Քիրսթի Քովենթրի

Քիրսթի Քովենթրի
Անձնական տեղեկություն
Սեռ՝	իգական
Ամբողջական անուն՝	անգլ.՝ Kirsty Leigh Coventry
Մասնագիտացում	լողորդ, քաղաքական գործիչ և մարզական պաշտոնյա
Երկիր	Զիմբաբվե
Ծննդյան ամսաթիվ	սեպտեմբերի 16, 1983 (41 տարեկան)
Ծննդավայր	Հարարե, Զիմբաբվե
Հասակ՝	179 սանտիմետր
Քաշ	60 կիլոգրամ
Պարգևներ Honda Sports մրցանակ լողի և սուզվելու համար

Քիրսթի Լի Քովենթրի Սյուարդ (անգլ.՝ Kirsty Leigh Coventry Seward, սեպտեմբերի 16, 1983(1983-09-16), Հարարե, Զիմբաբվե), զիմբաբվեցի լողորդուհի և քաղաքական գործիչ, միջազգային օլիմպիական շարժման գործիչ, օլիմպիական կրկնակի չեմպիոն, աշխարհի յոթակի չեմպիոն, Աֆրիկյան խաղերի 14-ակի հաղթող, աշխարհի բազմակի ռեկորդակիր։ Զիմբաբվեի պատմության մեջ ամենատիտղոսակիր մարզուհին։ Մասնագիտացած էր թիկնալողում և համակցված լողում:

Զիմբաբվեի երիտասարդության, սպորտի, արվեստի և հանգստի նախարար (անգլ.՝ Minister of Youth, Sport, Arts and Recreation) 2018 թվականի սեպտեմբերի 10-ից՝ նախագահ Էմերսոն Մնանգագվայի օրոք։ ՄՕԿ-ի գործադիր խորհրդի անդամ, ՄՕԿ-ի մարզիկների հանձնաժողովի նախագահ։

2025 թվականի մարտի 20-ին Միջազգային օլիմպիական կոմիտեի 144-րդ նստաշրջանում ընտրվել է կազմակերպության 10-րդ նախագահ, այդ պաշտոնը կստանձնի 2025 թվականի հունիսի 24-ին՝ դառնալով ՄՕԿ-ի առաջին կին և առաջին աֆրիկացի նախագահը^[2]։

Կենսագրություն

Քովենթրին ապրել և մարզվել է ԱՄՆ-ի Ալաբամա նահանգում և հանդես է եկել տեղական «Օբեռն Թայգերս» ակումբի կազմում^[3]։ ՄՕԿ-ի անդամ է 2013 թվականից։ ՄՕԿ-ի գործադիր խորհրդի անդամ է, 2026 թվականի Դակարի ամառային պատանեկան օլիմպիական խաղերի համակարգող հանձնաժողովի նախագահ։

Քովենթրին նվաճել է Զիմբաբվեի պատմության մեջ նվաճած օլիմպիական 8 մեդալներից 7-ը։ Եվս մեկ ոսկե մեդալ նվաճել է կանանց մականախաղի թիմը 1980 թվականի Մոսկվայի Օլիմպիական խաղերում։ Քովենթրին եղել է Զիմբաբվեի դրոշակակիրը երկու ամառային օլիմպիական խաղերի բացման արարողությունների ժամանակ (2012 և 2016):

Զիմբաբվեի նախագահ Ռոբերտ Մուգաբեն նրան անվանել է «ոսկե աղջիկ», իսկ Զիմբաբվեի ԱՕԿ նախագահ Փոլ Չինյոկան՝ «մեր ազգային գանձը»^[4]։

2008 թվականի փետրվարի 16-ին Քովենթրին թարմացրել է լողի համաշխարհային ամենահին ռեկորդներից մեկը՝ 200 մ թիկնալողում, որը պատկանում էր հայտնի հունգարուհի Քրիստինա Էգերսեգիին և պահպանվում էր 1991 թվականի օգոստոսից^[5]։ Սակայն 2008 թվականի հուլիսի 5-ին ամերիկուհի Մարգարեթ Հոլցերը Քովենթրիից խլել է համաշխարհային ռեկորդը՝ ցույց տալով 2 րոպե 6,09 վրկ արդյունք^[6]։

2013 թվականի օգոստոսի 10-ին Քիրսթի Քովենթրին ամուսնացել է իր մենեջեր Թայրոն Սյուարդի հետ (անգլ.՝ Tyrone Seward)^[7]: 2019 թվականի մայիսին ծնվել է նրա առաջնեկը^[8]։

Մարզական ֆունկցիոների կարիերա

2013 թվականից Քիրսթի Քովենթրին ՄՕԿ-ի և Զիմբաբվեի օլիմպիական կոմիտեի անդամ է։ 2018 թվականից Զիմբաբվեի սպորտի, հանգստի, արվեստի և մշակույթի նախարարն է։

