Մարկուս Ֆաբիուս Կվինտիլիանուս (լատիներեն՝ Marcus Fabius Quintilianus, մոտ 35[1], Կալաոռա, Ռիոխա, Իսպանիա - մոտ 96, Հռոմ, Հռոմեական կայսրություն), հռոմեացի ականավոր հռետոր, ճարտասանության ուսուցիչ, 12 գրքից բաղկացած «Հռետորական ուսուցում» (Institutio oratoria) ուսումնական աշխատության հեղինակ, որը մինչև այսօր համարվում է ծանրակշիռ ներդրում համաշխարհային մանկավարժական գրականության մեջ[2]։ Անտիկ աշխարհում գիրքը ծառայել է որպես ձեռնարկ բոլոր ճարտասանական դպրոցներում Կիկերոնի երկերի հետ մեկտեղ։