Քոլին Կուպեր

Վիքիպեդիայից՝ ազատ հանրագիտարանից
Քոլին Կուպեր
Ծնվել էմարտի 8, 1856(1856-03-08)[1]
ԾննդավայրՖիլադելֆիա, Փենսիլվանիա, ԱՄՆ
Վախճանվել էնոյեմբերի 6, 1937(1937-11-06)[2][3] (81 տարեկան)
Մահվան վայրՍանտա Բարբարա, Կալիֆոռնիա, ԱՄՆ
Քաղաքացիություն ԱՄՆ
ԿրթությունԺյուլիանի ակադեմիա, Պենսիլվանիայի գեղարվեստի ակադեմիա, Académie Delécluse? և Վիտտի ակադեմիա
Մասնագիտություննկարիչ
Ոճամերիկյան իմպրեսիոնիզմ
Ուշագրավ աշխատանքներFifth Avenue, New York?
ԱմուսինԷմմա Կուպեր
 Colin Campbell Cooper Վիքիպահեստում

Քոլին Քեմփբել Կուպեր (անգլ.՝ Colin Campbell Cooper, մարտի 8, 1856(1856-03-08)[1], Ֆիլադելֆիա, Փենսիլվանիա, ԱՄՆ - նոյեմբերի 6, 1937(1937-11-06)[2][3], Սանտա Բարբարա, Կալիֆոռնիա, ԱՄՆ), ամերիկացի իմպրեսիոնիստ նկարիչ և մանկավարժ։ Բնական և ճարտարապետական լանդշաֆտների հեղինակ է, ճանապարհորդ, որը հայտնի է եվրոպական և ասիական հուշարձանների իր նկարներով։ Նկարել է ջրաներկով և յուղաներկով։

Կենսագրություն[խմբագրել | խմբագրել կոդը]

Rescue of the Survivors of the Titanic by the Carpathia, 1912

Ծնվել է 1856 թվականի մարտի 8-ին, Փենսիլվանիա նահանգի Ֆիլադելֆիա քաղաքում` անգլո-իռլանդական արմատներ ունեցող հարուստ ընտանիքում։ Քոլինը եղել է ընտանիքի յոթ երեխաների միջնեկը։ Հայրը` նրա անվանակից Քոլին Քեմփբել Կուպերն էր, մայրը` սիրողական նկարիչ, որն աշխատել է ջրաներկերով[4]։ Երիտասարդ Քոլինը ոգեշնչվել է արվեստով, երբ 1876 թվականին այցելել է Ֆիլադելֆիայի Համաշխարհային ցուցահանդես, իսկ նրա ծնողներն ամեն կերպ օժանդակել են նկարիչ դառնալու նրա ցանկությանը։

1879 թվականին Կուպերն ընդունվել է Փենսիլվանիայի գեղարվեստի ակադեմիա` երեք տարի սովորելով ռեալիստ նկարիչ Թոմաս Իկինսի մոտ։ 1886 թվականին նա նախաձեռնել է իր առաջին արտասահմանյան ճանապարհորդությունը՝ այցելելով Նիդեռլանդներ, Բելգիա և Ֆրանսիա (Բրետան)։ Այստեղ` Եվրոպայում, 1886-1890 թվականներին նա սովորել է Փարիզի Ժյուլիանի ակադեմիայում՝ Ուիլյամ Բուգրոյի, Ժյուլ Լեֆևրի մոտ։ Նա որոշ ժամանակ սովորել է նաև Académie Delécluse և Académie Vitti ակադեմիաներում։ Այս շրջանի նրա գործերը հիմնականում ներկայացրել են բնանկարներ, որոնք ստեղծվել են Բարբիզոնյան դպրոցի ոճով։

Վերադառնալով ԱՄՆ` Կուպերը 1895-1898 թվականներին Ֆիլադելֆիայի Drexel Institute of Art-ում (այժմ` Drexel University) տվել է ջրաներկի դասեր և ճարտարապետական պատկերացում։ Նրա գործերից շատերը ոչնչացել են 1896 թվականին Ֆիլադելֆիայի Hazeltine Galleries պատկերասրահում բռնկված հրդեհից։ Drexel Institute-ում աշխատելիս նա ամռանը մեկնել է արտասահման՝ գտնվել է հիմնականում Լարենում (Հյուսիսային Հոլանդիա) և Դորդրեխտում (Հարավային Հոլանդիա)` հոլանդացի նկարիչների գաղութում։ Դորդրեխտ քաղաքում նա ծանոթացել է նկարիչ Էմմա Լամպերտի հետ, որի հետ ամուսնացել է 1897 թվականի հունիսի 9-ին Ռոչեստերում։ 1898 թվականին Կուպերը կրկին եկել է Եվրոպա, որտեղ նա մնացել է մի քանի տարի, որի ընթացքում նկարել է ճարտարապետական բնապատկերներ և ծանոթացել իմպրեսիոնիզմի հետ՝ ոճ, որը նա օգտագործել է մինչև իր գեղարվեստական կարիերայի ավարտը։

