Օմար Աբդ ալ-Ռահման
| Օմար Աբդ ալ-Ռահման | |
|---|---|
 | |
| Ծնվել է | մայիսի 3, 1938[1] |
| Ծննդավայր | Դակահլիա, Եգիպտոսի թագավորություն |
| Մահացել է | փետրվարի 18, 2017[2] (78 տարեկան) |
| Մահվան վայր | Butner, Granville County, Հյուսիսային Կարոլինա, ԱՄՆ |
| Քաղաքացիություն |  Եգիպտոս |
| Մայրենի լեզու | արաբերեն |
| Կրոն | իսլամ |
| Կրթություն | ալ-Ազհար համալսարան |
| Մասնագիտություն | աստվածաբան և քաղաքական գործիչ |
| Երեխաներ | Mohammed Omar Abdel-Rahman? և Asim Abdulrahman? |
| Կայք | omarabdelrahman.com |
 Omar Abdel-Rahman Վիքիպահեստում | |
Օմար Աբդ ալ-Ռահման (արաբ․՝ شيخ عمر عبدالرّحمٰن, մայիսի 3, 1938[1], Դակահլիա, Եգիպտոսի թագավորություն - փետրվարի 18, 2017[2], Butner, Granville County, Հյուսիսային Կարոլինա, ԱՄՆ), գլխավորապես «Ալ-Ջամա ալ-Իսլամիա» և «Ալ Ջիհադ» ահաբեկչական կազմակերպությունները ներկայացնող եգիպտացի իսլամիստների հոգևոր առաջնորդ և կրոնական ուսուցիչ։
Կենսագրություն[խմբագրել | խմբագրել կոդը]
Մանկուց կույր է եղել։ Նա ակտիվորեն ներգրավված է եղել Եգիպտոսի հասարակական-քաղաքական կյանքում։
1960-ականների վերջին և 1970-ականների սկզբին նա կտրուկ հականասերական դիրքորոշում է ընդունել։ Նա քարոզում էր, որ բարեպաշտ մուսուլմանը չպետք է աղոթի Եգիպտոսի նախագահ Նասերի փրկության համար, ինչի համար 1970-ի սեպտեմբերին նա առաջին անգամ ձերբակալվել է և բանտարկվել, բանտում անցկացրել է ութ ամիս։ 1973-1977 թվականներին նա քարոզում էր Ասյութում, որը դարձել էր իսլամական արմատականների հենակետը, իսկ 1977-1980 թվականներին՝ Սաուդյան Արաբիայում, որտեղ նա հրատարակում էր ֆաթվաներ (ցուցումներ), որոնք կոչ էին անում սպանել ղպտիներին և Եգիպտոսի նախագահ Սադաթին։
1981 թվականին Սադաթի սպանությունից հետո, Ռահման ձերբակալվել է և երեք տարի անցկացրել է բանտում։ Արդարացվել է Սադաթի սպանությանը մասնակցության մեղադրանքով։ 1991 թվականին Աբդուլ-Ռահմանի նկատմամբ խոշտանգումների համար Կահիրեի դատարանը նրան հրամայել է փոխհատուցում վճարել $10,000: Ձերբակալվել է 1986 թվականինէ Ասուանի բունտը սադրելու համար, սակայն շուտով արդարացվել է։ Աբդուլ-Ռահմանը աֆղանական պատերազմի ընթացքում բազմիցս այցելել է Պակիստան։
1980-ականների երկրորդ կեսին երկու անգամ այցելել է Միացյալ Նահանգներ, այցելել Սաուդյան Արաբիա, բազմիցս` Պակիստան, որտեղ հանդիպել է իր գործընկեր Այման Զավահարին։ 1990 թվականի ապրիլին նրան վտարել են Եգիպտոսից, և 1990 թվականի հուլիսին նա ժամանել է Միացյալ Նահանգներ։ 1991 թվականի մարտին նա իր հետևորդներին կոչ է արել հեղաշրջում կազմակերպել Եգիպտոսում և սպանել Հոսնի Մուբարաքին, ինչպես նաև պահանջել է Միացյալ Նահանգներից դադարեցնել աջակցությունը Եգիպտոսի կառավարությանը։ Ըստ որոշ հաղորդումների` իրանցի դիվանագետները 1992 թվականին այցելել են Ռահմանին ԱՄՆ-ում և առաջարկել նրան տեղափոխվել Թեհրան։
Նա ղեկավարել է ահաբեկչական այն խմբավորումը, որը նախապատրաստել և իրականացրել է առաջին պայթյունը Նյու Յորքի Համաշխարհային առևտրի կենտրոնում 1993-ի փետրվարի 26-ին, որը 6 մարդու մահվան պատճառ է դարձել։ Դատապարտվել է ցմահ ազատազրկման Միացյալ Նահանգներում, իսկ Եգիպտոսում՝ յոթ տարվա ազատազրկման 1989 թվականին Ֆայումում անկարգություններ հրահրելու համար։
Նա մահացել է բանտի հիվանդանոցում, շաքարային դիաբետից, որով տառապում էր իր կյանքի վերջին 9 տարիներին[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 Deutsche Nationalbibliothek Record #119178095 // Gemeinsame Normdatei (գերմ.) — 2012—2016.
- ↑ 2,0 2,1 2,2 http://www.lefigaro.fr/flash-actu/2017/02/18/97001-20170218FILWWW00130-le-cheikh-aveugle-meurt-en-prison.php
- ↑ В тюрьме США умер «слепой шейх», стоявший за терактом во Всемирном торговом центре
Արտաքին հղումներ[խմբագրել | խմբագրել կոդը]
- «Omar Abdel-Rahman collected news and commentary». The New York Times
- Paul DeRienzo’s jail house interview with Rahman, September 1994
- Civil rights attorney convicted in terror trial, CNN, 14 February 2005
- Bin Laden’s 1996 Fatwa Արխիվացված 2018-12-25 Wayback Machine PBS.Org
- Smuggling The Sheikh’s Messages Smoking Gun archive.
- Sheikh Omar Abdul-Rahman (The Blind Sheikh) Releases Letter from Prison Analysis from the SITE Institute.
- MIPT Biography
- [1]
 | Վիքիպահեստն ունի նյութեր, որոնք վերաբերում են «Օմար Աբդ ալ-Ռահման» հոդվածին։ |
| ||||||||||||
