Քլինթ Ուոքեր

Վիքիպեդիայից՝ ազատ հանրագիտարանից
Jump to navigation Jump to search
Քլինթ Ուոքեր
Դիմանկար
Ծնվել էմայիսի 30, 1927(1927-05-30)[1]
ԾննդավայրHartford, Մեդիսոն շրջան, Իլինոյս, ԱՄՆ
Մահացել էմայիսի 21, 2018(2018-05-21)[2][1] (90 տարեկան)
Մահվան վայրԳրասս Վելլի, Նևադա շրջան, Կալիֆոռնիա, ԱՄՆ
ՔաղաքացիությունFlag of the United States.svg ԱՄՆ
ԵրկերCheyenne Bodie?
Մասնագիտությունծովագնաց, աշխատանքային, bouncer, extra, երգիչ, կինոդերասան, հեռուստատեսային դերասան և հեղինակ-կոմպոզիտոր
ԱշխատավայրWarner Bros.
Պարգևներ և
մրցանակներ
Հոլիվուդյան փառքի ծառուղու աստղ
Կայքclintwalker.com
Clint Walker Վիքիպահեստում

Քլինթ Ուոքեր (անգլ.՝ Clint Walker, մայիսի 30, 1927(1927-05-30)[1], Hartford, Մեդիսոն շրջան, Իլինոյս, ԱՄՆ - մայիսի 21, 2018(2018-05-21)[2][1], Գրասս Վելլի, Նևադա շրջան, Կալիֆոռնիա, ԱՄՆ), կինոյի և հեռուստատեսության ամերիկացի դերասան, քանթրի երաժիտ, երգիչ, երգահան։ Առավել հայտնի է դարձել «Շայենի» սերիալի Շայեն Բոդիի դերակատարմամբ (108 դրվագ 7 տարվա ընթացքում)[3][4]։

Կենսագրություն[խմբագրել | խմբագրել կոդը]

Նորման Յուջին Ուոքերը (դերասանի իրական անունը) ծնվել է 1927 թվականի մայիսի 30-ին, Հարթֆորդ գյուղում[3]։ Հայրը` Փոլ Առնոլդ Ուոքերը, Արկանզաս նահանգի բնիկ էր, մայրը` Գլեդիս Խուլդախը, ազգությամբ չեխ էր։ Ունեցել է երկվորյակ քույր` Լյուսի Ուոքերը (ամուսնանալուց հետո` Ուեսթբրուկ, 1927-2000 թվական)[5]։

9 տարեկան հասակում Ուոքերն սկսել է աշխատել[3], 16 տարեկանում ընհանրապես թողել է դպրոցը, որպեսզի աշխատի գործարանում և գետային նավակների վրա։ 18 տարեկանում ընդունվել է ԱՄՆ-ի Առևտրային նավատորմ, աշխատել է նավակավար (քաշել է բեռնանավեր) Միսիսիպի գետի վրա[3]։ Որոշ ժամանակ անց Ուոքերը լքել է նավատորմը և սկսել է ճանապարհորդել երկրով` գումար վաստակելով պատահական աշխատանքների միջոցով։ Նա ապրել է Բրաունվուդում (Տեխաս), որտեղ զբաղվել է նավթի արդյունաբերությամբ, Լոնգ Բիչում (Կալիֆոռնիա) նա եղել է գաղտնի գործակալ, Լաս Վեգասում (Նևադա) ապագա դերասանը նոր բացված և ապագայում բոլորին հայտնի «Պեսկի» հյուրանոց-խաղատանն աշխատել է որպես հսկիչ[3][5]։ Նաև երիտասարդ հասակում Ուոքերը աշխատել է որպես ատաղձագործ, բեռնակիր, դիմակահանդեսների ընթացքում օգնական, օգնական գոլֆի դաշտում, գազոնների հնձող, եղել է մետաղյա թիթեղների արտադրման աշխատակից, փոշեկուլների վաճառող, շրջիկ վաճառական և գիշերային ակումբի դռնապան[3]։

1954 թվականին 27 տարեկան Ուոքերին տաղանդներ որոնող գործակալ Հենրի Ուիլսոնն առաջարկել է նկարահանվել դրվագային դերում։ Երիտասարդը համաձայնել է, և նրա կինո դեբյուդը կայացել է «Զուգարան ջունգլիներում» ժապավենում, որտեղ Ուոքերը խաղացել է (առանց լուսագրերում նշվելու)` «նմանակելով Տարզանին»։ Դա եղել է առաջին և վերջին անգամ, երբ նա համաձայնել է խաղալ առանց լուսագրերում նշվելու։ Նորեկ դերասանին նկատել էին, և արդեն հաջորդ տարում նա սկսել է նկարահանվել «Շայենի» հեռուստասերիալում, և հենց այս սերիալից է նրան քիչ թե շատ հիշում հանդիսատեսը (խաղացել է գլխավոր դերը 108 դրվագներում, յոթ տարվա ընթացքում)։ Հետագայում Քլինթ Ուոքերը (որը դարձել է նրա դերասանական կեղծանունը) շարունակել է կինոյի և հեռուստատեսության դերասանական կարիերան։ 44 տարում նա նկարահանվել է 41 ֆիլմում և սերիալում, ևս մեկ ժապավենում հանդես է եկել որպես հնչյունավորող դերասան։ Քլինթ Ուոքերի մասնակցությամբ ֆիլմերի և սերիալների մեծամասնությունն արտադրված են եղել Warner Bros.-ի կողմից[3]։

