Օլեգ Քամալյան
Օլեգ Քամալյան | |
---|---|
Ծնվել է | դեկտեմբերի 29, 1951 (72 տարեկան) |
Ծննդավայր | Ճարտար |
Քաղաքացիություն | Հայաստան |
Կրթություն | Երևանի պետական համալսարան |
Մասնագիտություն | քիմիկոս, քիմիական գիտությունների դոկտոր և պրոֆեսոր |
Օլեգ Արմանի Քամալյան (դեկտեմբերի 29, 1951, Ճարտար), հայ քիմիկոս, քիմիական գիտությունների դոկտոր (2009), պրոֆեսոր (2011)[1]։
Կենսագրություն[խմբագրել | խմբագրել կոդը]
Ծնվել է 1951 թվականի դեկտեմբերի 29-ին, Արցախի Ճարտար գյուղում։ 1969 թվականին ավարտել է ծննդավայրի դպրոցը և նույն թվականին ընդունվել Երևանի պետական համալսարանի քիմիայի ֆակուլտետը։ 1970 թվականին ծառայության է անցել ԽՍՀՄ բանակում։ Ծառայությունն ավարտելուց հետո ուսումը շարունակել Երևանի պետական համալսարանի քիմիայի ֆակուլտետում և այն ավարտել է 1977 թվականին։
Օլեգ Քամալյանն իր դիպլոմային աշխատանքը կատարել է ԽՍՀՄ ԳԱ էլեմետօրգանական քիմիայի ինստիտուտում։ 1977 թվականին աշխատանքի է անցել Երևանի պետական համալսարանի քիմիայի ամբիոնում որպես լաբորանտ, այնուհետև՝ ուսումնական լաբորատորիայի վարիչ և դոցենտ։ Թեկնածուական ատենախոսություն Օլեգ Քամալյանը պաշտպանել է 1989 թվականին։ Որպես դասախոս 1993 թվականին ՀՀ հատուկ ծրագրերի պետական վարչության կողմից գործուղվել է Արցախի պետական համալսարան։ 1993-1994 թվականներին եղել է նույն համալսարանի քիմիայի ամբիոնի հիմնադիր-վարիչը։
Բացի դասախոսական աշխատանքներից՝ որոշ աշխատանքներ է կատարել ԼՂՀ ՊԲ բնագավառում, որի համար պարգևատրվել է ԼՂՀ «Մարտական ծառայություն» մեդալով։ 2006-2007 թվականներին եղել է ԼՂՀ գնահատման և թեստավորման կենտրոնի հիմնադիր-տնօրեն[2], 2007-2012 թվականներին՝ ԵՊՀ ֆիզիկական և կոլոիդների քիմիայի ամբիոնի դոցենտ և պրոֆեսոր, 2012-2019 թվականներին՝ ՀԱԱՀ ընդհանուր քիմիայի ամբիոնի վարիչ, որից հետո՝ նույն ամբիոնի պրոֆեսոր։
Օլեգ Քամալյանը մոտ 100-ից ավելի գիտական աշխատության և մի քանի ուսումնամեթոդական աշխատանքների և ձեռնարկների հեղինակ է
Ծանոթագրություններ[խմբագրել | խմբագրել կոդը]
- ↑ «Камалян Олег Арманович». Главная (ռուսերեն). 2019 թ․ մարտի 7. Վերցված է 2021 թ․ օգոստոսի 26-ին.
- ↑ «Камалян Олег Арманович — Энциклопедия фонда «Хайазг»». ru.hayazg.info. Վերցված է 2021 թ․ օգոստոսի 26-ին.