Օբոն

Բնակավայր
	ֆր.՝ Eaubonne
	Զինանշան
Երկիր	Ֆրանսիա
Մակերես	4,42 կմ²
ԲԾՄ	54 մետր
Բնակչություն	▲25 498 մարդ (հունվարի 1, 2020)
Ժամային գոտի	UTC+1 և UTC+2
Փոստային դասիչ	95600
Պաշտոնական կայք	eaubonne.fr
	Օբոն Վիքիպահեստում

Օբոն (ֆր.՝ Eaubonne), համայնք Ֆրանսիայի Իլ դը Ֆրանս երկրամասի Վալ դ՛Ուազ դեպարտամենտում։ Ընկած է Փարիզից մոտավորապես 15 կիլոմետր դեպի հյուսիս, դեպարտամենտի դե ֆակտո վարչական կենտրոնից՝ Սերժիից 17 կիլոմետր դեպի արևելք^[4]։ 2006 թվականի տվյալներով բնակչության թվաքանակը եղել է 23 640^[5]:

Պատմություն[խմբագրել | խմբագրել կոդը]

Հնագիտական պեղումների արդյունքները վկայում են, որ քաղաքի ներկայիս տարածքում գոյություն է ունեցել կելտական բնակավայր:Հետագայում՝ հինհռոմեացիների տիրապետության շրջանում՝ մեր թվականության 54 թվականից հետո այստեղ ռազմական նպատակներով ճանապարհներ են անցկացվել։ Դրանցից մեկը, որ Հուլիոս Կեսարի անունն է կրում, միմյանց է կապել Լուտեցիան (ներկայիս Փարիզը) և ծովափնյա Յուլիոբոնան (այժմյան Լիլեբոնը՝ Հավրի մերձակայքում)։ Քաղաքի ներկայիս անվանումը պատմական փաստաթղթերում առաջին անգամ հիշատակվել է 635 թվականին, Դագոբերթ արքայի խարտիայում^[6]։

Անվանումը[խմբագրել | խմբագրել կոդը]

Բնակավայրի անվանումը պատմական փաստաթղթերում հիշատակվել է Aqua bona, Yauebonne՝ 1293 թվականին, Aubone^[7]: Սկզբնական լատինական անվանումը եղել է Aqua Puta (զտված, մաքուր ջուր)^[6], այնուհետև՝ Aqua Bona (լավ ջուր)։

Տնտեսություն[խմբագրել | խմբագրել կոդը]

2010 թվականի տվյալներով համայնքի աշխատունակ տարիքի 15 291 մարդկանցից (15-64 տարեկան) տնտեսապես ակտիվ էին 11 775-ը (ակտիվության ցուցանիշը կազմել է 77,0 տոկոս՝ 1999 թվականի 73,8 %-ի դիմաց։ Տնտեսապես ոչ ակտիվ 3516 անձանցից 1665-ը սովորողներ էին, 1037-ը՝ թոշակառուներ, 814-ը չէին աշխատում այլ պատճառներով^[8]։

2010 թվականին համայնքում հաշվվում էր 9701 հարկատու տնային տնտեսություն։ Յուրաքանչյուր բնակչի հաշվով տարեկան միջին եկամուտը կազմել է 24 519 եվրո^[9]։

Անվանի անձինք[խմբագրել | խմբագրել կոդը]

Մադամ դ՛Ուդետո (Սոֆի Լալիվ դը Բելգարդ) - ազնվական տիկին, գրական սալոնի տիրուհի, ում հաճախ Օբոնի իր առանձնատանն այցելել են նրան սիրահարված Ժան-Ժակ Ռուսսոն և Սեն Լամբերը
Լուի-Ժերոմ Գոյե (1746-1830), Ֆրանսիական մեծ հեղափոխության ժամանակների քաղաքական գործիչ, 1793-1794 թթ. արդարադատության նախարար
Ժան-Ֆրանսուա դը Սեն Լամբեր, զինվորական, փիլիսոփա, բանաստեղծ, ակադեմիկոս (1761-1803)^[10]
Պոլ Էլյուար (1895-1952), բանաստեղծ, կնոջ՝ Գալայի հետ 1923 թ. ապրել է Օբոնում, կազմակերպել սյուրռեալիստների հավաքույթներ, որոնց մասնակցելէ նաև նկարիչ Մաքս Էռնստը^[11].
Ալեն Գրե, նկարիչ, գրող
Միշել Զևակո (1869-1918), գրող
Ալբեր Ուդերզո, (1927-2020), նկարիչ, Աստերիքսի մասին և այլ կոմիքսների հեղինակ^[12].
Ֆրանսիս Ֆլորան Ժուլիան (1926-1944), Երկրորդ աշխարհամարտի տարիների ֆրանսիական Դիմադրության շարժման մարտիկ^[13].
Ալեն Շամֆոր (1949), երգիչ, կոմպոզիտոր

Ժողովրդագրություն[խմբագրել | խմբագրել կոդը]

Բնակչության թվաքանակի փոփոխությունները (INSEE):

Կլիմա[խմբագրել | խմբագրել կոդը]

Ամիս	Հունվար	Փետրվար	Մարտ	Ապր	Մայ	Հուն	Հուլ	Օգ	Սեպտ	Հոկտ	Նոյ	Դեկտեմբ	Տարեկան
Ամսվա առավել. ջերմ. (°C)	6	7	11	14	18	21	24	24	21	15	9	7	14,8
Ամսվա նվազագույն ջերմ. (°C)	1	1	3	6	9	12	14	14	11	8	4	2	7,1
Միջին ջերմաստ. (°C)	4	4	7	10	14	17	19	19	16	12	7	5	11,2
Source : Climatologie mensuelle - Aéroport de Roissy, France^[14]

Քույր քաղաքներ[խմբագրել | խմբագրել կոդը]

, Մաթլոք, Մեծ Բրիտանիա
, Բուդենհայմ, Գերմանիա

Գրականություն[խմբագրել | խմբագրել կոդը]

Renée Thomas, Au village d'Eaubonne : 1590-1815, Éd. Tardy Quercy, 1988, p. 303
Hervé Collet, Eaubonne au XVIII s., Publications du Cercle historique et archéologique d'Eaubonne et de la vallée de Montmorency, 1972, p. 124
Hubert Lamant-Duhart, Eaubonne en 1900, Publications du Cercle historique et archéologique d'Eaubonne et de la vallée de Montmorency, 1981, p. 149
Jean Veillon, Souvenirs d'Eaubonne au XX s., Publication du Cercle historique et archéologique d'Eaubonne et de la vallée de Montmorency, 2007, p. 110