Քվինտոս Սերտորիոս (լատին․՝ Quintus Sertorius) (մ․ թ․ ա․ մոտ 122-72), հռոմեական զորավար։
Մասնակցել է կիմբրերի և տևտոնների դեմ պատերազմներին (105 և 102 թվականներին), Դաշնակցային պատերազմին։ Մարիոսի և Կիննայի (Ցիննա) կողմնակիցն էր Սուլլայի դեմ պայքարում (88-82)։ 83-81 թվականներին իբրև պրետոր կառավարել է Մերձակա Իսպանիա պրովինցիան։ 80 թվականից գլխավորել է իբերական ցեղերի պայքարը Հռոմի դեմ, Իսպանիան դարձրել հակասուլլայական ընդդիմության կենտրոն։ Հենվելով իբերական ավագանու վրա՝ իր իշխանության տակ միավորել է համարյա ամբողջ Իսպանիան և խոշոր հաղթանակներ է տարել հռոմեական զորավարներ Մետելլոսի ու Դնեոս Պոմպեոսի նկատմամբ։ Սպանվել է իր մերձավորների դավադրությամբ, որոնք ձգտել են հաշտվել Հռոմի հետ։ Հռոմի դեմ պայքարում Սերտորիոսի հետ դաշնակցել է Պոնտոսի թագավոր Միհրդատ VI Եվպատորը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
Quintus Sertorius Վիքիպահեստում
