Քերրի Սանդերսոն

Վիքիպեդիայից՝ ազատ հանրագիտարանից
Քերրի Սանդերսոն
անգլ.՝ Kerry Sanderson
Դիմանկար
Ծնվել էդեկտեմբերի 21, 1950(1950-12-21) (73 տարեկան)
ԾննդավայրSubiaco
Քաղաքացիություն Ավստրալիա
ԿրթությունԱրևմտյան Ավստրալիայի համալսարան
Մասնագիտությունգործարար, պետական ծառայող և Նահանգապետ
ԱշխատավայրՔերթինի համալսարան
Զբաղեցրած պաշտոններGovernor of Western Australia?
Պարգևներ և
մրցանակներ
Թագավորական Վիկտորիական շքանշանի կոմանդոր Ավստրալիայի շքանշանակիր[1] Ավստրալիայի շքանշանի սպա[1] և Հարյուրամյակի մեդալ[1]
 Kerry Sanderson Վիքիպահեստում

Քերրի Գեյ Սանդերսոն (ի ծնե՝ Սմիթ, անգլ.՝ Kerry Gaye Sanderson, née Smith, դեկտեմբերի 21, 1950(1950-12-21), Subiaco), ավստրալիացի քաղաքական գործիչ, Արևմտյան Ավստրալիայի 32-րդ նահանգապետ (2014—2018)[2]:

Կենսագրություն[խմբագրել | խմբագրել կոդը]

Քերիի Գեյ Սմիթը ծնվել է 1950 թվականի դեկտեմբերի 21-ին, Սուբակիոյում (Արևմտյան Ավստրալիա)։ Ավարտելով Արևմտյան Ավստալիայի համալսարանը մաթեմատիկայի մասնագիտացմամբ՝ ստացել է գիտությունների բակալավրի աստիճան, ավելի ուշ՝ տնտեսագիտության բակալավրի աստիճան։ 21 տարեկանում նա ամուսնացել է ինժեներ Լենս Սանդերսոնի հետ, որն աշխատում էր հեռահաղորդակցության ոլորտում, նրանք երկու որդի են ունեցել։ Լենս Անդերսոնը մահացել է 2007 թվականին[3]։

Համալսարանն ավարտելուց հետո Քերրի Սանդերսոնն իր աշխատանքն է սկսել Արևմտյան Ավստրալիայի ֆինանսական վարչությունում։ Նա այնտեղ աշխատել է 17 տարի, որոնցից վերջին հինգը ղեկավարել է տնտեսական և ֆինանսական քաղաքականության բաժինը[4]։

1991-2008 թվականներին Քերրի Սանդերսոնը աշխատել է որպես Ֆրիմանտլ նավահանգստի գլխավոր գործադիր տնօրեն (Արևմտյան Ավստրալիա)։ Նրա ղեկավարման ընթացքում կոնտեյներային առևտուրը, որն իրականացվում է այդ նավահանգստի միջոցով, ավելացել է չորս անգամ[5]։

2008 թվականի նոյեմբերից մինչև 2011 թվականի դեկտեմբեր Քերրի Սանդերսոնն աշխատել է Լոնդոնում՝ Եվրոպայում Արևմտյան Ավստրալիայի կառավարության գլխավոր գործակալի պաշտոնում։ Այդ պաշտոնում նա պատասխանատու էր Արևմտյան Ավստրալիայում արտադրված ապրանքների արտահանման ընդլայնման, ինչպես նաև նահանգի տնտեսության մեջ ներդրումների ավելացման համար[5]։

2014 թվականի օգոստոսին հայտարարվում է, որ Քերրի Սանդերսոնը նշանակվելու է Արևմտյան Ավստրալիայի նահանգապետ և պարտականություններին կանցնի 2014 թվականի հոկտեմբերի 20-ին[6]։ 2014 թվականի հոկտեմբերի 20-ին նա երդվում է և պաշտոնապես ստանձնում պաշտոնը՝ դառնալով Արևմտյան Ավստրալիայի 32-րդ նահանգապետը և այդ պաշտոնում առաջին կինը[2]։

Մրցանակներ[խմբագրել | խմբագրել կոդը]

2001 թվականի հունվարին Քերրի Սանդերսոնը պարգևատրվել է Centenary Medal մեդալով՝ Ավստրալիայի ֆեդերացիայի հարյուրամյակի պատվին[7]։ 2004 թվականի հունիսին նա դարձել է Ավստրալիայի շքանշանի սպա[8], իսկ 2016 թվականի հունիսին՝ նույն շքանշանի ուղեկից[9]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Australian Honours Search Facility
  2. 2,0 2,1 «WA's first woman governor Kerry Sanderson is sworn in at Government House» (անգլերեն). www.abc.net.au. 20 октября 2014. Վերցված է 02.06.2017-ին.
  3. «Governors of WA» (PDF) (անգլերեն). Parliamentary Library of Western Australia — www.parliament.wa.gov.au. апрель 2016. Վերցված է 02.06.2017-ին.
  4. «Her Excellency the Honourable Kerry Sanderson AC, Governor of Western Australia» (անգլերեն). www.govhouse.wa.gov.au. Արխիվացված է օրիգինալից 2017 թ․ հուլիսի 1-ին. Վերցված է 03.06.2017-ին.
  5. 5,0 5,1 «Her Excellency the Honourable Kerry Sanderson AO» (անգլերեն). Constitutional Centre of Western Australia. Վերցված է 31.05.2017-ին.
  6. «Kerry Sanderson is Western Australia's first woman governor» (անգլերեն). www.abc.net.au. 25 августа 2014. Վերցված է 02.06.2017-ին.
  7. «Sanderson, Kerry, Centenary Medal» (անգլերեն). www.itsanhonour.gov.au. Արխիվացված է օրիգինալից 2016 թ․ մարտի 4-ին. Վերցված է 02.06.2017-ին.
  8. «Sanderson, Kerry Gaye, Officer of the Order of Australia» (անգլերեն). www.itsanhonour.gov.au. Արխիվացված է օրիգինալից 2016 թ․ մարտի 4-ին. Վերցված է 02.06.2017-ին.
  9. «Sanderson, Kerry Gaye, Companion of the Order of Australia» (անգլերեն). www.itsanhonour.gov.au. Արխիվացված է օրիգինալից 2016 թ․ սեպտեմբերի 25-ին. Վերցված է 02.06.2017-ին.

Արտաքին հղումներ[խմբագրել | խմբագրել կոդը]