Օնիկ Փանիկյան

Օնիկ Փանիկյան Օնիկ Ստեփանի Փանիկյան
Ծնվել է	հունվարի 19, 1905
Ծննդավայր	Մալգարա (Թուրքիա)
Մահացել է	մարտի 20, 1975
Մահվան վայր	Երևան (Հայաստան)
Ազգություն	հայ
Մասնագիտություն	թարգմանիչ, արձակագիր և բանաստեղծ

Օնիկ Ստեփանի Փանիկյան, ավելի հայտնի է որպես Օնիկ Զարմունի (1905, հունվարի 19 - 1975, մարտի 20), հայ բանաստեղծ, փիլիսոփա, արձակագիր, թարգմանիչ, ցեղակրոնության ազգային գաղափարախոսության հիմնադիրներից մեկը, Գարեգին Նժդեհի գաղափարակից ընկերը, Ցեղակրոն Ուխտեր շարժման ղեկավարներից մեկը։ ԽՍՀՄ գրողների միության անդամ 1946 թվականից։

Կենսագրություն

Ծնվել է Թուրքիայի Մալգարա գյուղաքաղաքում։ 1915 թվականին ընտանիքով աքսորվել է Դեյր Էզ-Զոր։ 1919 թվականին վերադարձել է Մալգարա և շարունակել ուսումը։ 1922 թվականին տեղափոխվել է Բուլղարիա։ 1929-1946 թվականներին ուսուցչություն է արել Պլովդիվի և Ռուսեի հայկական դպրոցներում։ 1946 թվականին Զարմունին աքսորվել է Սիպիր: Նրա ժառանգները այժմ էլ ապրում են Ռուսեում և Պլովդիվում։

1950-1972 թվականներին աշխատել է «Հայաստան» հրատարակչությունում որպես տեխնիկական խմբագիր։ Մահացել է Երևանում:

Օ. Փանիկյանի երկերի մատենագրություն

• Ծաղիկ կը փետտեմ, Սոֆիա, 1928, 32 էջ:
• Գորշ երկնքի տակ, Սոֆիա, 1932, 64 էջ:
• Երգ յաւերժական, Սոֆիա, 1936, 16 էջ:
• Զարմունի։ Ցեղի հրամայականը
• Օ. Զարմունի: ԱԾՈՒ (Դպրոցական արտասանութիւններ), Սոֆիա, տպարան «Ռահվիրայ», 1938, 32 էջ
• Առանձնութիւն, Սոֆիա, 1940, 160 էջ:
• Մահից դեպի կյանք, Երևան, 1948, 112 էջ:
• Գիժ մարտիկը, Երևան, Հայպետհրատ, 1948, 12 էջ:
• Ցայգերգ, Երևան, Հայպետհրատ, 1958, 96 էջ:
• Հայրն ու որդին, Երևան, Հայպետհրատ, 1959, 16 էջ:
• Գիժ մարտիկը, Երևան, Հայպետհրատ, 1959, 16 էջ:
• Մեղուների երգը, Երևան, Հայպետհրատ, 1963, 24 էջ:
• Մահից դեպի կյանք, Երևան, «Հայաստան», 1965, 336 էջ:
• Ուրախության մատանին, Երևան, «Հայաստան», 1968, 12 էջ:
• Ծաղիկների հեքիաթը, Երևան, «Հայաստան», 1970, 28 էջ:
• Այգերգ, Երևան, «Հայաստան», 1972, 112 էջ:
• Արքայորդին և ստրուկը, Երևան, «Հայաստան», 1972, 48 էջ:
• Կապույտ երկինք, Երևան, «Սովետական գրող», 1978, 92 էջ:

Օ. Փանիկյանի կատարած թարգմանությունները (բուլղարերենից)

• Նադյա Կեհլիբարևա, Գունավոր ապակիներ (բանաստեղծություններ), Ե., «Հայաստան», 1968, 56 էջ։
• Պետր Բոնև, Սադալա թագավորի գանձը (վիպակ, թարգմանության հեղինակակից Պ. Հ. Թարգմանյան), Ե., «Հայաստան», 1969, 134 էջ։