Օլեգ Կոնոնով

Օլեգ Կոնոնով; բելառուս․՝ Алег Георгіевіч Конанаў
Անձնական տվյալներ
Ազգությունը	ռուս
Քաղաքացիությունը	ԽՍՀՄ, Բելառուս և Ռուսաստան
Ծննդյան ամսաթիվ	մարտի 23, 1966 (58 տարեկան)
Ծննդավայր	Կուրսկ, ՌԽՖՍՀ, ԽՍՀՄ
Հասակ	183 սմ
Դիրք	պաշտպան, կիսապաշտպան
Ակումբային տեղեկություններ
Ներկա ակումբ	Սպարտակ
Համար	գլխավոր մարզիչ
Պատանեկան կարիերա
	ՄՊՄԴ-4 (Կուրսկ)
Մասնագիտական կարիերա*
Մարզչական կարիերա
2008-2011	Կարպատներ (Լվով)
2012-2013	Սևաստոպոլ
2013-2016	Կրասնոդար
2017	Ախմատ
2018	Արսենալ (Տուլա)
2018—մ.հ.	Սպարտակ
	* Մասնագիտական կարիերայում ընդգրկված են միայն առաջնության խաղերը և գոլերը:

Օլեգ Գեորգիևիչ Կոնոնով (ռուս.՝ Олег Георгиевич Кононов, մարտի 23, 1966(1966-03-23), Կուրսկ, ՌԽՖՍՀ, ԽՍՀՄ^[1]), խորրհրդային, բելառուս^[2] և ռուս ֆուտբոլիստ (պաշտպան և կիսապաշտպան), ֆուտբոլային մարզիչ։ 2018 թվականի նոյեմբերին դարձել է «Սպարտակ» ակումբի գլխավոր մարզիչ։

Կենսագրություն

Ակումբային Կարիերա

Ավարտել է Սմոլենսկի ֆիզիկական կուլտուրայի ակադեմիայի սպորտի և տուրիզմի բաժինը։ Սկսել է խաղալ ԽՍՀՄ առաջին լիգայի՝ «Իսկրա» ակումբի երկրորդ կազմում (Սմոլենսկ)։ Հետագայում Մոգիլյովի «Դնեպր» ակումբի կազմում հանդես է եկել ԽՍՀՄ երկրորդ լիգայում։ 1989 թվականի մրցաշրջանի մի մասն անցկացրել է Վորոշիլովգրադի «Զարյա» ակումբի կազմում։ 1989-1992 թվականներին խաղացել է Բելառուսի ԿԻՄ ակումբում (Վիտեբսկ)։

1992-1993 թվականներին խաղացել է Գերմանիայի «Ֆրայբերգ» թիմում։ 1994 թվականին նորից խաղացել է Վիտեբսկի թիմում։

1994/95 ձմեռային միջմրցաշրջանում տեղափոխվել է լեհական «Ռուխ» ակումբ (Խոժուվ)՝ դառնալով առաջին օտարերկրացին այդ թիմի պատմության մեջ^[3]։ Բայց այնտեղ անցկացրել է ընդամենը 3 խաղ Լեհաստանի առաջնությունում, և մրցաշրջանի արդյունքում «Ռուխ» ակումբ դուրս է մնացել բարձրագույն դիվիզիոնից։ Կոնոնովը վերադարձել է Բելառուս՝ միանալով Նավապոլացկի «Նաֆթան» ակումբին։ Իր խաղային կարիերան ավարտել է Մինսկի «Տորպեդո» ակումբի կազմում։

Մարզչական կարիերա

Մարզչական կարիերան սկսել է «Տորպեդո» ակումբի կազմում։ Եղել է Անատոլի Յուրևիչի օգնականը․ նրանք միասին աշխատել են Մինսկի «Լոկոմոտիվ» ակումբում և Զապորոժիեի «Մետալուրգ» ակումբում (2003/04 մրցաշրջանի երկրորդ կես)։ 2005-2008 թվականներին ղեկավարել է Տիրասպոլի «Շերիֆ» պատանեկան ակադեմիան^[4] և եղել է թիմի մարզիչներից մեկը։ Այդ ընթացքում «Շերիֆ» ակումբը 4 անգամ անընդմեջ հաղթել է Մոլդավայի առաջնությունում, ինչպես նաև նվաճել է Մոլդավայի գավաթը և Սուպերգավաթը։

