Օլդրժիխ Վաշիչեկ
Օլդրժիխ Վաշիչեկ չեխ․՝ Oldřich Alfons Vašíček | |
|---|---|
| Ծնվել է | 1942 Պրահա, Բոհեմիայի և Մորավիայի պրոտեկտորատ[1] |
| Քաղաքացիություն |  Չեխիա և .svg){kind=small} ԱՄՆ |
| Մասնագիտություն | մաթեմատիկոս և տնտեսագետ |
| Գործունեության ոլորտ | Մաթեմատիկական ֆինանսներ և Vasicek model? |
| Ալմա մատեր | Պրահայի Կարլի համալսարան և Չեխիայի տեխնիկական համալսարան |
| Տիրապետում է լեզուներին | չեխերեն |
| Պարգևներ | |
Օլդրժիխ Ալֆոնս Վաշիչեկ (չեխ․՝ Oldřich Alfons Vašíček, 1942, Պրահա, Բոհեմիայի և Մորավիայի պրոտեկտորատ[1]), չեխ մաթեմատիկոս և քանակական վերլուծաբան[2]ով առավել հայտնի է[3], տոկոսադրույքների և վարկային մոդելավորման ոլորտում իր նորարարական աշխատանքով, մասնավորապես՝ իր անունը կրող Վաշիչեկի մոդելով և KMV մոդելով:
Կենսագրություն
[խմբագրել | խմբագրել կոդը]Վաշիչեկը[2] 1964 թվականին ստացել է մաթեմատիկայի մագիստրոսի կոչում Չեխիայի տեխնիկական համալսարանում, իսկ չորս տարի անց՝ հավանականությունների տեսության դոկտորի աստիճան Կառլի համալսարանում։ 1968 թվականին Խորհրդային Միության՝ Չեխոսլովակիա ներխուժումից հետո նա արտագաղթել է Ամերիկա, հաստատվել Սան Ֆրանցիսկոյում և 1969 թվականի հունվարին աշխատանքի անցել «Wells Fargo» բանկի կառավարման գիտության բաժնում։
1970 թվականին «Wells Fargo»-ն հովանավորեց մի համաժողով, որին մասնակցում էին Ֆիշեր Բլեքը և Մայրոն Շոուլզը, ովքեր հենց նոր էին սկսել լրջորեն մտորել բաժնետոմսերի օպցիոնների գնահատման խնդրի շուրջ: Իհարկե, նրանց հոդվածն այդ թեմայով, որի հրապարակումը համընկավ Ռոբերտ Ք. Մերթոնի համապատասխան աշխատության հետ, երեք տարի անց հեղաշրջում կատարեց ֆինանսական էկոնոմիկայի ոլորտում: Նույնիսկ 1970 թվականի համաժողովին հնչած նրանց նախնական մտքերը ոգևորեցին Վաշիչեկին, ով շուտով հարակից հարցերի ուսումնասիրությունը դարձրեց իր կյանքի գործը:
Վաշիչեկի սեփական բեկումնային հոդվածը՝ «Ժամկետային կառուցվածքի հավասարակշռության բնութագիրը» (An equilibrium characterization of the term structure)[3], որը նկարագրում է եկամտաբերության կորի դինամիկան, լույս է տեսել 1977 թվականին «Journal of Financial Economics» ամսագրում։ Նրա կողմից նկարագրված միջինին վերադարձող կարճաժամկետ դրույքաչափի մոդելը հանրահայտ է որպես Վաշիչեկի մոդել։
Ի նշան վերոհիշյալ հոդվածի և հետագա աշխատանքների ճանաչման՝ Ֆինանսական ինժեներների միջազգային ասոցիացիան (IAFE) 2004 թվականին Վաշիչեկին հռչակեց «Տարվա ֆինանսական ինժեներ» (IAFE/Sungard Financial Engineer of the Year): Վաշիչեկը ստացել է նաև «Risk» ամսագրի «Lifetime Achievement» (Կյանքի ձեռքբերում) մրցանակը[2]: Նա ընդգրկվել է «Derivatives Strategy», «Fixed Income Analysts Society» և «Risk Magazine» փառքի սրահներում: Նրա 1987 թվականի «Վարկային պորտֆելի կորստի հավանականությունը» (Probability of Loss on Loan Portfolio)[4] հոդվածը ներառվել է «Derivatives Pricing: The Classic Collection» գրքում, որտեղ ընտրված են քանակական ֆինանսների վերաբերյալ «19 ամենաազդեցիկ հոդվածները»[5]:
1989 թվականին Սթիվեն Քիլհոֆերը, Ջոն ՄաքՔուաունը և Օլդրժիխ Վաշիչեկը հիմնադրեցին «KMV» ընկերությունը։ 2002 թվականին երեք ձեռնարկատերերը ընկերությունը վաճառեցին «Moody's»-ին 210 միլիոն դոլարով[6]։ 2007 թվականին «Moody's KMV»-ն վերանվանվեց «Moody's Analytics»[7]։
Վաշիչեկը նվագում է ֆլեյտա և վինդսերֆինգի մեծ սիրահար է: Նա ունի երեք որդի, որոնցից մեկը սցենարիստ Ջոն Վաշիչեկն է:
Ծանոթագրություններ
[խմբագրել | խմբագրել կոդը]- 1 2 3 RNDr. Ing. Oldřich Vašíček — Neuron Foundation for the Support of Science.
- 1 2 3 Lifetime Achievement Award: Oldrich Alfons Vasicek, risk.net
- 1 2 Vasicek, O. (1977). «An equilibrium characterization of the term structure». Journal of Financial Economics. 5 (2): 177–188. doi:10.1016/0304-405X(77)90016-2.
- ↑ «Archived copy». Արխիվացված է օրիգինալից 2012-05-12-ին. Վերցված է 2011-10-19-ին.
{{cite web}}: CS1 սպաս․ արխիվը պատճենվել է որպես վերնագիր (link) - ↑ Edited by Peter Carr, Head of Quantitative Financial Research at Bloomberg; 9781904339335.
- ↑ Moody's Corporation to Acquire KMV (press release, 11 February 2002) (copy on sec.gov)
- ↑ Moody’s Corporation Announces New Business Unit Structure (August 7, 2007)
| ||||||||||||
