Օստանկինո հեռուստաաշտարակ
| Օստանկինո հեռուստաաշտարակ | |
| Останкинская телебашня | |
| |
| Տեղագրություն |  Մոսկվա, Ռուսաստան
|
| Կառուցման ժամանակ | 1960–1967 |
| Օգտագործում | Հեռահաղորդակցություն, զբոսաշրջության, մետեորոլոգիա |
| Բարձրություն | |
|---|---|
| Ծայրաձող | 540,1 մ |
| Տանիք | 385,4 մ |
| Վերջին հարկ | 360,4 մ |
| Տեխնիկական պարամետրներ | |
| Հարկերի թիվ | 120 |
| Տարածքը շինության մեջ | 15 000 մ2 |
| Վերելակների թիվ | 7 |
| Ճարտարապետ | Լեոնիդ Բատալով, Դմիտրի Բուրդին, Մ. Շկուդ, Լ. Շիպակին ինժեներներ՝ Նիկոլայ Նիկիտին, Բորիս Զլոբին |
| Կառուցող | СУ-60 |
  | |
 | |
| Տեղեկություններ Emporis կայքում | |
| Տեղեկություններ SkyscraperPage կայքում | |
 Վիքիպահեստում | |
Օստանկինո հեռուստաաշտարակ (ռուս.՝ Останкинская телебашня), հեռուստառադիո աշտարակ Մոսկվայում, Ռուսաստան, որի սեփականատերն է Ռուսաստանի հեռահաղորդակցման ցանց (RTRS) ձեռնարկությունը։ Հեռուստաաշտարակի բարձրությունը 540.1 մետր է։ 1967-1975 թվականներին եղել է աշխարհի ամենաբարձր շինությունը։
Նկարագրություն[խմբագրել | խմբագրել կոդը]
Օստանկինո հեռուստաաշտարակը նախագծել է ճարտարապետ Նիկոլայ Նիկիտինը։ Այն ընդգրկված է աշխարհի և Եվրոպայի ամենաբարձր շինությունների ցանկում. 8-րդ ամենաբարձր շինությունն է աշխարհում։ Օստանկինո հեռուստաաշտարակը կառուցվել է Հոկտեմբերյան հեղափոխության 50-ամյա տարելիցի առթիվ։ Անվանվել է Մոսկվայի Օստանկինո շրջանի պատվին, որտեղ էլ այն տեղակայված է[1][2]։
Շինարարությունը սկսվել է 1963 թվականին և ավարտվել 1967 թվականին։ Այն գերազանցեց Էմփայր Սթեյթ Բիլդինգին և դարձավ այդ ժամանակաշրջանի խորհրդային ճարտարապետության գլուխգործոցը՝ մնալով աշխարհում ամենաբարձր շինությունը շուրջ 8 տարի, մինչև 1976 թվականին Կանադայի Տորոնտո քաղաքում կառուցված Սի Էն աշտարակը գերազանցեց նրան 13 մետրով[3]։ Շուրջ 31 տարի Օստանկինո հեռուստաաշտարակը համարվում էր 2-րդ ամենաբարձր շինությունը, մինչև Դուբայում կառուցված Բուրջ Խալիֆաը 2007 թվականին իր բարձրությամբ գերազանցեց և Օստանկինո, և Սի Էն աշտարակներին։ Շուրջ 46 տարի Օստանկինո հեռուստաաշտարակը եղել է Եվրոպայի ամենաբարձր շինությունը։
Հրդեհ աշտարակում[խմբագրել | խմբագրել կոդը]
2000 թվականի օգոստոսի 27-ին հեռուստաաշտարակում բռնկված հրդեհից մահացել են 4 մարդ՝ 3 հրշեջները և վերելակավար կինը։ Հրդեհի օջախը գտնվել է 460 մետր բարձրության վրա։ Ամբողջությամբ այրվել են 3 հարկեր։
Վերականգնողական աշխատանքներից հետո 2008 թվականի փետրվարի 14-ից զբոսավարական խմբերում ընդգրկում են 40 հոգուց ոչ ավել։ Հրդեհի հետևանքով աշտարակի ծայրաձողը թեքվել է[4]։ Մոսկվայում և հարակից շրջաններում անջատվեց հեռահաղորդակցման համակարգը։ Միակ անխափան հեռուստակայանը մասնավոր NTV կայանն էր[5]։
2007 թվականի մայիսի 25-ին հեռուստաաշտարակում կրկին հրդեհ է բռնկվել, որը, բարեբախտաբար, ավելի թույլ է եղել, քան 2000 թվականի հրդեհը։ Հեռուստաաշտարակում գտնվողներն անվնաս տարհանվել են[6]։
Ծանոթագրություններ[խմբագրել | խմբագրել կոդը]
- ↑ Fire at television tower offers new evidence of Russia's decay Archived 2012-10-25 at the Wayback Machine., Associated Press (reprinted by the Independent), 28 August 2000.
- ↑ «Russia's Tallest TV Tower Was Created as Symbol of USSR's Power»։ Pravda.ru։ սեպտեմբերի 21, 2009։ Վերցված է հոկտեմբերի 5, 2009
- ↑ «What if the CN Tower Caught Fire?»։ CBC News (Canadian Broadcasting Corporation)։ նոյեմբերի 10, 2000։ Վերցված է հունիսի 26, 2007
- ↑ Firefighters struggle against blaze in Moscow television tower by Nick Wadhams, The Independent, 28 August 2000.
- ↑ Bodies recovered from Moscow TV tower fire Archived 2011-06-04 at the Wayback Machine.. CNN.com, 28 August 2000.
- ↑ Fire out at Moscow landmark tower. BBC News
| Նախորդող Էմփայր Սթեյթ Բիլդինգ |
Աշխարհի ամենաբարձր կառույց 540 մ (1772 ֆութ) 1967–1976 |
Հաջորդող Սի Էն աշտարակ |
Արտաքին հղումներ[խմբագրել | խմբագրել կոդը]
- Российская телевизионная и радиовещательная сеть Archived 2017-02-09 at the Wayback Machine.
- Ostankino Television Tower Archived 2004-07-04 at the Wayback Machine.
| ||||||||||||||
