Օննի Օկկոնեն

Վիքիպեդիայից՝ ազատ հանրագիտարանից
Jump to navigation Jump to search
Օննի Օկկոնեն
Դիմանկար
Ծնվել էօգոստոսի 20, 1886(1886-08-20)[1][2][3]
ԾննդավայրKorpiselkä, Ֆինլանդիա
Մահացել էմայիսի 18, 1962(1962-05-18)[1][2] (75 տարեկան)
Մահվան վայրՀելսինկի, Ֆինլանդիա
ԳերեզմանՀիետանիեմի գերեզմասնատուն
ՔաղաքացիությունFlag of Finland.svg Ֆինլանդիա
Գիտական աստիճանարվեստագիտության դոկտոր
Մասնագիտությունգրող, արվեստի քննադատ, նկարիչ և արվեստագետ
ԱշխատավայրՀելսինկիի համալսարան

Օննի Օկկոնեն (օգոստոսի 20, 1886(1886-08-20)[1][2][3], Korpiselkä, Ֆինլանդիա - մայիսի 18, 1962(1962-05-18)[1][2], Հելսինկի, Ֆինլանդիա), ֆին արվեստագետ, արվեստի պատմաբան, արվեսագիտության դոկտոր, ակադեմիկոս, Հելսինկիի համալսարանի պրոֆեսոր։

Կենսագրություն[խմբագրել | խմբագրել կոդը]

Ծնվել է Հյուսիսային լադոգայում։ 1914 թվականին արվեստագիտության ոլորտում ստացել է փիլիսոփայության դոկտորի աստիճան։ 1927 թվականին նշանակվել է Հելսինկիի համալսարանի արվեստի պատմության պրոֆեսոր և այս պաշտոնում մնացել է մինչև 1945 թվականը։

1956 թվականին Օննի Օկկոնենը ճամփորդել է Չինաստան, որտեղ հավաքել է Չինաստանի պատմության տարբեր դարաշրջանների տպավորիչ հավաքածու։

Օննի Օկկոնենի հետազոտությունների հիմնական ուղղությունն էր Ֆինլանդիայի արվեստը և իտալական վերածննդի դարաշրջանի կերպարվեստը։

Օննի Օկկոնենը 1923-30-ականների ֆիննական մշակույթի և արվեստի ամենանշանավոր դեմքերից է։ Նա մի շարք հայտնի գիտական գրքեր է գրել համաշխարհային մշակույթի և արվեստի մասին։ Օննի Օկկոնենը մեծապես նպաստել է, որ անկախ Ֆինլանդիան կարողանա գտնել իր տեղը համաեվրոպական մշակութային տարածքում[4]։

Նրա հիմնական գործերից են Ֆիննական արվեստի պատմության ուսումնասիրություն «Suomen taiteen historia» (1945) աշխատությունը, որն անգլերենով թարգմանվել է 1946 թվականին, ինչպես նաև Վյայնյո Աալտոնենի, Յուհո Ռիսսանենի և Ակսելի Գալլեն-Կալլելայի մասին մենագրությունները։

Օննի Օկկոնեն արվեստին վերաբերվող թեմաների շրջանակում ակտիվ համագործակցել է Uusi Suomi թերթի հետ։

1962 և 1974 թվականններին նախկին արվեստի պրոֆեսոր Օննի Օկկոնեն Յոենսուու քաղաքի գեղարվեստի թանգարանին նվիրեց իր հարուստ արվեստի հավաքածուն։

Օննի Օկկոնեն եղել է նաև ֆանտաստիկ ոճի գրող և նկարիչ

1937-ից 1942 թվականներին ղեկավարել է Կալեվալայի հասարակության աշխատանքները[5]։ 1948-1956 թվականներին եղել է Ֆինլանդիայի ակադեմիայի անդամ։

Թաղված է Հելսինկիի Հիետանիեմիի գերեզմանոցում։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]