Օրիետա Բերտի (իտալ.՝ Orietta Berti, ծնյալ Օրիետա Գալիմբերտի/Orietta Galimberti, հունիսի 1, 1943(1943-06-01)[2][3], Կավրիագո, Ռեջիո Էմիլիա, Էմիլիա Ռոմանիա, Իտալիայի թագավորություն[3]), իտալացի երգչուհի, դերասանուհի և հեռուստատեսային դեմք[5]։ Երաժշտական իր կարիերայի ընթացքում վաճառել է 15 միլիոնից ավելի ձայնասկավառակ, ընդ որում՝ ստացել է մեկ պլատինե, չորս ոսկե և երկու արծաթե ձայնասկավառակի հավաստագիր։ Պարգևատրվել է «Իտալիայի Հանրապետությանը մատուցած ծառայությունների համար» շքանշանով[6]։
Բերտին երաժշտական կարիերան սկսել է 1962 թվականին, այդ բնագավառում առաջին հաջողությանը հասել երեք տարի անց՝ "Tu sei quello" («Դու ես միակը») երգի կատարումով, որը նրան հաղթանակ է բերել Un disco per l'estate երաժշտական մրցույթում[7], միաժամանակ երկրորդ տեղն ապահովել իտալական հիթ-շքերթում[8]։ Բերտիի մի շարք երգեր, ինչպես, օրինակ, "Fin che la barca va" վերնագիրը կրող երգը, ոչ միայն ֆինանսական հաջողություն են ունեցել, այլև դասվել են դասական ստեղծագործության նմուշների շարքին[7]։ Օրիետան 1966-1992 թվականների միջակայքում 11 անգամ մասնակցել է Սան Ռեմոյի՝ իտալական երգի փառատոնին[7], 29 տարվա ընդմիջումից հետո այնտեղ հանդես է եկել 12-րդ անգամ՝ սահմանելով յուրատեսակ ռեկորդ երաժշտական այդ մրցույթի պատմության մեջ։
Իտալիա
Orietta Berti Վիքիպահեստում
