Քունքոսկր

Քունքոսկր
Տեսակ	անատոմիական կառուցվածքների դաս
Ենթադաս	pneumatized bone?, մարդու ոսկոր, անհատական ​​անատոմիական կառուցվածք և խառը ոսկոր
Մասն է	Գանգ, neurocranium? և Դեմքի կմախք
Կազմված է	քունքոսկրի վիմային մաս, թմբկաձև մաս, քունքոսկրի խրթեշային մաս, վիմաթմբկային ճեղք, petrosquamous suture?, թմբկախրթեշային ճեղք և թմբկապտկաձև ճեղք
Անատոմիական տեղայնացում	neurocranium?
Միանում է	սեպոսկր, գանգոսկրային ոսկոր, այտոսկր, գագաթոսկր և Ստորին ծնոտ
Մասնագիտություն	Նյարդավիրաբուժություն և Լոգոպեդիա
MeSH	A02.835.232.781.885
Անատոմիայի հիմնարար մոդել	52737
Անատոմիական տերմինոլոգիա 98	A02.1.06.001
Նկարագրված է	Գրեյի անատոմիա (20-րդ հրատարակություն) և Սովետական մեծ հանրագիտարան (1926—1947)
Temporal bone Վիքիպահեստում

Քունքոսկր (լատիներեն՝ os temporale), ուղեղային գանգի բարդ կառուցվածք ունեցող զույգ ոսկր։

Մասնակցում է գանգի հիմի և կողմնային պատի կազմությանը, հաստության մեջ են գտվում լսողության և հավասարակշռության օրգանները

Քունքոսկրը ստորին ծնոտի հետ կազմում է քունքստործնոտային հոդը, իսկ այտոսկրի հետ՝ այտային աղեղը:

Կառուցվածքը

Քունքոսկրն ունի 4 մասեր՝ խրթեշային, թմբկային, վիմային(բրգային) և պտկաձևային։

• Խրթեշային մասը (pars squamosa) տափակ ոսկրային թիթեղ է, որը մասնակցում է գանգատուփի կողմնային պատի կազմությանը։
• Թմբկային մասը (pars tympanica) քառանկյուն ոսկրյա թիթեղ է, ձևավորում է արտաքին լսանցքի առաջային, հետին և ստորին պատերը։
• Պտկաձևային մասը(pars mastoidea) կազմում է բրգի հետին մասը, որը դեպի վար վերջանում է պտկաձևային ելունով(processus mastoideus):
• Վիմային (բրգային) մասը (pars petrosa) կարծր մաս է, նման է եռանիստ բուրգի, հիմը դարձած է դեպի դուրս, իսկ գագաթը՝ առաջ, դեպի սեպոսկրը։

Խողովակները

Քունքոսկրի խողովակները վեցն են.

• Քնային խողովակ (canalis caroticus), որի միջով միջով գանգի խոռոչ է մտնում ներքին քնային զարկերակը:
• Քնաթմբկային խողովակիկներ (canaliculi caroticotympanici)՝ սկսվում են քնային խողովակի հետին պատի վրա և բացվում թմբկախոռոչում:
• Դիմային խողովակ՝ (canalis facialis s. Fallopii) սկսվում է ներքին լսողական անցուղու հատակից:
• Թմբկալարի խողովակիկ (canaliculus chordae tympani):
• Մկանափողային խողովակ (canalis musculotubarius):
• Թմբկային խողովակիկ (canaliculus tympanicus), որով անցնում է թմբկային նյարդը:

Վնասվածքներ

Քունքոսկորի կոտրվածքները բաժանվել են երեք հիմնական կատեգորիաների՝ երկայնական, հորիզոնական և թեք: Հորիզոնական կոտրվածքները կապված են դեմքի նյարդի վնասվածքների հետ, իսկ երկայնականը՝ միջին ականջի ոսկրերի վնասվածքների հետ։

Գրականություն

Մարդու նորմալ անատոմիա (1995թ.): Հեղինակներ՝ Ա.Ա. Սարաֆյան և Գ.Պ. Քյալյան (էջեր՝ 38-39):

Արտաքին հղումներ

https://ysmubooks.am/uploads/ԳԱՆԳ

Վիքիպահեստն ունի նյութեր, որոնք վերաբերում են «Քունքոսկր» հոդվածին։