Jump to content

Օանա Գրեգորի

Վիքիպեդիայից՝ ազատ հանրագիտարանից
Օանա Գրեգորի
Ծնվել էհունվարի 9, 1996(1996-01-09) (30 տարեկան)
ԾննդավայրՆեգրեշտի-Օաշ, Սատու Մարե, Ռումինիա[1]
Քաղաքացիություն ԱՄՆ և  Ռումինիա
Մասնագիտությունդերասանուհի, մոդել և digital creator

Օանա Գրեգորի (ծնյալ Օանա Անդրեա Գրիգորւց / Oana Andreea Grigoruț[2] ro. հունվարի 9, 1996(1996-01-09), Նեգրեշտի-Օաշ, Սատու Մարե, Ռումինիա[1]), ռումինա-ամերիկյան դերասանուհի և մոդել: 2002 թվականի հոկտեմբերից բնակություն է հաստատել ԱՄՆ-ում: Միջազգային ճանաչման է հասել «Դիսնեյ» ընկերության թողարկած Kickin' It, Lab Rats, Crash & Bernstein և այլ ֆիլմերում իր դերակատարումներով:

Կյանքի վաղ շրջան

[խմբագրել | խմբագրել կոդը]

Օանան ծնվել է Հյուսիսարևմտյան Ռումինիայի Նեգրեշտի-Օաշ փոքրիկ քաղաքում Դումիտրու և Մարիանա Գրիգորուցների ընտանիքում[3]: Աղջիկը վեց տարեկան էր, երբ նրանց ընտանիքը տեղափոխվեց Միացյալ Նահանգներ. ծնողները հույս ունեին այստեղ լավ ապրուստ ստեղծել և իրենց երեխաների համար լավ ապագա ապահովել[4]: Օանան տարրական դպրոց հաճախել է Չիկագոյում:

Կարիերա

[խմբագրել | խմբագրել կոդը]

2006 թվականին Օանան մասնակցել է Մոդելների և տաղանդների միջազգային ասոցիացիայի կազմակերպած մրցույթին: Անգլիախոս երկրներից եկած շուրջ 1 000 մասնակիցներից հենց նրան շնորհվեց «Տարվա դերասանուհի» տիտղոսը: Բացի այդ, իր տարեկիցների շրջանում անցկացված «Տարվա մոդել» մրցույթում նա հասավ եզրափակիչ փուլ[5]: Այդ մրցույթից հետո Օանան Հոլիվուդի կինոինդուստրիայի տարբեր գործակալներից ու մենեջերներից 54 հրավեր ստացավ[4]:

2009 թվականին Օանան հնչյունային դերերի կատարմամբ հանդես եկավ «Օլիվիա» անիմացիոն կատակերգական հեռուստաշոուում[6], որը նկարահանվում էր ժողովրդականություն վայելող մանկական գրքերի հիման վրա: Գեղարվեստական կինոյում առաջին անգամ գլխավոր դերակատարմամբ հանդես եկավ «Կայծ» /Spork (2011) անկախ ֆիլմում[7]. երաժշտական կատակերգության ու դրամայի համադրությամբ ստեղծված այդ կինոնկարը արժանացավ երեք կինոփառատոների պարգևների ու CineKid մրցանակի, ինչպես նաև առաջադրվեց բրիտանական կինոինստիտուտի մրցանակի: 2012 թվականին Գրեգորին շարունակական, կրկնվող դերերով հանդես եկավ Disney XD ստուդիայի նկարահանած «Փորձարկման առնետներ» / Lab Rats հեռուստասերիալում[8] և Kickin' It-ում[6]: Այնուհետև նա Disney XD-ի Crash & Bernstein (2012–2014) կատակերգական հեռուստաերկում մարմնավորեց գլխավոր հերոսուհիներից մեկին՝ Ամանդա Բեռնսթայնին[9]: Crash & Bernstein-ը ցուցադրվեց 21 երկրում: Ի դեպ, Ամանդայի դերն ստանալու համար քասթինգի էին մասնակցել ավելի քան 2 600 աղջիկ[4]:

2016 թվականին նա Լեյսիի կրկնվող դերով հանդես եկավ «WTH: Welcome to Howler» կատակերգական վեբ սերիալում[6]։ Ապա մարմնավորեց երիտասարդ Լորել Սամսոնին «A Christmas Switch» (2018) հեռուստաֆիլմում[10]։ 2019 թվականին հայտնվեց «King Bachelor's Pad» կատակերգական սերիալում[6], այնուհետև նկարահանվեց Cheat Codes էլեկտրոնային երաժշտական եռյակի «No Service in the Hills» երգի տեսահոլովակում, որը թողարկվեց 2020 թվականին[6]։

