Քլոյի Քարդաշյան
Քլոյի Ալեքսանդրա Քարդաշյան (հայերեն մամուլում շատ հաճախ օգտագործվում է սխալ՝ Քլոե տարբերակը[4], անգլ.՝ Khloé Alexandra Kardashian, հունիսի 27, 1984[1][2][3], Լոս Անջելես, Կալիֆոռնիա, ԱՄՆ), ամերիկահայ հեռուստատեսային դեմք և մոդել։ 2007 թվականի հոկտեմբերից իր ընտանիքի անդամների հետ հանդես է գալիս «Քարդաշյանների ընտանիքը» (անգլ.՝ Keeping Up with the Kardashians) ռեալիթի շոուում[5], որի հաջողությունից հետո նաև ստեղծվում են «Kourtney and Khloé Take Miami» և «Khloé & Lamar» ռեալիթի շոուները[6][7]։ Նա իր քույրերի՝ Քիմի և Քորթնիի հետ, ունի իր սեփական նորաձևության բրենդները, ինչպես նաև հրատարակել է գրքեր[8]։ 2012 թվականին ամերիկացի հաղորդավար-դերասան Մարիո Լոպեսի հետ վարել է «Իքս Ֆակտոր» նախագծի ամերիկյան տարբերակի երկրորդ եթերաշրջանը։
2009 թվականին ամուսնացել է ամերիկացի բասկետբոլիստ Լամար Օդոմի հետ, սակայն նրանք ամուսնալուծվել են 2013 թվականին։ 2015 թվականի ապրիլին Քլոյին իր քրոջ՝ Քիմի և նրա ամուսնու՝ ռեփեր Քանյե Ուեսթի հետ այցելել է Հայաստան։
Վաղ կյանք[խմբագրել | խմբագրել կոդը]
Քլոյի Քարդաշյանը ծնվել է 1984 թվականի հունիսի 27-ին Կալիֆոռնիա նահանգի Լոս Անջելես քաղաքում, իրավաբան Ռոբերտ Քարդաշյանի և հեռուստատեսային դեմք Քրիս Ջենների ընտանիքում[9]։ Հոր կողմից նա ունի հայկական արմատներ[10], իսկ մոր կողմից՝ շոտլանդական, հոլանդական և անգլիական արմատներ[11]։ Քլոյիի մայրը Ռոբերտ Քարդաշյանից բաժանվել է 1991 թվականին և ամուսնացել է մարզիկ Բրյուս Ջենների հետ[12]։ Ռոբերտ Քարդաշյանը մահացել է 2003 թվականի սեպտեմբերի 30-ին։ Քլոյին ունի երկու քույր՝ Քիմը և Քորթնին և մեկ եղբայր՝ Ռոբը[13]։ Նա նաև ունի երկու խորթ քույր՝ Քենդալ և Քայլի Ջեններները[14]։
Կարիերա[խմբագրել | խմբագրել կոդը]
.jpg)
2007 թվականի հոկտեմբերին E! հեռուստաընկերությունը սկսում է «Քարդաշյանների ընտանիքը» (անգլ.՝ Keeping Up with the Kardashians) ռեալիթի շոուի հեռարձակումը[15]։ Հեռուստաշոուն դառնում է հաջողված և հետագայում ունենում է բազմաթիվ եթերաշրջաններ։
«Քարդաշյանների ընտանիքը» հեռուստաշոուի հաջողությունից հետո E! հեռուստաընկերությունը սկսում է նաև «Kourtney and Khloé Take Miami» շոուն, որի պրեմիերան կայանում է 2009 թվականի օգոստոսին[6]։ Նույն տարում Քլոյին և Քորթնին Մայամիում բացում են իրենց «D-A-S-H» անվանումը կրող հագուստի խանութը[8]։
2010 թվականի նոյեմբերին Քարդաշյան քույրերը թողարկում են իրենց «Kardashian Konfidential» գիրքը[16], իսկ 2011 թվականին իրենց առաջին նովելը, որը կրում է «Dollhouse» անվանումը։ 2011 թվականի փետրվարին Քլոյին և իր ամուսինը՝ Լամար Օդոմը, ներկայացնում են «Unbreakable» օծանելիքի հավաքածուն[17], որի երկրորդ հավաքածուն ներկայացվում է 2012 թվականին[18]։ 2012 թվականի հոկտեմբերին հայտնի է դառնում, որ Քլոյին և Մարիո Լոպեսը վարելու են ամերիկյան «Իքս ֆակտոր» նախագծի երկրորդ եթերաշրջանը[19]։ 2014 թվականի հուլիսին նա նկարահանվում է ռեփեր Ֆրենչ Մոնտանայի «Don't Panic» երգի տեսահոլովակում, որի պրեմիերան կայանում է նույն տարվա օգոստոսի 13-ին[20]։
