Քշամա Սավանտ
| Քշամա Սավանտ | |
_(cropped).jpg)
| |
| Կուսակցություն՝ | Socialist Alternative? |
|---|---|
| Կրթություն՝ | Հարավային Կարոլինա նահանգի համալսարան և Մումբայի համալսարան |
| Մասնագիտություն՝ | տնտեսագետ, քաղաքական գործիչ և ակտիվիստ |
| Ծննդյան օր | հոկտեմբերի 15, 1973 (50 տարեկան) |
| Ծննդավայր | Պունի, Մահարաշտրա, Հնդկաստան |
| Քաղաքացիություն |  ԱՄՆ և  Հնդկաստան
|
Քշամա Սավանտ (անգլ.՝ Kshama Sawant, հոկտեմբերի 15, 1973, Պունի, Մահարաշտրա, Հնդկաստան), ամերիկյան ծագումով հնդիկ սոցիալիստ, տնտեսագետ և ծրագրավորող, «Սոցիալիստական այլընտրանքի» ակտիվիստուհի (տրոցկիստական միջազգային սոցիալիստական այլընտրանքի բաժին), Սիեթլի քաղաքային խորհրդի անդամ[1]։
Կենսագրություն[խմբագրել | խմբագրել կոդը]
Հնդիկ մտավորականի ընտանիքից։ Նրա հայրը՝ ինժեներ էր, մահացել է վթարից։ Նրա ձախ հայացքները ձևավորվել են աղքատության և հայրենիքում կաստայական համակարգի դժգոհության ազդեցության ներքո։ 1994 թվականի ավարտել է Մումբայի համալսարանը։
Տեղափոխվելով Սիեթլ[2], նա սկսեց դասավանդել տնտեսագիտություն տեղական համալսարաններում, ներառյալ Վաշինգտոնի և Լի համալսարանում։ ԱՄՆ քաղաքացիություն է ստացել 2010 թվականին, նա նաև միացավ «Սոցիալիստական այլընտրանքին»՝ ծայրահեղ ձախակողմյան կուսակցություն, որը զբաղեցնում էր մարքսիզմի, տրոտսկիզմի և ժողովրդավարական սոցիալիզմի դիրքերը։
Հայտնի է դարձել Սիեթլում «Occupy Wall Street» շարժման կազմակերպմանը մասնակցության շնորհիվ։ Այդ բողոքների ժամանակ (ինչպես և ավելի ուշ, նվազագույն աշխատավարձի բարձրացման համար անցկացվող ակցիաներում) ձերբակալվել է։
Մասնակցություն ընտրություններին[խմբագրել | խմբագրել կոդը]
2012 թվականի նոյեմբերին մասնակցել է Սիեթլ նահանգի Ներկայացուցիչների պալատի ընտրություններին, սակայն ձայների 29%-ով զիջել Է պալատի այն ժամանակվա խոսնակ Ֆրենկ Չոպպին։ Սակայն արդեն հաջորդ՝ 2013 թվականին Սիեթլի քաղաքային խորհրդի ընտրությունները հաջողություն բերեցին նրան. օգոստոսյան փրայմերիզներում ստանալով ձայների 35 %-ը, նոյեմբերին նա առաջ անցավ գործող պատգամավոր, դեմոկրատական կուսակցության անդամ Ռիչարդ Կոնլինից և քաղխորհրդում զբաղեցրեց 9 պատգամավորական տեղերից մեկը։
Նրա քարոզարշավին չի աջակցել տեղական իսթեբլիշմենթից ոչ մեկը (Սիեթլի ընտրություններն անցկացվում են անկուսակցական հիմունքներով), բայց նրան աջակցել են System of a Down խմբի վոկալիստ Սերժ Թանկյանը Rage Against The Machine-ի կիթառահար Թոմ Մորելոյի հետ և «Stranger» այլընտրանքային ամսագիրը[3]։
Սավանտը վերընտրվել է 2015 թվականին՝ կրկին հակառակ մեյնսթրիմի թշնամանքին և իր ընտրարշավում 600 կամավորների շնորհիվ։ Փրայմերիզում նա ստացել է ձայների 52,6 %-ը, իսկ բուն ընտրություններում՝ 55,7 %-ը։ Այս ընտրությունների արդյունքներով, որոնք ապահովել են կանանց և գունավոր պատգամավորների աննախադեպ ներկայացուցչությունը, Սիեթլի քաղաքային խորհրդում ստեղծվել է առաջադիմական մեծամասնությունը։
Քաղաքական դիրքորոշումներ[խմբագրել | խմբագրել կոդը]
Նրա եռանդուն արշավը նպաստեց այն բանին, որ 2014 թվականի մայիսին նրա քաղաքն առաջինն էր ԱՄՆ-ում, որը նվազագույն աշխատավարձը հասցրեց 15 դոլարի (քաղաքի երկու քաղաքապետեր նշում էին նրա անձնական դերը այդ նախաձեռնությանը հանրության ուշադրությունը հրավիրելու գործում)։ 117 000 դոլար սեփական պատգամավորական աշխատավարձից այն կազմում է 40 000 դոլար (միջին աշխատավարձը Սիեթլում), իսկ մնացած գումարը նվիրաբերում է քաղաքական հիմնադրամ սոցիալական արդարության արշավների համար[4]։
Ծանոթագրություններ[խմբագրել | խմբագրել կոդը]
- ↑ Connelly, Joel (2013 թ․ նոյեմբերի 14). «Socialist Sawant wins City Council seat». Արխիվացված է օրիգինալից 2013 թ․ նոյեմբերի 17-ին. Վերցված է 2020 թ․ մարտի 14-ին.
- ↑ Atkins (2015 թ․ սեպտեմբերի 2), Q&A: Councilmember Sawant on public broadband and a socialist Microsoft Drew
- ↑ Seattle elects first socialist City Council member Արխիվացված 2013-11-18 Wayback Machine.
- ↑ Kevin Roose. «Meet the Seattle Socialist Leading the Fight for a $15 Minimum Wage». New York Magazine.
{{cite news}}: More than one of|author=and|last=specified (օգնություն)
 | Վիքիպահեստն ունի նյութեր, որոնք վերաբերում են «Քշամա Սավանտ» հոդվածին։ |
| ||||||||||||||
