Jump to content

Քրեմս ան դեր Դոնաու

Վիքիպեդիայից՝ ազատ հանրագիտարանից
Քաղաք
Քրեմս ան դեր Դոնաու
գերմ.՝ Krems an der Donau
Զինանշան

Շտայներ տոր (քաղաքի պատմական չորս դարպասներից միակ պահպանվածը)
ԵրկիրԱվստրիա Ավստրիա
ԵրկրամասՍտորին Ավստրիա
ՀամայնքՔրեմս շրջան
Ներքին բաժանումՄաուտեր, Ունդ, Շտայն, Կենտրոն
Առաջին հիշատակում995թ.
Այլ անվանումներՔրեմս
Մակերես51,66 կմ²
ԲԾՄ203±1 մետր
Բնակչություն25 272 մարդ (հունվարի 1, 2023)[1]
Ժամային գոտիUTC+1 և Կենտրոնական եվրոպական ժամանակ
Փոստային դասիչ3500[2]
Ավտոմոբիլային կոդKS
Պաշտոնական կայքkrems.gv.at
Քրեմս ան դեր Դոնաու (Ավստրիա)##
Քրեմս ան դեր Դոնաու (Ավստրիա)
Քրեմս ան դեր Դոնաու քաղաքը 1900 թվականին

Քրեմս ան դեր Դոնաու (հակիրճ՝ Քրեմս (գերմ.՝ Krems an der Donau, Krems), հնագույն քաղաք Ավստրիայի հյուսիսում՝ Ստորին Ավստրիա նահանգի Քրեմս շրջանում։ Տեղակայված է Կրեսմ գետի՝ Դանուբին միանալու հատվածում[3][4]։ 2015 թվականի վիճակագրական տվյալների համաձայն քաղաքն ունի 23.992 բնակիչ։

Աշխարհագրություն և տրանսպորտ[խմբագրել | խմբագրել կոդը]

Քրեմս ան դեր Դոնաու քաղաքը տեղակայված է Դանուբ գետի երկու ափերին՝ մայրաքաղաք Վիեննայից 60 կմ հեռավորության վրա դեպի արևմուտք և Ստորին Ավստրիա նահանգի մայրաքաղաք Սանկտ Պյոլտենից 20 կմ հեռավորության վրա դեպի հյուսիս։ Ծովի մակարդակից բարձր է 203 մետրով։

Քրեմս ան դեր Դոնաու քաղաքում է ավարտվում Դանուբի Վախաու հովիտը, որը մշակույթի և պատմության հուշարձանների, ինչպես նաև գինեգործության յուրահատուկ ավանդույթների շնորհիվ 2000 թվականին ընդգրկվել է ՅՈՒՆԵՍԿՈ-ի ցանկում որպես համաշխարհային ժառանգության օբյեկտ։ Վախաուի Ագսբախ համայնքի Վիլենդորֆ գյուղում հայտնաբերվել է պալեոլիթյան ժամանակաշրջանի արձանիկ, որը ներկայում հայտնի է Վիլենդորֆյան Վեներա անունով։ Չափավոր կլիման հնարավորություն է ընձեռել հովտում զարգացնել գինեգործությունն ու մրգերի աճեցումը։ Ամառային արևոտ ցերեկները և զով գիշերները մեծ դեր են խաղում հովտում խաղողի աճեցման և գինու պատրաստման գործընթացում։ Վախաու հովտում աճեցվող մրգերից առավել մեծ ճանաչում ունի Վախաուի սալորը[5][6][7][8]։

Քաղաքը կազմված է մի քանի առանձին շրջաններից։ Դանուբի աջ ափին գտնվում է Մաուտերնը, ձախ ափին՝ քաղաքի կենտրոնական հատվածը, ինչպես նաև Ունդ և Շտայն շրջանները։ Մինչև 1938 թվականը Շտայնն ու Մաուտերն առանձին քաղաքներ էին համարվում։

Քրեմս ան դեր Դոնաու քաղաքը ավտոմոբիլայն մայրուղու միջոցով միացված է Ավստրիայի ծայրամասային բոլոր խոշոր քաղաքների հետ։ Առկա է երկաթգիծ, որը քաղաքն արևելքում միացնում է մայրաքաղաք Վիեննայի, հարավում՝ Սանկտ Պյոլտենի և արևմուտքում՝ Լինցի հետ։ Քրեմս ան դեր Դոնաուից մինչև Վիեննա գնացքը հասնում է մեկ ժամում։ Քաղաքի սահմանային գոտում գտնվում է ուղևորափոխադրման գետային նավահանգիստ։

Պատմություն[խմբագրել | խմբագրել կոդը]

Առաջին անգամ Քրեմս ան դեր Դոնաու քաղաքը հիշատակվում է 995 թվականին որպես Դանուբ գետի ափին գտնվող ամրոց։ 12-րդ դարում այն Բաբենբերգների իշխանության օրոք ստանում է քաղաքի կարգավիճակ։ Հենց Քրեմսում են հատվել ավստրիական առաջին մետաղադրամները, որոնք հայտնի են որպես «Քրեմյան պֆենիգ»։