1971 թվականի մայիսի 24-ին Քուինթ Ուոքերը հանգստանում էր Մամոտ-Մաունթին լեռնադահուկային առողջարանում։ Անհայտ պատճառով նա ընկնում է, ընդ որում այնքան անհաջող, որ իր սուր դահուկների փայտիկներից մեկը խոցել է հենց սիրտը։ Նրան տեղափոխել են հիվանդանոց, որտեղ երկու բժիշկները նրան մահացած են համարում, իսկ երրորդ բժիշկը վերջին պահին դիահերձարան տեղափոխելուց առաջ նրա մարմնում կյանքի նշաններ է տեսնում։ Ուոքերին անհապաղ վիրահատում են (բժիշկները նույնիսկ ժամանակ չեն կորցնում անզգայացնելու և ձեռքերը լվանալու համար, և երկու ամսիս հետո նա դուրս է գրվում հիվանդանոցից[6]։

2003 թվականին լույս է տեսնում Yaqui Gold գիրքը, որը գրել էր Քլինթը` Կիրբի Ջոնսի համահեղինակությամբ, վեստեռն ոճով (ISBN 978-1-891423-08-6)[4]:

Քլինթ Ուոքերը մահացել է 2018 թվականի մայիսի 21-ին, իր 91-ամյակից 9 օր առաջ, Գրաս Վալի քաղաքում (Կալիֆորնիա)։ Մահվան պատճառը եղել է սրտային անբավարարությունը[5][7]։

Անձնական կյանք[խմբագրել | խմբագրել կոդը]

Քլինթ Ուոքերն ամուսնացել է երեք անգամ, ընդ որում` յուրաքանչյուր կնոջ հետ ապրել է հենց քսան տարի։

  • Վեռնա Հարվերի հետ ամուսնացել են 1948 թվականի սեպտեմբերի 5-ին, բաժանվել են 1968 թվականին, ունեցել են 1 երեխա, որին անվանել են Վալերի[5], ծնվել է 1950 թվականի հունվարի 31-ին։ Մանուկ հասակում նա երբեմն նկարահանվել է հոր հետ միասին, իսկ երբ արդեն մեծացել է, դարձել է ինքնաթիռի օդաչու[8]։
  • Գիսել Խենեսի ամուսնացել են 1974 թվականի մայիսի 26-ին, բաժանվել են 1994 թվականի հունվարի 1-ին։ Կինը մահացել է։ Միասին երեխաներ չեն ունեցել։
  • Սյուզան Կավալարի ամուսնացել են 1997 թվականի մարտի 7-ին (Ուոքերը մոտ 70 տարեկան էր), միասին ապրել են մինչև 2018 թվականի մայիսի 21-ը, այսինքն` մինչև դերասանի մահը։ Երեխաներ չեն ունեցել։

Մրցանակներ և ճանաչումներ[խմբագրել | խմբագրել կոդը]

1960 թվական՝ աստղ Հոլիվուդյան Փառքի ծառուղում 1997 թվական՝ «Ոսկյա ոտնաման» մրցանակը 2004 թվական՝ ընդգրկվել է վեստեռնի մեծագույն արտիստների սրահում (Օկլահոմա Սիթի, Օկլահոմա նահանգի կովբոյների և վեստեռների ժառանգության ազգային թանգարան)[9]։

Ընտրված ֆիլմոգրաֆիա[խմբագրել | խմբագրել կոդը]