2008 թվականի մայիսի վերջին Օլեգ Կոնոնովը պայմանագիր է կնքել ուկրաինական «Կարպատներ» ակումբի հետ»^[5]՝ փոխարինելով Վալերի Յարեմչենկոյին։ 2009/10 մրցաշրջանում ակումբի հետ զբաղեցրել է հինգերորդ տեղը Ուկրաինայի առաջնությունում, ապա ակումբին հասցրել մինչև ՈՒԵՖԱ Եվրոպայի լիգայի 2011/12 մրցաշրջանի խմբային փուլ։ 2011 թվականին UA-Футбол ամսագրի ընթերցողների հարցումներով զբաղեցրել է երրորդ տեղը 2010 թվականի Ուկրաինայի լավագույն մարզիչ և Բացահայտում անվանակարգերում։ Լվովի ակումբի հետ հաղթել է նաև Copa del Sol երկրորդ խաղարկությունում։ Ուկրաինայի առաջնության 2010/11 մրցաշրջանում Օլեգ Կոնոնովը Լվովի ակումբին երկրորդ անգամ հասցրել մինչև եվրոգավաթի խաղարկություն։

2011 թվականի մայիսի 7-ին՝ Լվովի քաղաքային խորհրդի հանդիսավոր նիստի ժամանակ, Օլեգ Կոնոնովը պարգևատրվել է Սուրբ Յուրիի շքանշանով «Լվովում սպորտի զարգացման գործում ունեցած նշանակալի ձեռքբերումների համար»։

2011 թվականի հոկտեմբերի 18-ին Օլեգ Կոնոնովը հեռացել է «Կարպատների» գլխավոր մարզչի պաշտոնից։ 2012 թվականի հունիս 12-ին նշանակվել է «Սևաստոպոլ» ակումբի գլխավոր մարզչի պաշտոնում։ Նրա գլխավորությամբ թիմը ժամկետից շուտ՝ մրցաշրջանի ավարտից չորս տուր առաջ, հաղթել է առաջին դիվիզիոնի մրցաշարում և ստացել Պրեմիեր լիգայի ուղեգիր։

2013 թվականի օգոստոսի 11-ին Օլեգ Կոնոնովն զբաղեցրել է «Կրասնոդար ակումբի գլխավոր մարզիչի պաշտոնը՝ կնքելով եռամյա պայմանագիր^[6]։ Նոյեմբերի կեսերին Կոնոնովն ստացել է Ռուսաստանի քաղաքացիություն։ Դրա շնորհիվ ակումբն ազատվել է օտարերկրացի գլխավոր մարզչի համար 5 մլն ռուբլի հարկ վճարելու պարտավորությունից^[7]^[8]։ Կոնոնովի գլխավորութմամբ անցկացրած առաջին մրցաշրջանում «Կրասնոդարն» իր պատմության մեջ առաջին անգամ անցել է Եվրոգավաթի խաղարկություն և մասնակցել Ռուսաստանի գավաթի խաղարկության եզրափակչին, իսկ մեկ տարի «ցուլերն» զբաղեցրել են երրորդ տեղը Պրեմիեր լիգայում՝ վաստակելով առաջին մեդալներն պատմության մեջ։ 2016 թվականի սեպտեմբերի 13-ին հայտնի է դարձել Կոնոնովի՝ գլխավոր մարզչի պաշտոնից հեռանալու մասին^[9]։

2017 թվականի մայիսի 22-ին զբաղեցրել է «Ախմատ» ակումբի գլխավոր մարզչի պաշտոնը^[10]։ Հոկտեմբերի 30-ին՝ 15-րդ տուրի խաղից հետո, դիում է ներկայացրել իրեն պաշտոնից ազատելու խնդրանքով^[11]։

2018 թվականի հունիսի 1-ին նշանակվել է Տուլայի «Արսենալ» ակումբի գլխավոր մարզիչ^[12], սակայն այդ պաշտոնում անցկացրել է միայն առաջնության առաջին շրջանը, որի արդյունքում «Արսենալն» զբաղեցրել է 11-րդ տեղը։

2018 թվականի նոյեմբերի 12-ին նշանակվել է մոսկովյան «Սպարտակ» ակումբի գլխավոր մարզիչ^[13]։

Մարզչական վիճակագրություն

Ակումբ	Երկիր	Աշխատանքի սկիզբ	Աշխատանքի ավարտ	Ընդհանուր
Ակումբ	Երկիր	Աշխատանքի սկիզբ	Աշխատանքի ավարտ	Խ	Հ	Ո	Պ	Հ %
Կարպատներ		25 մայիսի, 2008	18 հոկտեմբերի, 2011	103	34	36	33	33,00
Սևաստոպոլ		12 հունիսի, 2012	11 օգոստոսի, 2013	34	22	8	4	64,70
Կրասնոդար		11 օգոստոսի, 2013	13 սեպտեմբերի, 2016	130	71	30	29	54,61
Ախմատ		22 մայիսի, 2017	30 հոկտեմբերի, 2017	16	5	3	8	31,25
Արսենալ		1 հունիսի, 2018	9 նոյեմբերի, 2018	16	6	5	5	37,50
Սպարտակ		12 նոյեմբերի, 2018	մ.հ.	6	3	1	2	50
Ընդհանուր				305	141	83	81	46,22

