Քրիստոսի մանկությունը (օրատորիա)

Վիքիպեդիայից՝ ազատ հանրագիտարանից

Քրիստոսի մանկությունը (ֆր.՝ L'enfance du Christ, Op. 25), ֆրանսիացի կոմպոզիտոր Հեկտոր Բեռլիոզի օրատորիա։ Սյուժեն հիմնված է Սուրբ ընտանիքի Եգիպտոս փախուստի նորկտակարանյա պատմության վրա (տես՝ Ավետարան ըստ Մատթեոսի, գլուխ 2)։ Օրատորիայի տեքստը գրել է ինքը՝ Բեռլիոզը։ Երաժշտությունը ստեղծվել է 1853 և 1854 թթ. ընթացքում։

Առաջին անգամ կատարվել է Փարիզի Salle Herz համերգասրահում 1854թ. դեկտեմբերի 10ին Բեռլիոզի ղեկավարությամբ և «Օպերա Կոմիկ» (Opéra-Comique) թատրոնի մենակատարներով։

Բեռլիոզը նկարագրել է «Քրիստոսի մանկությունը» որպես սրբազան եռագրություն ( Trilogie sacrée)։ Առաջին մասում պատկերված է Հրեաստանի Հերովդես արքան, որը հրամայում է կոտորել Բեթղեհեմի բոլոր նորածին երեխաներին։ Երկրորդ մասը ներկայացնում է Սուրբ ընտանիքը՝ Հովսեփին, Մարիամին և նորածին Հիսուսին, որոնք զգուշացված լինելով հրեշտակի կողմից ճանապարհ են դիմում դեպի Եգիպտոս։ Երրորդ՝ վերջին մասում ներկայացվում է նրանց ժամանումը եգիպտական Սաիս քաղաք և ապաստանելը Իսմաելացիների մի ցեղի մոտ։

«Քրիստոսի մանկությունը» համարվում է Բեռլիոզի լավագույն ստեղծագործություններից մեկը, ներկայումս հաճախ կատարվում և ձայնագրվումէ։