Քրիստոսի համբարձման կաթոլիկ եկեղեցի

Վիքիպեդիայից՝ ազատ հանրագիտարանից
Jump to navigation Jump to search
Քրիստոսի համբարձման կաթոլիկ եկեղեցի
Церковь вознесения Христа.jpg
Հիմնական տվյալներ
Տեսակkirch?
ԵրկիրՌուսաստան Ռուսաստան
Դավանանքկաթոլիկություն
Կոորդինատներ: 55°4′42.672000099991″ հս․ լ. 21°53′50.056800100006″ ավ. ե. / 55.07852000002777260° հս․. լ. 21.89723800002778020° ավ. ե. / 55.07852000002777260; 21.89723800002778020

Քրիստոսի համբարձման կաթոլիկ եկեղեցի (ռուս.՝ Кирха Вознесения Христа), ծխական եկեղեցի Սովետսկում, քաղաքի տեսարժան վայրերից մեկը:

Պատմություն[խմբագրել | խմբագրել կոդը]

Քրիստոսի համբարձման կաթոլիկ եկեղեցու ներկայիս տեղում նախկինում եղել է Մարիամի համբարձման վանքը, որը կառուցվել է Տիլզիտում գոթական ոճով, կարմիր աղյուսով, Ֆաբրիկշտրասսեի վրա (Իսկրայի փողոց) 1843-1851 թվականներին:

1888 թվականին կառուցվեց բարձր աշտարակ, 1926 թվականին եկեղեցին վերակառուցվեց: Երկրորդ համաշխարհային պատերազմից հետո եկեղեցու շենքը մասնակիորեն ավերվեց, բայց աշտարակը պահպանվեց: Եկեղեցու հիմնական շենքը զգալիորեն տուժել է 1944 թվականի ռմբակոծության ժամանակ: Մինչև 1950-ական թվականների վերջը եկեղեցու շենքում տեղակայված էր երկրորդական հումքի ընդունման կետ: Եկեղեցու երկաթյա պարիսպը օգտագործվել է որպես ցանկապատ № 1 դպրոցի համար[1]:

1960-1970-ական թվականներին եկեղեցին ակտիվորեն ապամոնտաժվեց, կանգուն մնաց միայն աշտարակը, մինչև 1983 թվականը, որն էլ հետագայում պայթեցվեց:

Կաթոլիկ եկեղեցի

1992 թվականին եկեղեցու տարածքը հատկացվեց Սովետսկի կաթոլիկ համայնքին, 1993 թվականին լիտվացի ճարտարապետներ Գեդեմինոս Յուրյավիչուսի և Ստասիս Յուշկայի նախագծով և վանական Անուպրաս Գաուրոնսկասի և տեղացի կաթոլիկների նախաձեռնությամբ հին հիմքի վրա սկսվեց կառուցվել կաթոլիկ եկեղեցու նոր շենքը: Քրիստոսի Համբարձման եկեղեցին հանդիսավորապես օծվեց 2000 թվականի օգոստոսի 20-ին:

Նկարագրություն[խմբագրել | խմբագրել կոդը]

Եկեղեցին իրենից ներկայացնում է բաց դեղնավուն շինություն, որը կառուցվել է կարմիր աղյուսից պատրաստված բարձր աշտարակի շուրջը: Ներսում կա ընդարձակ դահլիճ աղոթքի համար, նստարաններին դրված էին փափուկ բարձիկներ և աղոթագրքեր: Հարուստ զարդարված զոհասեղանին փոխարինում է նկարազարդված պատը և բեմը, որտեղից էլ ծխականների համար կարդում են Սուրբ գրությունները և աղոթքները: Եկեղեցում ծիսակատարությունները և ծառայությունները իրականացվում են ռուսերեն և լիտվերեն: Ծխական վանահայրն է քահանա Անուպրաս Գաուրոնսկասը:

Ծանոթագրություններ[խմբագրել | խմբագրել կոդը]