Օֆթալմոպլեգիա

Վիքիպեդիայից՝ ազատ հանրագիտարանից
Jump to navigation Jump to search
Օֆթալմոպլեգիա
Tolosa-hunt ophtalmoplegia.jpg
Ձախ աչքի ակնաշարժ
Տեսակհիվանդություն[1]
Ենթադասաչքի շարժունակության հիվանդություն[1]
Բուն պատճառC79697[2][3] և C79697[1]
Բժշկական մասնագիտությունակնաբանություն
ՀՄԴ-10H49.3 և H49.4
Հիվանդությունների բազա9240
MeSHIDD009886 և D009886
Disease OntologyDOID:539 և DOID:539
NCI ThesaurusC79697[2][3] և C79697[1]
Ophthalmoparesis Վիքիպահեստում

Ակնաշարժ, օֆտալմոպլեգիա աչքերի հորիզոնական, ուղղահայաց կամ պտտական, արագ միմյանց հաջորդող ակամա շարժումներ, աչքի մկանները նյարդավորող գլխուղեղային մեկ կամ մի քանի նյարդերի լուծանքը։ Կարող է լինել բնածին (ակնաշարժ նյարդի կորիզների թերզարգացման հետևանքով) և ձեռքբերովի (գլխուղեղի բորբոքային, վնասվածքային ախտահարման և թունավորումներից առաջացած), մեկ կամ երկկողմանի։ Տարբերում են արտաքին (արտաքին ակնաշարժ մկանների լուծանք), ներքին (աչքի ներքին մկանների ախտահարում) և լրիվ (երկու խմբի մկանների միաժամանակյա ախտահարում) օֆթալմոպլեգիա։ Սովորաբար լինում է երկկողմանի, հազվադեպ՝ միակողմանի։ Առողջ մարդկանց ակնաշարժ առաջանում է աչքերի առջև արագ շարժվող առարկաներին նայելիս կամ արագ պտտվելիս (օրինակ՝ հատուկ բազկաթոռում), ինչպես նաև մարմնի ջերմաստիճանից բարձր կամ ցածր ջրով ականջները լվանալիս։ Արտաքին օֆթալմոպլեգիայի դեպքում ակնագունդը չի շարժվում, բայց պահպանվում է բբի ռեակցիան լույսի նկատմամբ, ներքին օֆթալմոպլեգիայի դեպքում ակնագնդի շարժումները պահպանվում են, բայց բացակայում է բբի ռեակցիան լույսի նկատմամբ, խանգարվում են ակոմոդացիան և կոնվերգենցիան։ Որպես հիվանդագին երևույթ՝ նկատվում է բնածին զգալիորեն թույլ տեսողություն ունեցող անձանց մոտ։ Ակնաշարժի պատճառ կարող են լինել նաև ներքին ականջի հիվանդությունները և կենտրոնական նյարդային համակարգի տարբեր ախտահարումները (վնասվածքային, անոթային, բորբոքային և այլն)։ Բուժումը՝ պատճառների վերացում։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հանրամատչելի բժշկական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png