Օսկար Սկոնե

Վիքիպեդիայից՝ ազատ հանրագիտարանից
Jump to navigation Jump to search
Օսկար Սկոնե
Prince Oscar, Duke of Skåne in 2018 (cropped).jpg
Ծնվել էմարտի 2, 2016(2016-03-02) (3 տարեկան)
ԾննդավայրSolna, Ստոկհոլմի լեն, Շվեդիա
ՔաղաքացիությունFlag of Sweden.svg Շվեդիա
Ծնողներհայր՝ Prince Daniel, Duke of Västergötland?, մայր՝ Վիկտորիա (Շվեդիայի թագաժառանգ արքայադուստր)
Prince Oscar, Duke of Skåne Վիքիպահեստում

Օսկար դուքս Սկոնե_ (Նորին թագավորական մեծություն դուքս, Օսկար Կառլ Ուլոֆ, շվեդ.՝ H.K.H. Oscar Carl Olof, hertig av Skåne, մարտի 2, 2016(2016-03-02), Solna, Ստոկհոլմի լեն, Շվեդիա), շվեդ արքայազն, դուքս Սկոնե, շվեդական թագավորության թագաժառանգ թագուհի Վիկտորիայի և նրա ամուսնու Վեսերգյոթլանդի դուքս Դանիելի երկրորդ որդին։ Հանդիսանում է Շվեդիայի թագավոր Կառլ XVI Գուստաֆի և թագուհի Սիլվիի չորրորդ թոռը։ Նա զբաղեցնում է շվեդական գահը ժառանգելու գծով երրորդ տեղը՝ մորից և քրոջից՝ Նորին թագավորական մեծություն Էստել Սիլվիա Եվա Մերիից հետո[1][2]։

Ծնունդ[խմբագրել | խմբագրել կոդը]

2015 թվականի սեպտեմբերի 4–ին թագավորական ընտանիքը հայտնեց, որ թագուհի Վիկտորիան 2016 թվականի մարտին երկրորդ երեխայի ծնունդին է սպասում[3]։

Արքայազն Օսկարը ծնվել է 2016 թվականի մարտի 2–ին ժամը 20:28–ին՝ մայրաքաղաքի Կարոլինյան հիվանդանոցում։ Կայացած մամուլի ասուլիսի ժամանակ արքայազն Դանիելն ասել է, որ նորածնի հասակը 52 սմ է, քաշը՝ 3 655 գրամ[4]։ Ըստ օրենքի, որը Շվեդիայում գործել է 1980 թվականից, նորածին արքայազնը հանդիսանում է երրորդը՝ շվեդական գահի ժառանգման իրավունքի՝ իր մորից և քրոջից հետո։ Իր ծնունդով նա չորրորդ տեղ է մղել իր զարմիկին՝ թագաժառանգ Կարլ Ֆիլիպին։ Լինելով բրիտանական թագուհի Մարգարիտա Վիկտորիա Շառլոտայի նախաթոռը՝ արքայազն Օսկարը դասվել է բրիտանական գահի ժառանգորդների կազմի մեջ։

Օսկարի անունն ու տիտղոսները հայտարարվել են նախարարների խորհրդի նիստում՝ մարտի 3–ին՝ թագավոր Կառլ XVI Գուստաֆի կողմից, որից հետո արքունիքում կատարվել է շնորհակալական մաղթանք։ Օսկար, Կառլ և Ուլոֆ անունները տարբեր ժամանակներում կրել են Շվեդիայի արքաները. Կառլ XV–ը՝ 1859 թվականին և Գուստավ VI Ադոլֆը՝ 1950 թվականներին։

Թագաժառանգի ծնունդը նշվել է հրավառությամբ՝ 21 զարկով ՝ Շեպպսհոլմեն կղզում, որը դեմ դիմաց է գտնվում Ստոկհոլմյան պալատին։ Հրավառություն է եղել նաև Բուդենում, Հերնյոսանդում, Կարլսկրունայում և Գյոթեբորգում։

2016 թվականի մայիսի 27–ին արքայազն Օսկարը կնքվել է արքեպիսկոպոս Անտիե Յակելենի ձեռամբ՝ Ստոկհոլմի Թագավորական պալատի մատուռում։ Կնունքին ներկա են եղել արքայազն Ֆրեդերիկ Դանիացին, թագուհի՝ Մետտե–Մարիտ Նորվեգացին, զարմուհի՝ թագուհի Մադլենը, Օսկար Մագնուսոնը (թագուհի Քրիստինայի որդին, թագուհի Վիկտորիայի զարմիկը) և Հանս Օստրյոմը (արքայազն Դանիելի զարմիկը)։ Կնունքի ուղիղ հեռարձակումը իրականացվել է շվեդական հանրային հեռուստատեսային կազմակերպության՝ SVT–ի կողմից[5]։

Պարգևներ[խմբագրել | խմբագրել կոդը]

  • Շվեդիա Սերոֆիմյան շքանշանի ասպետ (ծննդյան պահից);
  • Շվեդիա Կառլ XIII շքանշանի ասպետ (ծննդյան պահից);

Ծանոթագրություններ[խմբագրել | խմբագրել կոդը]

  1. «Երեխաներ, որոնք շուտով կկառավարեն աշխարհը (լուսանկարներ)»։ www.tert.am (հայերեն)։ Վերցված է 2018-11-01 
  2. «У шведской наследной принцессы родился второй ребенок»։ ТАСС։ Վերցված է 2018-11-01 
  3. «Kronprinsessparet väntar barn / The Crown Princess Couple is expecting a child - Sveriges Kungahus»։ www.kungahuset.se (շվեդերեն)։ Վերցված է 2018-11-01 
  4. «Kronprinsessan Victoria och Prins Daniel har fått en son - Sveriges Kungahus»։ www.kungahuset.se (շվեդերեն)։ Վերցված է 2018-11-01 
  5. «В Швеции крестили принца Оскара»։ Газета.Ru։ Վերցված է 2018-11-01