2015 թվականի ապրիլին Քլոյին, Քիմը և նրա ամուսինը՝ ռեփեր Քանյե Ուեսթը այցելել են Հայաստան[21]։ Նույն տարվա նոյեմբերին վաճառքի դուրս եկավ Քլոյիի «Strong Looks Better Naked» գիրքը[22]։ 2016 թվականի հունվարից նա FYI հեռուստալիքի եթերում սկսեց վարել «Կոկտելներ Քլոյիի հետ» (անգլ.՝ Kocktails with Khloé) հաղորդումը, որն ունեցավ ընդամենը 14 թողարկում և հեռարձակումը դադարեցվեց նույն տարվա ապրիլին[23][24]։
Անձնական կյանք[խմբագրել | խմբագրել կոդը]
2009 թվականի սեպտեմբերի 27-ին ամուսնացել է NBA-ի բասկետբոլիստ Լամար Օդոմի հետ, ով այդ ժամանակ խաղում էր Լոս Անջելես Լեյքերսում[25][26]։ Նրանք ամուսնալուծվեցին 2013 թվականի դեկտեմբերին[27]։
2014 թվականին Քլոյին հանդիպել է ռեփեր Ֆրենչ Մոնտանայի հետ[28], սակայն նրանք բաժանվել են նույն տարվա սեպտեմբերին[29]։ 2015 թվականի հունիսին մինչև 2016 թվականի փետրվարը նա հանդիպում էր ամերիկացի բասկետբոլիստ Ջեյմս Հարդենի հետ[30][31]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ 2,0 2,1 GeneaStar
- ↑ 3,0 3,1 Roglo — 1997. — ed. size: 8549233
- ↑ «Մեր պարտքն է չլռել. Քլոե Քարդաշյանը դատապարտել է Հայոց ցեղասպանությունը»։ Թերթ.am։ Ապրիլի 24, 2016։ Արխիվացված է օրիգինալից 2019-04-07-ին։ Վերցված է Ապրիլի 24, 2016
- ↑ Kimberly Nordyke (նոյեմբերի 13, 2007)։ «'Kardashians' earns its keep»։ The Hollywood Reporter (Prometheus Global Media)։ Վերցված է օգոստոսի 17, 2013
- ↑ 6,0 6,1 «From The Futon Critic (April 21, 2009)»։ Thefutoncritic.com։ Վերցված է օգոստոսի 5, 2013
- ↑ «E! Shows What Marriage Is Really Like When A Two-Time NBA Champion and A Sassy Diva Come Together on "Khloe & Lamar," Premiering Sunday, April 10 at 10:00PM ET/PT»։ The Futon Critic։ Վերցված է հունվարի 23, 2013
- ↑ 8,0 8,1 «Kourtney And Khloe Kardashian Open New Dash Boutique In Miami»։ ThaIndian.com։ օգոստոսի 17, 2009։ Արխիվացված է օրիգինալից 2015-10-01-ին։ Վերցված է 2010 թ․ դեկտեմբերի 13
- ↑ «Khloe Alexandra Kardashian, Born 06/27/1984 in California»։ California Birth Index։ Վերցված է դեկտեմբերի 14, 2013
- ↑ «Kim Kardashian's anger as Turkish Cosmo puts her on the cover as Armenia marks Genocide Remembrance Day»։ Daily Mail։ Daily Mail and General Trust։ ապրիլի 12, 2011։ Վերցված է օգոստոսի 17, 2013
- ↑ Kim Kardashian (հունիսի 11, 2008)։ «Monuments And Momentous Times In Monte Carlo»։ KimKardashian.Celebuzz.com։ Արխիվացված է օրիգինալից 2011-07-08-ին։ Վերցված է օգոստոսի 17, 2013
- ↑ Stephanie Hallett (փետրվարի 18, 2012)։ «Kris Jenner, Bruce Jenner's Marriage: 10 Things You Didn't Know»։ The Huffington Post (AOL)։ Վերցված է օգոստոսի 17, 2013
