական բախշ, Համադան շահրեստան, Համադանի նահանգ, Իրան
Մահացել է	սեպտեմբերի 2, 1963(1963-09-02)
Մահվան վայր	Ժնև, Շվեյցարիա
Քաղաքացիություն	Իրան
Կրոն	շիա իսլամ
Մասնագիտություն	ռազմական գործիչ և քաղաքական գործիչ
Զբաղեցրած պաշտոններ	Prime Minister of Iran? և interior minister?
Կուսակցություն	Իրանի զինված ուժեր
Պարգևներ և մրցանակներ	և
Fazlollah Zahedi Վիքիպահեստում

Ֆազլոլլա Զահեդի (պարսկերեն՝ فضل‌الله زاهدی‎, 1897 կամ մայիսի 17, 1892(1892-05-17), Համադան, Կենտրոնական բախշ, Համադան շահրեստան, Համադանի նահանգ, Իրան - սեպտեմբերի 2, 1963(1963-09-02), Ժնև, Շվեյցարիա), իրանցի պետական և քաղաքական գործիչ, կորպուսի գեներալ, մեծ հողատեր։

Կենսագրություն

Ռազմական դպրոցն ավարտելուց հետո նա ծառայել է Պարսկական կազակական դիվիզիայում։ 1925-1926 թվականներին Ռաշթում բրիգադ է ղեկավարել։ 1927-1935 թվականներին Ֆ. Զահեդին դարձել է ժանդարմերիայի պետ։ 1941 թվականին դարձել է Սպահանի դիվիզիայի հրամանատար։ Երկրորդ համաշխարհային պատերազմի տարիներին գերմանացի գործակալների հետ համագործակցության համար 1943 թվականին նա ձերբակալվել է բրիտանացիների կողմից և ուղարկվել է Պաղեստին` 3 տարի ժամկետով։

1947-1949 թվականներին ապրել է Ֆրանսիայում։

1949 թվականինին եղել է Իրանի ոստիկանապետ։ 1951 թվականին եղել է ներքին գործերի նախարար, իսկ 1953 թվականի ապրիլին՝ արտաքին գործերի նախարար։

Նա 1953 թվականի օգոստոսի հեղաշրջման առաջնորդներից էր, երբ տապալվել է Մոսադեղի կառավարությունը։ 1953-1955 թվականներին եղել է Իրանի վարչապետ, այնուհետև դարձել է Իրանի մշտական ներկայացուցիչը ՄԱԿ-ի եվրոպական բաժնում։

Գեներալ Զահեդի որդին` Արդեշիր Զահեդին, եղել է ականավոր պետական ​​գործիչ, արտաքին գործերի նախարար և դեսպան ԱՄՆ-ում՝ Մոհամմադ Ռեզա Փահլավիի իշխանության օրոք։

Մրցանակներ

• 3-րդ աստիճանի Զուլֆիկարի շքանշան
• Թագի շքանշանի մեծ ժապավեն (Իրան)
• «Երրորդ Էսֆանադի» հիշատակի շքանշան
• Սեպահի շքանշան
• Լիյակատի շքանշան

Գրականություն

• «Иран. История и экономика», сборник статей, Москва 1963
• Vreeland H.H., «Iran», New Haven 1957.