Քլոդ Լեկոմտ

Քլոդ Լեկոմտ; ֆր.՝ Claude Lecomte
Ծնվել է	սեպտեմբերի 8, 1817
Ծննդավայր	Thionville, Մոզել
Մահացել է	մարտի 18, 1871 (53 տարեկան)
Մահվան վայր	Մոնմարտր, Փարիզի 18-րդ շրջան, Փարիզ, Փարիզի շրջան
Գերեզման	Պեր Լաշեզ և Grave of Lecomte & Clément-Thomas
Քաղաքացիություն	Ֆրանսիա
Կրթություն	Հատուկ Ռազմական Դպրոց Սեն Սիր
Մասնագիտություն	ռազմական գործիչ
Պարգևներ և ; մրցանակներ
	Claude Lecomte Վիքիպահեստում

Քլոդ Մարտին Լեկոմտ ֆրանսիացի գեներալ, բոնապարտիստ։ Փարիզի կոմունայի առաջին զոհերից մեկը։

Կենսագրություն

Քլոդ Մարտին Լեկոմտը ծնվել է 1817 թվականի սեպտեմբերի 8-ին, Թիոնվիլ քաղաքում։

1865 թվականին ստացել է գնդապետի կոչում։ 1869 թվականից զբաղեցրել է Ազգային ռազմական ուսումնարանի պետի տեղակալի պաշտոնը։ 1870 թվականին դարձել է բրիգադի գեներալ։ Նա մասնակցել է 1870 թվականին Փարիզի պաշարման ժամանակ տեղի ունեցած մարտերին։ Մայրաքաղաքի կապիտուլյացիայից հետո նշանակվել է Փարիզի երկրորդ հատվածի հրամանատարը։

Նապոլեոն III֊ի իշխանության անկումից հետո ծառայել է հյուսիսի բանակում՝ գեներալ Լուի Ֆեդեբրայի հրամանատարությամբ։ 1870-1871 թվականներին մասնակցել է Ֆրանս-պրուսական պատերազմին։ Նա մասնակցել է գերմանացիների հետ մի քանի մարտի, այդ թվում՝ Ամիենի ճակատամարտին (1870 թ. նոյեմբերի 27), Գալլու գետի ճակատամարտին (1870 թ. դեկտեմբերի 23-24)։

Կապիտուլյացիայից հետո վերադարձել է Փարիզ և փոխարինել մայրաքաղաքի վեցերորդ հատվածի հրամանատարին՝ ծովակալ դը Լանգլեին, նշանակվել է Փարիզում նոր բանակի բրիգադի հրամանատարի ժամանակավոր պաշտոնակատար, իսկ ավելի ուշ՝ հրաձգային դպրոցի տնօրեն։

1871 թվականի հեղափոխական իրադարձությունների ժամանակ մարտի 18-ին նա գլխավորել է ջոկատը, որը հանձնարարված էր գրավել Ազգային գվարդիայի հրետանին Մոնմարտրում։ Լուի-Ադոլֆ Տիերի կառավարության փորձը ձախողվելուց հետո գեներալ Լեկոմտը հրամայել է կրակել ժողովրդի վրա, ինչից հետո ապստամբ զինվորները բռնել են նրան գնդակահարել։ Միաժամանակ Լեկոմտի հետ գնդակահարվել է Փարիզի ազգային գվարդիայի հրամանատար, գեներալ Քլեման Թոմասը։

Քլոդ Մարտին Լեկոմտը թաղվել է Պեր Լաշեզ գերեզմանատանը։

Ծանոթագրություններ

↑ Base Léonore (ֆր.) — ministère de la Culture.

Արտաքին հղումներ

Lecomte Claude(ֆր.).

Վիքիպահեստն ունի նյութեր, որոնք վերաբերում են «Քլոդ Լեկոմտ» հոդվածին։

[_09105eb8d5da4405-1] Base Léonore (ֆր.) — ministère de la Culture.

[1]