Նա ժամանակ առ ժամանակ ցուցադրություն է ունեցել իր կնոջ հետ, մասնավորապես 1902 թվականի մայիսին Ֆիլադելֆիայի Art Club of Philadelphia ակումբում և 1915 թվականին Ռոչեսթրի Memorial Art Gallery պատկերասրահում։ 1904 թվականին նրանք տեղափոխվել են Նյու Յորք, որտեղ ապրել են մինչև 1921 թվականը՝ կատարելով իրենց բազմաթիվ ճանապարհորդություններն այստեղից։ 1912 թվականին Կուպերն ընտրվել է Դիզայնի ազգային ակադեմիայի անդամ։ 1915 թվականին նա ցուցադրվել է Սան Ֆրանցիսկոյի Պանամա-Խաղաղօվկիանոսյան միջազգային ցուցահանդեսում, որտեղ նա արժանացել է ոսկե մեդալի` յուղաներկերով և արծաթե մեդալի` ջրաներկով աշխատանքների համար։ Նա նաև 1916 թվականին մասնակցել է Սան Դիեգոյի Պանամա-Կալիֆոռնիա ցուցահանդեսին։ Զույգը 1915-1916 թվականների ձմեռն անցկացրել է Լոս Անջելեսում, որից հետո Քոլին Կուպերը որոշել է մշտական բնակության տեղափոխվել այնտեղ։ 1921 թվականի հունվարին` Էմմայի մահից հետո, նկարիչը տեղափոխվել է Կալիֆորնիա նահանգի Սանտա Բարբարա քաղաք, որը դարձել է նրա վերջին տունը, որտեղից նա կատարել է մի քանի ուղևորություններ Թունիս և Հյուսիսային Եվրոպա։ Այստեղ նա դարձել է Santa Barbara Community School of Arts դպրոցի գեղանկարչության դեկանը։ Նկարչությունից զատ, Կուպերը 1920-ական թվականներին թատրոնի համար գրել է պիեսներ, ինչպես նաև վեպեր և ինքնակենսագրություն, որը վերնագրված է In These Old Days:

1927 թվականին կրկին ամուսնանալուց հետո նա շարունակել է ճանապարհորդել և գրել այնքան ժամանակ, մինչև աչքերը չեն վնասվել։

Մահացել է 1937 թվականի նոյեմբերի 6-ին, Կալիֆորնիա նահանգի Սանտա Բարբարա քաղաքում[5]։

Քոլին Կուպերի առաջին կինը` Էմման, նույնպես եղել է ճանաչված նկարիչ, որը մահացել է 1920 թվականին տուբերկուլյոզից։ 1927 թվականի ապրիլին նա երկրորդ անգամ ամուսնացել է Marie Henriette Frehseeа-ի հետ՝ ծագումով Արիզոնայից։ Հետաքրքիր է, որ Քոլինն ու Էմմա Կուպերը 1912 թվականի ապրիլի 15-ին եղել են «Կարպատներ» լայների առաջին դասի ուղևորների շարքում, երբ նրա կազմն ու ուղևորները մասնակցում էին խորտակված «Տիտանիկի» ողջ մնացած ուղևորների փրկությանը։ Նրանք փրկարարական գործողության ընթացքում օգնել են նավի անձնակազմին, և Կուպերն այդ թեմայի վերաբերյալ ստեղծել է մի քանի նկար[6]։

Աշխատանքներ[խմբագրել | խմբագրել կոդը]

Իր կյանքի ընթացքում Քոլին Կուպերը ստեղծել է բազմաթիվ գործեր, նրա աշխատանքները գտնվում են բազմաթիվ հայտնի հավաքածուներում, այդ թվում՝ Բրուքլինի թանգարանում, Մետրոպոլիտեն թանգարանում, Մոնտկլերի արվեստի թանգարանում, Կալիֆորնիայի Օքլենդի թանգարանում, Ֆիլադելֆիայի արվեստի թանգարանում, Փենսիլվանիայի գեղարվեստի ակադեմիայում։

  • Որոշ աշխատանքներ
  • New York from Brooklyn
    New York from Brooklyn
  • Amsterdam, 1892
    Amsterdam, 1892
  • Columbus Circle, 1909
    Columbus Circle, 1909
  • Pergola at Samarkand, 1921
    Pergola at Samarkand, 1921

Ծանոթագրություններ[խմբագրել | խմբագրել կոդը]

  1. ↑ 1,0 1,1 Delarge J. Le Delarge (ֆր.) — Paris: Gründ, Jean-Pierre Delarge, 2001. — ISBN 978-2-7000-3055-6
  2. ↑ 2,0 2,1 2,2 Deutsche Nationalbibliothek Record #132834162 // Gemeinsame Normdatei (գերմ.) — 2012—2016.
  3. ↑ 3,0 3,1 3,2 SNAC — 2010.
  4. ↑ «Exhibition & Museum Resources Guide – East Coast/West Coast and Beyond: Colin Campbell Cooper, American Impressionist» (PDF). Heckscher Museum of Art. Արխիվացված է օրիգինալից (PDF) 2015 թ․ դեկտեմբերի 20-ին. Վերցված է 2011 թ․ ապրիլի 2-ին.(անգլ.)
  5. ↑ Colin Campbell Cooper Արխիվացված 2015-12-22 Wayback Machine(անգլ.)
  6. ↑ «Colin Cambell [sic] Cooper Biography». National Museum of Wildlife Art. Արխիվացված է օրիգինալից 2010 թ․ դեկտեմբերի 22-ին. Վերցված է 2011 թ․ ապրիլի 2-ին.(անգլ.)

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Քոլին Կուպեր» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Քոլին_Կուպեր&oldid=9364529» էջից