Քրիստոնեական վարդապետություն
Քրիստոնէական վարդապետութիւն Doctrina christiana armenice, in latinum oerfa,et publicata... | |
|---|---|
| Անվանվել է | Վարդապետութիւն քրիստոնէական |
| Բնօրինակ լեզու | լատիներեն |
| Լեզու | հայերեն |
| Ստեղծման տարեթիվ | 1667 թվական |
«Քրիստոնէական վարդապետութիւն», քրիստոնեական քարոզագիրք[1]։
Պատմություն[խմբագրել | խմբագրել կոդը]
Տպագրվել է 1667 թվականին Ամստերդամում՝ առանց տպարանի հիշատակության (հայերեն և լատիներեն)։ Լատիներենից թարգմանել է Կարապետ Անդրիանացին։ Տիտղոսաթերթին գրված է «Վարդապետութիւն քրիստոնէական. Doctrina christiana armenice, in latinum oerfa,et publicata...»։ Քարոզագիրքն ունի 82 էջ (սկզբի 10-ը՝ չհամարակալված, 12, 12 x 7սմ)։ Ըստ Գարեգին Զարբհանալյանի և Թեոդիկի՝ ոսկանյան տպագրություն է։
Հրատարակություններ[խմբագրել | խմբագրել կոդը]
«Քրիստոնէական վարդապետութիւն» քարոզագիրքը հրատարակվել է․
1670 թվականին Լիվոռնոյում՝ Սուրբ Էջմիածնի և Սուրբ Սարգսի տպարանում։ Հեղինակ՝ Ռոբերտոս Բելարմինոս, թարգմանությունը՝ Բարսեղ Կոստանդնուպոլսեցու, տպագրիչ՝ Ոսկան Երևանցի։ Տիտղոսաթերին՝ «Վարդապետութիւն քրիստոնէական» (366 էջ, 10 x 6 սմ)։
1680-ին Հռոմում՝ Ուրբանյան տպարանում։ Հեղինակ՝ Ռոբերտոս Բելարմինոս, թարգմ.՝ Բարսեղ Կոստանդնուպոլսեցու։ Ա մասի տիտղոսաթերթին գրված է «Dichiarationepiu copiosa della dօttrina christiana…», Բ մասի տիտղոսաթերթին՝ «Վարդապետութիւն քրիստոնէական» (453 էջ, 10,5 x 6,7 սմ)։
1715 թվականին Վենետիկում՝ Անտոնի Բորտոլիի տպարանում։ Հեղինակներ՝ Պետրոս և Գրիգոր Ջահկեցիներ։ Տիտղոսաթերթին գրված է «Համառօտ եւ շահաւէտ քրիստոնէական վարդապետութիւն» (32 էջ)։
1770 թվականին Վենետիկում՝ Անտոնի Բորտոլիի տպարանում։ Հեղինակ՝ Զաքարիա Ալեքսանյան (46 էջ, 11 x 6,7 սմ)։
1776 թվականին Տրիեստում՝ Մխիթարյան տպարանում՝ աշխարհաբար (48 էջ, 2 x 7,3 սմ)։
1783 թվականին նույն տպարանում՝ հայատառ թուրքերեն (140 էջ, 12,6 x 7,7մսմ)։
1788 թվականին նույն տպարանում՝ հայերեն և գերմաներեն (56 էջ, 13 x 8 սմ)։
1791 թվականին՝ առանց տպագրության վայրի և տպարանի հիշատակության՝ հայատառ թուրքերեն (172 էջ, 4օ, 11 x 5,5 սմ)։
1795 թվականին Տրիեստում՝ Մխիթարյան տպարանում՝ հայատառ թուրքերեն (72 էջ, 11,2 x 5,6 սմ)։
Հայ հնատիպ գրքի շրջանում տպագրվել են նաև Մխիթար Սեբաստացու, Յակոբ Վիլլոտի «Քրիստոնեական վարդապետությունները», ավելի ուշ՝ 1801, 1814, 1823, 1836, 1846,1847 թվականներիին։
Ծանոթագրություններ[խմբագրել | խմբագրել կոդը]
- ↑ «Վարդապետութիւն քրիստոնէական ըստ հայոց». տպ. թարք մանողաց. 1667. Վերցված է 2023 թ․ մայիսի 29-ին.
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|