Միջնադարում քաղաքն ունեցել է առևտրային կարևորագույն նշանակություն, քանի որ գտնվում էր ցամաքային և Դանուբի ջրային առևտրային ուղիների խաչմերուկում։ 1718 թվականին Քրեմսում ծնվել է նկարիչ Մարտին Յոհան Շմիդտը, ով հայտնի է նաև Քրեմսցի Շմիդտ անվամբ։

1805 թվականի ավստրիական առաջին արշավանքի ժամանակ Քրեմսի մերձակայքում Նապելոենի և հակաֆրանսիական դաշինքի միջև տեղի է ունեցել մի քանի ճակատամարտ[9]։

Քաղաքական իրավիճակ[խմբագրել | խմբագրել կոդը]

2012 թվականի ընտրությունների արդյունքներով համայնքի բուրգոմիստր (քաղաքապետ) է ընտրվել Ավստրիայի սոցիալ-դեմոկրատական կուսակցության ներկայացուցիչ Ռյենհարդ Ռեշը։

Քաղաքային ներկայացուցիչների խորհուրդը (գերմ.՝ Gemeinderat) կազմված է 40 տեղից, որոնք բաշխված են հետևյալ կերպ՝

Տեսարժան վայրեր[խմբագրել | խմբագրել կոդը]

  • Լանդշտրասե (Landstrasse) - Քաղաքի կենտրոնական փողոցն է, որի երկայնքով տեղակայված է հին քաղաքը։ Բաժանվում է Վերին և Ստորին Լանդշտրասեների։ Փողոցը հետիոտնային է։
  • Շտայներ տոր - Քաղաքի միջնադարյան չորս դարպասներից միակ պահպանվածը։ Կառուցվել է 1480 թվականին։ 1754 թվականին վերակառուցվել է։ Հանդիսանում է քաղաքի խորհրդանիշը։
  • Սանկտ Ֆայտի ծխական եկեղեցի - Կառուցված է բարոկկո ոճով 1630 թվականին ավելի հին եկեղեցու տեղում։
  • Հոցբուրգ - Քաղաքի ամենահին կառույցն է։ Կառուցվել է 1275 թվականին։ Գտնվում է Հոյերմարկեր հրապարակում։ Շինությունն ունի իտալական ոճ։
  • Վառոդի աշտարակ - Միջնադարյան քաղաքային ամրության պահպանված տարրերից մեկն է։
  • Գինու քաղաքի թանգարան - Հավաքածուն ներկայացնում է Քրեմսի գինեգործական ավանդույթները։
  • Գոթվայգ վանք - Գտնվում է Քրեմս քաղաքից դեպի հարավ 5 կմ հեռավորության վրա։ Վանական համալիրը հիմնադրվել է 1083 թվականին։ 1718 թվականին հիմնովին այրվել է։ 18-րդ դարում կատարվել են վանական համալիրի մասշտաբային վերակառուցում, որի հետևանքով դարձել է բարոկկո ոճի հայտնի տեսարժան վայր։

Քույր քաղաքներ[խմբագրել | խմբագրել կոդը]

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. https://www.statistik.at/statistiken/bevoelkerung-und-soziales/bevoelkerung/bevoelkerungsstand/bevoelkerung-zu-jahres-/-quartalsanfang
  2. Krems an der Donau, Krems an der Donau, Niederösterreich - Austria Postcode
  3. Австрия // Атлас мира / сост. и подгот. к изд. ПКО «Картография» в 2009 г. ; гл. ред. Г. В. Поздняк. — М. : ПКО «Картография» : Оникс, 2010. — С. 63. — ISBN 978-5-85120-295-7 (Картография). — ISBN 978-5-488-02609-4(ռուս.)
  4. Кремс-ан-дер-Донау // Словарь географических названий зарубежных стран / отв. ред. А. М. Комков. — 3-е изд., перераб. и доп. — М. : Недра, 1986. — С. 177.(ռուս.)
  5. Wachau – Nibelungengau – Kremstal. Anreise und Öffentlicher Verkehr. Donau Niederösterreich (donau.com).(գերմ.)
  6. "Wachau-Volunteer": UNESCO ehrt Freiwillige auf ORF vom 15. Juli 2011 abgerufen am 15. Juli 2011.(գերմ.)
  7. Werner Gamerith: "Wachau und Umgebung - Lebensräume einer Kulturlandschaft", Tyrolia-Verlag, Innsbruck-Wien 2003, ISBN 3-7022-2514-5
  8. 2008 Destinations Rated. In: National Geographic Society (Hrsg.): National Geographic Traveller. Nov./Dec. 2008(գերմ.)
  9. Сражение под Кремсом 30-го октября 1805 года.(ռուս.)