Ֆիլմագրություն

[խմբագրել | խմբագրել կոդը]
Կինոդերեր
ՏարինՎերնագիրըԴերըՆշումներ
2011Կայծ / Spork (film)Լուզի Գուզի / Loosie Goosie
2018A Christmas SwitchԼորել Սեմսոնհեռուստաֆիլմ
Հեռուստատեսային դերեր
ՏարինՎերնագիրըԴերըՆշումներ
2009ՕլիվիաՀամալրող ձայներ / Additional voicesձայնային դեր /Voice role; 26 դրվագ
2012Փորձարկման առնետներ / Lab Rats (American TV series)Ստեֆանիկրկնվող դեր
Kickin' ItՄիկա
2012–2014Crash & BernsteinԱմանդա Բեռնսթայնգլխավոր դեր
2016, 2018WTH: Welcome to HowlerԼեյսիկրկնվող դեր, վեբ սերիաներ
2019King Bachelor's PadԳերտրուդկրկնվող դեր
Երաժշտական տեսահոլովակ
ՏարինՎերնագիրըԱրտիստներըԱլբոմը
2020"No Service in the Hills"Cheat Codes (DJs) ft. Trippie Redd, Blackbear, Prince$$ RosieHellraisers, Pt. 2

Ծանոթագրություններ

[խմբագրել | խմբագրել կոդը]
  1. 1 2 Oana Grigorut din Negresti-Oas, face furori la Hollywood
  2. ↑ Florin Teodor Muresan (2013 թ․ մարտի 25). «Oana Gregory. Drumul către Hollywood». GazetadeMaramures (Romanian). Վերցված է 2024 թ․ մարտի 1-ին.{{cite web}}: CS1 սպաս․ չճանաչված լեզու (link)
  3. ↑ Cătălina Matei (2014 թ․ սեպտեմբերի 5). «Interviu cu Oana Gregory, singura vedetă Disney din România!». ApropoTV (Romanian). Վերցված է 2024 թ․ մարտի 1-ին.{{cite web}}: CS1 սպաս․ չճանաչված լեզու (link)
  4. 1 2 3 Cristina Cicau (2013 թ․ նոյեմբերի 15). «Povestea Oanei Gregory, noua Hannah Montana. Cum a ajuns românca să fie cea mai râvnită actriţă din Imperiul Disney». Adevarul (Romanian). Վերցված է 2024 թ․ մարտի 1-ին.{{cite web}}: CS1 սպաս․ չճանաչված լեզու (link)
  5. ↑ Andreea Ciocanel (2014 թ․ հոկտեմբերի 20). «Românca Oana Gregory a câştigat primii bani la vârsta de 10 ani». Libertatea (Romanian). Վերցված է 2024 թ․ մարտի 1-ին.{{cite web}}: CS1 սպաս․ չճանաչված լեզու (link)
  6. 1 2 3 4 5 «Oana Gregory - IMDb». IMDb. Վերցված է 2024 թ․ մարտի 1-ին.
  7. ↑ Mike Hale (2011 թ․ մայիսի 26). «Life on the Fringe». TheNewYorkTimes. Վերցված է 2023 թ․ հոկտեմբերի 22-ին.
  8. ↑ Virginia Van de Wall (2015 թ․ հուլիսի 2). «8 Celebrities You Totally Forgot Guest Starred on 'Lab Rats'». J-14. Վերցված է 2024 թ․ մարտի 1-ին.
  9. ↑ Jennifer Wolfe (2012 թ․ օգոստոսի 30). «Disney Announces 'Crash & Bernstein' Premiere». AWN. Վերցված է 2024 թ․ մարտի 1-ին.
  10. ↑ Kat Harlton (2018 թ․ հոկտեմբերի 31). «Exclusive: An Interview With Jackie Seiden From UPTV's "Christmas Switch"». HarltonEmpire. Վերցված է 2024 թ․ մարտի 1-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Օանա Գրեգորի» հոդվածին։
Ստացված է «https://hy.wikipedia.org/w/index.php?title=Օանա_Գրեգորի&oldid=10722880» էջից