Մեծ էկրան

  • 1956 թվական` Տասը կովբոյները / The Ten Commandments, սարդինյան կապիտան
  • 1958 թվական` Ֆորտ Դոբս / Fort Dobbs, Գեր Դևիս
  • 1959 թվական` Յելոուսթոն Քելլի / Yellowstone Kelly, Լատեր «Յելոուսթոն» Քելլի
  • 1961 թվական` Յոթ սրբերի ոսկին / Gold of the Seven Saints, Ջիմ Ռեյնբոլտ
  • 1964 թվական` Ինձ ծաղիկներ չուղարկես / Send Me No Flowers, Բերտ
  • 1965 թվական` Միայն խիզախները / None but the Brave, կապիտան Դենիս Բյորկ
  • 1966 թվական` Գրիզլիի գիշերը / The Night of the Grizzly, Ջիմ Կոուլ
  • 1966 թվական` Մայա / Maya, Խյու Բոուեն
  • 1967 թվական` Կեղտոտ դյուժին / The Dirty Dozen, Սեմսոն Պոուզի
  • 1969 թվական` Ավելի շուտ մեռած է, քան ողջ / More Dead Than Alive, Կեյն
  • 1969 թվական` Սեմ վիսկի / Sam Whiskey, Օ. Բենդի
  • 1969 թվական` Բանկի մեծ կողոպուտ / The Great Bank Robbery ռեյնջեր Բեն Կուիկ
  • 1970 թվական` Ֆինքս / The Phynx, վարպետ սերժանտ Քլինթ Ուոկեր
  • 1972 թվական` Պանչո Վիլյա / Pancho Villa, Սքոթի
  • 1976 թվական` Բեյքերի Բազեն / Baker's Hawk, Դեն Բեյքեր
  • 1977 թվական` Սպիտակ բիզոն / The White Buffalo, սուլող Ջեկ Կիլին
  • 1977 թվական` Մահացու բերք / Deadly Harvest, Գրանտ Ֆռանկլին
  • 1983 թվական` Մահացու հիստերիկ / Hysterical, շերիֆ
  • 1998 թվական` Զինվորիկներ / Small Soldiers, Նիկ Նիտրո, ոչնչացման փորձագետ (հնչյունավորում)

Հեռուստատեսություն

  • 1955-1962 թվականներ` Շայեններ / Cheyenne, Շայեն Բոդի, Սև տուզ, Ջիմ Տոռնտոն Մեռիտ (108 էպիզոդ)
  • 1960 թվական` Մևերիկ / Maverick, Շեյեն Բոդի (Hadley's Hunters դրվագում)
  • 1963 թվական` Սանսեթ սթրիփ 77 / 77 Sunset Strip, Կել Ջասպեր (2-րդ դրվագ)
  • 1964 թվական` Սասպենս Կրաֆտա թատրոն / Kraft Suspense Theatre, Դավիդ Վուլֆե (Portrait of an Unknown Man դրվագում)
  • 1965-1966 թվականներ` Լյուսիի շոուն / The Lucy Show, Ֆռենկ Ուինսլոու (2 դրվագում)
  • 1971 թվական` Յումա / Yuma, մարշալ Դեյվ Խերմոն
  • 1972 թվական` Ծանր դեպք / Hardcase, Ջեկ Ռատերֆորդ
  • 1974 թվական` Գայլի ոռնոց / Scream of the Wolf, Բայրոն Դուգլաս
  • 1974 թվական` Բուլդողզեր մարդասպանը / Killdozer!, Լլոյդ Կելլի
  • 1977 թվական` Ձյունե գազանը/ Snowbeast, շերիֆ Պարադեյ
  • 1978 թվական` Հարյուրամյակ / Centennial, Ջոն Բին (Only the Rocks Live Forever դրվագում)
  • 1983 թվական` Սիրո նավակ / The Love Boat, Բիլլ (Friend of the Family/Affair on Demand/Just Another Pretty Face դրվագում)
  • 1991 թվական` Խաղացողը վերադառնում է. Խաղաքարտ ձգելու հաջողությունը / The Gambler Returns: The Luck of the Draw, Շայեն
  • 1993 թվական` Արևադարձային շոգ / Tropical Heat, «Մահացած աչք» Դիկսոն (The Last of the Magnificent դրվագում)
  • 1995 թվական` Քունգ ֆո, Լեգենդի վերադարձը / Kung Fu: The Legend Continues, Շայեն Բոդի (Gunfighters դրվագում)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 GeneaStar
  2. 2,0 2,1 2,2 https://pantheon.world/profile/person/Clint_Walker
  3. 3,0 3,1 3,2 3,3 3,4 3,5 3,6 Քաղվածելու սխալ՝ Սխալ <ref> պիտակ՝ cli անվանումով ref-երը տեքստ չեն պարունակում:
  4. 4,0 4,1 Cowboy actor inspires local Western writer (անգլ.) на сайте kirbyjonas.com, декабрь 2003 Архивировано из первоисточника 12 июня 2007
  5. 5,0 5,1 5,2 5,3 Кара Берг. ‘Cheyenne’s’ Clint Walker, a Belleville native, dies at age 90 (անգլ.) на сайте bnd.com, 23 мая 2018
  6. Роджер Шлютер. ‘Cheyenne’s’ Clint Walker still riding tall (անգլ.) на сайте bnd.com, 2 июля 2016
  7. Джон Шварц. Clint Walker, Western Star Tall in the Saddle, Is Dead at 90 (անգլ.) на сайте nytimes.com, 22 мая 2018
  8. Valerie Cottle (WG #175) in the cockpit for Western Airlines (անգլ.) на сайте twudigital.contentdm.oclc.org
  9. Great Western Performers Archived 2017-09-12 at the Wayback Machine. (անգլ.) на сайте nationalcowboymuseum.org

Արտաքին հղումներ[խմբագրել | խմբագրել կոդը]