2018 թվականի դեկտեմբերի 13-ի դրությամբ

Մարզչական ձեռքբերումներ

Կարպատներ

Կոպա դել Սոլի դափնեկիր – 2011

Սևաստոպոլ

Ուկրաինայի առաջին լիգայի հաղթող – 2012/13

Կրասնոդար

Ռուսաստանի առաջնության բրոնզե մրցանակակիր – 2014/15
Ռուսաստանի գավաթի խաղարկության եզրափակչի մասնակից – 2013/14

Անձնական ձեռքբերումներ

ՌԴՊԼ 2014/15 մրցաշրջանի լավագույն մարզիչ երկրպագուների կարծիքով

Ծանոթագրություններ

↑ ^1,0 ^1,1 ^1,2 90minut.pl (польск.) — 2003.
↑ Олег Кононов: «Я не представитель белорусской школы. Я много лет там жил и играл, но я россиянин»
↑ Ruch Chorzów — Byli gracze(չաշխատող հղում)
↑ «Лига чемпионов УЕФА 2008/09». Արխիվացված է օրիգինալից 2008 թ․ օգոստոսի 4-ին. Վերցված է 2009 թ․ մայիսի 13-ին.
↑ «Олег Кононов — новий головний тренер львівських «Карпат»». Արխիվացված է օրիգինալից 2011 թ․ փետրվարի 4-ին. Վերցված է 2009 թ․ մայիսի 13-ին.
↑ «Главным тренером ФК «Краснодар» стал Олег Кононов». Արխիվացված է օրիգինալից 2013 թ․ հոկտեմբերի 6-ին. Վերցված է 2019 թ․ ապրիլի 9-ին.
↑ Сергей Галицкий: «Кононов будет назначен главным тренером»
↑ Олег Кононов: «Рад, что вернул российское гражданство»
↑ «Краснодар» объявил об уходе Кононова, и. о. главного тренера назначен Шалимов — Чемпионат.com
↑ «Олег Кононов — главный тренер «Терека»». Արխիվացված է օրիգինալից 2017 թ․ հունիսի 6-ին. Վերցված է 2019 թ․ ապրիլի 9-ին.
↑ «Ахмат» принял отставку Кононова и назначил и. о. главного тренера
↑ Кононов — новый главный тренер «Арсенала»
↑ Олег Кононов — главный тренер «Спартака»

Արտաքին հղումներ

Վիքիպահեստն ունի նյութեր, որոնք վերաբերում են «Օլեգ Կոնոնով» հոդվածին։

[_1b539ab41420d4fd-1] 1,0 ^1,1 ^1,2 90minut.pl (польск.) — 2003.

[2] Олег Кононов: «Я не представитель белорусской школы. Я много лет там жил и играл, но я россиянин»

[3] Ruch Chorzów — Byli gracze(չաշխատող հղում)

[4] «Лига чемпионов УЕФА 2008/09». Արխիվացված է օրիգինալից 2008 թ․ օգոստոսի 4-ին. Վերցված է 2009 թ․ մայիսի 13-ին.

[5] «Олег Кононов — новий головний тренер львівських «Карпат»». Արխիվացված է օրիգինալից 2011 թ․ փետրվարի 4-ին. Վերցված է 2009 թ․ մայիսի 13-ին.

[6] «Главным тренером ФК «Краснодар» стал Олег Кононов». Արխիվացված է օրիգինալից 2013 թ․ հոկտեմբերի 6-ին. Վերցված է 2019 թ․ ապրիլի 9-ին.

[7] Сергей Галицкий: «Кононов будет назначен главным тренером»

[8] Олег Кононов: «Рад, что вернул российское гражданство»

[9] «Краснодар» объявил об уходе Кононова, и. о. главного тренера назначен Шалимов — Чемпионат.com

[10] «Олег Кононов — главный тренер «Терека»». Արխիվացված է օրիգինալից 2017 թ․ հունիսի 6-ին. Վերցված է 2019 թ․ ապրիլի 9-ին.

[11] «Ахмат» принял отставку Кононова и назначил и. о. главного тренера

[12] Кононов — новый главный тренер «Арсенала»

[13] Олег Кононов — главный тренер «Спартака»

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]