- ↑ Nick Sagimbeni (հունվարի 9, 2013)։ «Kourtney, Kim, Khloe, Robert, Kylie and Kendall Kardashian»։ Los Angeles Times (Tribune Company)։ Արխիվացված է օրիգինալից 2013-09-21-ին։ Վերցված է օգոստոսի 17, 2013
- ↑ Jeff Mayish (մայիսի 1, 2013)։ «Ex-nanny to the Kardashians reveals Kris Jenner's temper and an O. J. Simpson trial kidnap scare»։ Daily News (Mortimer Zuckerman)։ Վերցված է օգոստոսի 17, 2013
- ↑ Kimberly Nordyke (նոյեմբերի 13, 2007)։ «'Kardashians' earns its keep»։ The Hollywood Reporter։ Prometheus Global Media։ Վերցված է օգոստոսի 17, 2013
- ↑ «Kim, Khloe and Kourtney to Write a Book: Kardashian Konfidential»։ UsMagazine.com
- ↑ "Khloe and Lamar Make Scents of their 'Unbreakable' Bond with a New Fragrance" Archived 2011-02-08 at the Wayback Machine. April 4, 2011, People Magazine, retrieved June 6, 2011
- ↑ A Kardashian Christmas! Khloe and Lamar cash in on the holiday season with 'blissful' new perfume Unbreakable Joy
- ↑ Khloé Kardashian, Mario Lopez 'sign X Factor hosting deals'
- ↑ «VIDEO: FRENCH MONTANA – ‘DON’T PANIC’»։ Rap-Up։ օգոստոսի 13, 2014։ Վերցված է հունվարի 16, 2015
- ↑ «Քիմ Քարդաշյան. «Ես շատ երջանիկ եմ» (տեսանյութ)»։ a1plus.am
- ↑ «Inside Khloe Kardashian's Book Strong Looks Better Naked: Her Sweet Note to Lamar Odom, Anger Over Caitlyn Jenner & More»։ E! Online UK
- ↑ «FYI(TM) Moves Premiere of Primetime Talk Show "Kocktails with Khloe" to Wednesday, January 20 at 10PM ET»։ The Futon Critic
- ↑ «Khloe Kardashian's Talk Show Kocktails With Khloe Is Canceled After 14 Episodes»։ E!
- ↑ «Khloe Kardashian Is Married!»։ People.com
- ↑ Khloe Kardashian's Honeymoon Plans Still Up in the Air Archived 2009-10-10 at the Wayback Machine. people.com, October 8, 2009
- ↑ Fox News (դեկտեմբերի 13, 2013)։ «Khloe Kardashian filing for divorce from Lamar Odom, reports say»։ Վերցված է դեկտեմբերի 13, 2013
- ↑ Clark Sandra։ «French Montana Had Arm Around Khloe Kardashian On PDA-Filled Date»։ Hollywood Life։ Վերցված է 2014 թ․ մայիսի 15
- ↑ «Khloe Reportedly Dumped French Because He Was Texting Her BFF! - Radar Online»։ radaronline.com
- ↑ «Khloe Kardashian looks amazing for date night with boyfriend James Harden»։ Mirror
- ↑ «Khloe Kardashian and James Harden Break Up: Find Out What Went Wrong»։ Mike Vulpo
Արտաքին հղումներ[խմբագրել | խմբագրել կոդը]
- Պաշտոնական կայք Archived 2016-02-04 at the Wayback Machine.
| ||||||||||||||||||
- Հունիսի 27 ծնունդներ
- 1984 ծնունդներ
- Ապրող անձինք
- Լոս Անջելես քաղաքում ծնվածներ
- Անձինք այբբենական կարգով
- Ամերիկացի մոդելներ
- Ամերիկահայ դերասանուհիներ
- Ամերիկացի հեռուստատեսային դեմքեր
- Ամերիկացիներ իռլանդական ծագմամբ
- Ամերիկահայ պրոդյուսերներ
- Ամերիկահայ դիզայներներ
- Ամերիկացի հեռուստատեսային դերասանուհիներ
- Ամերիկահայ գրողներ