Օխոս դել Սալադո (հրաբուխ)
| Օխոս դել Սալադո | |
|---|---|
.jpg) | |
| Տեսակ | լեռ |
| Մայրցամաք | Հարավային Ամերիկա և Ամերիկա |
| Երկիր |  Չիլի և  Արգենտինա |
| Վարչատարածք | Տինոգաստա և Կոպյապո |
| ԲԾՄ | 6893 մետր |
| Հարաբերական բարձրություն | 3688 մետր |
| Նյութ | անդեզիտ |
| Մասն է | Յոթ հրաբուխներ և յոթ երկրորդ բարձունքներ |
| Լեռնաշղթա | Անդեր |
 | |
 | |
Օխոս դել Սալադո (իսպ.՝ Ojos del Salado), աշխարհի ամենաբարձր հրաբուխը։ Բարձրությունը 6893 մ է, երկրորդ գագաթն է Հարավային Ամերիկայում և ողջ Արևմտյան կիսագնդում, Ակոնկագուայից հետո[1].
Նկարագրություն
[խմբագրել | խմբագրել կոդը]Գտնվում է Արգենտինայի և Չիլիի սահմանին՝ Չիլիի ամենաբարձր կետն է։ Հրաբխից դեպի արևմուտք, Խաղաղ օվկիանոսի ափի երկայնքով ձգվում է Ատակամա անապատը։ Հրաբխի խառնարանի արևելյան լանջին՝ 6390 մետր բարձրության վրա գտնվում է աշխարհի ամենաբարձր լիճը, որը նույնպես կրում է Օխոս դել Սալադո անվանումը[2]։
Անունը իսպաներենից թարգմանվում է որպես «աղի գետի աղբյուրներ», այսինքն՝ լեռից սկիզբ առնող Ռիո Սալադո գետի պատվին (թափվում է Խաղաղ օվկիանոս)[3]։
Հրաբուխը համարվում է հանգած, քանի որ դիտարկման ողջ պատմության ընթացքում ոչ մի ժայթքում չի գրանցվել։ Այնուամենայնիվ, երբեմն նկատվել է պասիվ հրաբխային ակտիվություն։ Այսպիսով, 1937, 1956 և 1993 թվականներին ծծմբի և ջրի գոլորշիների փոքր արտանետումներ են եղել[4]։
Հրաբխի գագաթը առաջինը հաղթահարել են լեհ լեռնագնացներ Յուստին Վոյնիսն ու Յան Շչեպանսկին։ Գագաթ տանող ճանապարհին հետազոտողները հայտնաբերեցին ինկերի զոհասեղանների հետքերը։ Ըստ ամենայնի, հնդկացիները Օխոս-դել-Սալադո հրաբուխը համարել են սրբազան լեռ։
2007 թ. Ապրիլի 21-ին չիլիացի մարզիկ Գոնսալո Բրավոն կարողացավ փոփոխված Suzuki Samurai (« Suzuki SJ ») մեքենայով հաղթահարել Օխոս-դել-Սալադո լանջը 6688 մետր բարձրության վրա` սահմանելով մեքենաների վերելքի համաշխարհային ռեկորդ։
Տես նաև
[խմբագրել | խմբագրել կոդը]Պատկերասրահ
[խմբագրել | խմբագրել կոդը]-
Օխոս-դել-Սալադո -
Օխոս-դել-Սալադո գագաթներից մեկը 2006 թ. -
Օխոս-դել-Սալադո -
Օխոս-դել-Սալադո
.jpg)
Ծանոթագրություններ
[խմբագրել | խմբագրել կոդը]- ↑ Axel Borsdorf, Christoph Stadel The Andes: A Geographical Portrait // Springer Science+Business Media. — С. 7. — ISBN 978-3-319-03530-7.
- ↑ «Ojos del Salado». www.andes.org.uk (անգլերեն). Վերցված է 2019 թ․ փետրվարի 26-ին.
{{cite web}}: CS1 սպաս․ url-status (link) - ↑ «Ojos del Salado». publications.americanalpineclub.org. Վերցված է 2019 թ․ փետրվարի 26-ին.
{{cite web}}: CS1 սպաս․ url-status (link) - ↑ «Охос-дель-Саладо — самый высокий вулкан в мире». hontos.ru (ռուսերեն). Վերցված է 2019 թ․ փետրվարի 26-ին.
{{cite web}}: CS1 սպաս․ url-status (link)
Արտաքին հղումներ
[խմբագրել | խմբագրել կոդը]- «Volcano Live». www.volcanolive.com. Վերցված է 2019 թ․ փետրվարի 26-ին.
{{cite web}}: CS1 սպաս․ url-status (link)
 | Վիքիպահեստն ունի նյութեր, որոնք վերաբերում են «Օխոս դել Սալադո (հրաբուխ)» հոդվածին։ |
| ||||||||||