ՄՕԿ-ի նախագահ

2025 թվականի մարտի 20-ին նա ընտրվել է ՄՕԿ-ի նոր նախագահ՝ պաշտոնավարման ութ տարի ժամկետով։ Դրան կողմ է քվեարկել ՄՕԿ-ի 97 անդամներից 49-ը։ Այսպիսով, նա դարձել է առաջին կինը և առաջին աֆրիկացին, որն զբաղեցնելու է ՄՕԿ-ի նախագահի պաշտոնը^[9]^[10]:

Նվաճումներ

2004 և 2008 թվականների Օլիմպիական խաղերում նա մեդալներ է նվաճել բոլոր 7 մրցատարածություններում, որոնց մասնակցել է։
2000 թվականի Սիդնեյի Օլիմպիական խաղերից հետո, որտեղ 16 տարեկանում նրան հաջողվել է հասնել կիսաեզրափակիչ, նա ճանաչվել է Զիմբաբվեի տարվա լավագույն մարզուհի։
2004-2005 և 2007-2009 թվականներին 5 անգամ ճանաչվել է Աֆրիկայի լավագույն լողորդուհի։
Նա նվաճել է Զիմբաբվեի հավաքականի բոլոր անհատական օլիմպիական մեդալները։

Ծանոթագրություններ

↑ ^1,0 ^1,1 https://www.collegiatewomensportsawards.com/archives/swimdive
↑ «Кирсти Ковентри из Зимбабве станет первой женщиной на посту президента МОК». TACC (ռուսերեն). Վերցված է 2025 թ․ մարտի 20-ին.
↑ "Zimbabwe puts aside racial tensions to give hero's welcome to triple medal winner", USA Today, 25 August 2004.
↑ Кирсти Ковентри -— гордость Зимбабве Արխիվացված է Ապրիլ 19, 2015 Wayback Machine-ի միջոցով:(անգլ.)
↑ «Coventry breaks second-oldest record - CNN.com». edition.cnn.com. Վերցված է 2025 թ․ մարտի 20-ին.
↑ Writer, David Rieder-Senior (2019 թ․ հուլիսի 26). «Regan Smith Shatters Missy Franklin's 200 Back World Record In 2:03.35 (Video)». Swimming World (ամերիկյան անգլերեն). Վերցված է 2025 թ․ մարտի 20-ին.
↑ «Kirsty Coventry's wedding joy». New Zimbabwe. 2013 թ․ օգոստոսի 13. Արխիվացված է օրիգինալից 2013 թ․ օգոստոսի 17-ին. Վերցված է 2014 թ․ մարտի 28-ին.
↑ «Instagram».
↑ «Кирсти Ковентри избрана 10-м президентом МОК на 144-й сессии МОК в Греции». olympics.com. Վերցված է 2025 թ․ մարտի 20-ին.
↑ «Новым главой Международного олимпийского комитета стала Кирсти Ковентри». BBC News Русская служба (ռուսերեն). 2025 թ․ մարտի 20. Վերցված է 2025 թ․ մարտի 20-ին.

Արտաքին հղումներ

Քիրսթի Քովենթրիի կայքը(անգլերեն)
Քիրսթի Քովենթրի – օլիմպիական վիճակագրությունը Sports-Reference.com կայքում (անգլ.)

Վիքիպահեստն ունի նյութեր, որոնք վերաբերում են «Քիրսթի Քովենթրի» հոդվածին։

[_2d518631070ccaa3-1] 1,0 ^1,1 https://www.collegiatewomensportsawards.com/archives/swimdive

[2] «Кирсти Ковентри из Зимбабве станет первой женщиной на посту президента МОК». TACC (ռուսերեն). Վերցված է 2025 թ․ մարտի 20-ին.

[USA_Today-3] "Zimbabwe puts aside racial tensions to give hero's welcome to triple medal winner", USA Today, 25 August 2004.

[4] Кирсти Ковентри -— гордость Зимбабве Արխիվացված է Ապրիլ 19, 2015 Wayback Machine-ի միջոցով:(անգլ.)

[5] «Coventry breaks second-oldest record - CNN.com». edition.cnn.com. Վերցված է 2025 թ․ մարտի 20-ին.

[6] Writer, David Rieder-Senior (2019 թ․ հուլիսի 26). «Regan Smith Shatters Missy Franklin's 200 Back World Record In 2:03.35 (Video)». Swimming World (ամերիկյան անգլերեն). Վերցված է 2025 թ․ մարտի 20-ին.

[7] «Kirsty Coventry's wedding joy». New Zimbabwe. 2013 թ․ օգոստոսի 13. Արխիվացված է օրիգինալից 2013 թ․ օգոստոսի 17-ին. Վերցված է 2014 թ․ մարտի 28-ին.

[8] «Instagram».

[9] «Кирсти Ковентри избрана 10-м президентом МОК на 144-й сессии МОК в Греции». olympics.com. Վերցված է 2025 թ․ մարտի 20-ին.

[10] «Новым главой Международного олимпийского комитета стала Кирсти Ковентри». BBC News Русская служба (ռուսերեն). 2025 թ․ մարտի 20. Վերցված է 2025 թ․ մարտի 20-ին.

[1]

[2]

[3]

[4]

[5]

[6]

[7]

[8]

[9]

[10]