Օքսբրիջ

Վիքիպեդիայից՝ ազատ հանրագիտարանից
Jump to navigation Jump to search
Օքսֆորդի համալսարան

Օքսբրիջ (անգլ.՝ Oxbridge), Օքսֆորդի և Քեմբրիջի համալսարանները, որոնք հնագույնն են Մեծ Բրիտանիայում[1][2]: Եզրը կազմվել է «Օքսֆորդի» առաջին և «Քեմբրիջի» վերջին վանկերի միացումով: Օքսբրիջը բաղկացած է քոլեջներից, որոնցից յուրաքանչյուրն ունի իր անվանումը և զինանշանը: Քոլեջները ղեկավարվում է վարպետի կողմից: Յուրաքանչյուր քոլեջ սովորելու լայն շրջանակ է բացում: Քոլեջներն ունեն մատուռ, ճաշարան, գրադարան և սենյակներ ուսանողների համար: «Օքսբրիջ» անվանումն առաջին անգամ 1849 թվականին կիրառել է անգլիացի հումորիստ գրող Ուիլյամ Թեքերեյը իր «Pendennis» վեպում: 20-րդ դարի 50-ական թվականներին բառը լայն կիրառում է գտել անգլիացիների շրջանում: Այն սկսել են օգտագործել անգամ պաշտոնական աղբյուրներում, կրթությանը վերաբերող գրքերի հրատարակություններում[3][4]:

Ունենալով երկար պատմություն` Օքսբրիջը հիմնականում հակադրվում է Կարմիր աղյուսից համալսարաններին: Դրանք Անգլիայի ամենահեղինակավոր վեց համալսարաններն են, որոնք այդ կարգավիճակը ձեռք են բերել 20-րդ դարի սկզբներին:

Նշանակություն[խմբագրել | խմբագրել կոդը]

Քեմբրիջի համալսարան

Երկու համալսարանները ներկայացվում են մեկ եզրով, քանի որ նրանք միավորված են ընդհանուր հատկանիշներով:

  • Օքսֆորդի և Քեմբրիջի համալսարանները անընդհատ գործող ամենահին երկու համալսարաններն են Մեծ Բրիտանիայում: Երկուսն էլ ունեն մոտ 800-ամյա պատմություն, որի ընթացքում տարբեր ոլորտները ներկայացնող բազմաթիվ նշանավոր շրջանավարտներ են ունեցել[5][6]:
  • Հիմնադրված լինելով գրեթե նույն ժամանակ` երկու համալսարաններն էլ ունեցել են համանման ենթակառուցվածքներ` հրատարակչություն, բուսաբանական այգի, գրադարաններ, թանգարաններ:
  • Օքսֆորդի և Քեմբրիջի մրցակցությունն ունի երկար պատմություն` սկսած 1209 թվականից, երբ հիմնադրվեց Քեմբրիջը, և Օքսֆորդից դժգոհ շատ գիտնականներ տեղափոխվեցին այնտեղ[7]: Այսօր էլ այդ հակամարտությունը նշվում է Օքսֆորդ-Քեմբրիջ թիավարության մրցույթում (անգլ.՝ The Boat Race):
  • Երկու համալսարաններն էլ ունեն նույն կառուցվածքը, ինչի արդյունքում նրանք կարծես կոոպերատիվներ լինեն` բաղկացած մի շարք քոլեջներից:
  • Երկու համալսարաններն էլ ունեն առանձնահատուկ գեղեցկությամբ աչքի ընկնող հին շենքեր այնպիսի տեղանքում, որտեղ հարևանությամբ գետ է հոսում, ինչը հարմար է թիավարությամբ զբաղվելու համար:
  • Համալսարանները, վայելելով մեծ հեղինակություն, դեպի իրենց են գրավում մեծ թվով հավակնոտ ուսանողների, ինչի արդյունքում ընդունելության մեծ մրցակցություն է գրանցվում: Ընդունելության հայտերը ներկայացվում են առնվազն երեք ամիս առաջ, ընդ որում դիմում-հայտերը բացառում են մեկը մյուսին. դիմորդները կարող են դիմել կա'մ Օքսֆորդ, կա'մ Քեմբրիջ, բայց ոչ երկուսը միաժամանակ:

Ծանոթագրություններ[խմբագրել | խմբագրել կոդը]

  1. «A brief history of the University»։ Արխիվացված օրիգինալից-ից 2011-08-25-ին։ Վերցված է 2010-11-27 
  2. «A Brief History»։ Արխիվացված օրիգինալից-ից 2011-08-25-ին։ Վերցված է 2010-11-27 
  3. G.D. Worswick (1957-05-03)։ «The anatomy of Oxbridge»։ Times Educational Supplement 
  4. G.D. Worswick (1958-06-06)։ «Men's Awards at Oxbridge»։ Times Educational Supplement 
  5. «Oxbridge 'Elitism'»։ 9 June 2014 
  6. «Acceptances to Oxford and Cambridge Universities by previous educational establishment» 
  7. «A Brief History: Early records»։ University of Cambridge։ Վերցված է 2009-03-22