Քերոլ Մոզլի Բրաուն

Վիքիպեդիայից՝ ազատ հանրագիտարանից
Jump to navigation Jump to search
Քերոլ Մոզլի Բրաուն
Carol Moseley Braun NZ.jpg
 
Կուսակցություն՝ Դեմոկրատական կուսակցություն
Կրթություն՝ Իլինոյսի համալսարան Չիկագոյում (1969)[1], University of Chicago Law School? (1972)[1] և Paul Robeson High School?
Մասնագիտություն՝ քաղաքական գործիչ, դիվանագետ, դատախազ և փաստաբան
Ազգություն աֆրոամերիկացի
Ծննդյան օր օգոստոսի 16, 1947(1947-08-16)[2][3] (74 տարեկան)
Ծննդավայր Չիկագո, Իլինոյս, ԱՄՆ
Քաղաքացիություն Flag of the United States.svg ԱՄՆ
 
Պարգևներ

Քերոլ Մոզլի Բրաուն (ինչպես նաև Մոսլի Բրաուն, անգլ.՝ Carol Mosely Braun, օգոստոսի 16, 1947(1947-08-16)[2][3], Չիկագո, Իլինոյս, ԱՄՆ), ամերիկացի կին քաղաքական գործիչ և դիվանագետ։ Իլինոյսի Ներկայացուցիչների պալատի անդամ (1979-1988), սենատոր Իլինոյսից (1993-1999), Նոր Զելանդիայում (1999-2001) և Սամոայում (2000-2001) ԱՄՆ-ի դեսպան։

Կենսագրություն[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Ծնվել է 1947 թվականի օգոստոսի 6-ին, Չիկագոյում։ Ընտանիքի հետ ապրել է Հարավային Չիկագոյի սեգրեգացիոն շրջանում։ Երբ Քերոլը դեռահաս էր, նրա ծնողներն ամուսնալուծվել են, և նա սկսել է ապրել իր տատիկի հետ[4]։

Մոզլի Բրաունը ուսանել է Իլինոյսի Ուրբան-Շամպեյնի համալսարանում, սակայն չորս ամիս անց թողել է ուսումը։ 1969 թվականին ավարտել է Չիկագոյի Իլինոյսի համալսարանը[5]։ Ունի Չիկագոյի համալսարանի դոկտորի աստիճան (1972)։

Քաղաքական գործունեություն[խմբագրել | խմբագրել կոդը]

1978 թվականին Քերոլ Մոզլի Բրաունն ընտրվել է Իլինոյսի Ներկայացուցիչների պալատ[6], որտեղ ծառայել է մինչև 1988 թվականը։ 1993 թվականին դարձել է ԱՄՆ սենատորի պաշտոնում ընտրված առաջին սևամորթ կինը[7]։ 1999 թվականի հոկտեմբերի 8-ին, երբ նա այլևս չի աշխատել Սենատում, նախագահ Բիլ Քլինթոնը նրան նշանակել է Նոր Զելանդիայում ԱՄՆ դեսպան[8]։ 2000 թվականին Մոզլի Բրաունը դարձել է նաև Սամոայի դեսպանը։

ԱՄՆ նախագահի թեկնածություն (2004)[խմբագրել | խմբագրել կոդը]

2003 թվականի սեպտեմբերի 22-ին Մոզլի Բրաունը հայտարարել էր, որ մտադիր է Դեմոկրատական կուսակցությունից իր թեկնածությունն առաջադրել նախագահական ընտրություններում[9]։ Նրա պոտենցիալ մրցակիցը գործող նախագահ հանրապետական Ջորջ Բուշ կրտսերն էր[10]։ 2004 թվականիի սկզբին նա սկսել է հանդես գալ հօգուտ Վերմոնտի նախկին նահանգապետ Հովարդ Դինի[11]։

Չիկագոյի քաղաքապետի առաջադրում (2011)[խմբագրել | խմբագրել կոդը]

2010 թվականի նոյեմբերի 10-ին նախկին սենատորը հայտարարել էր Չիկագոյի քաղաքապետի ընտրություններում առաջադրվելու որոշման մասին։ Մոզլի Բրաունի օգտին հանդես են եկել միանգամից երկու պատգամավոր՝ կոնգրեսական Դենի Դևիսը և սենատոր Ջեյմս Միքսը[12]։ Այն ժամանակվա նախագահ Բիլ Քլինթոնը քաղաքապետի բոլոր թեկնածուների թվում աջակցել է Ռամ Էմանուելին։ Մոզլի Բրաունն այդ որոշումը «սևամորթների շահերի դավաճանություն» է անվանել[13]։ Մոզլի Բրաունը ստացել է 53 062 ձայն, ինչը կազմել է ձայների ընդհանուր թվի 8,97 %-ը[14]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Biographical Directory of the United States Congress
  2. 2,0 2,1 Encyclopædia Britannica
  3. 3,0 3,1 FemBio: Банк інформації про видатних жінок, Frauendatenbank, Банк данных о выдающихся женщинах, Görkəmli qadınlar haqqında məlumat bankı
  4. «Carol Mosely Braun.» Encyclopedia of World Biography. Vol. 11. 2nd edn. Detroit: Gale, 2004, pp. 199-200. 23 vols.
  5. Ginny Tunnicliff, New Funds in the College. UIC College of Liberal Arts & Sciences website says she is an alumna. Retrieved August 25, 2014
  6. «Gainesville Sun - Google News Archive Search»։ news.google.com։ Վերցված է 2019-01-05 
  7. «Education & Resources - National Women's History Museum - NWHM»։ web.archive.org։ 2016-11-08։ Վերցված է 2019-01-05 
  8. «PRESIDENT CLINTON NAMES CAROL MOSELEY-BRAUN FOR U.S. AMBASSADOR TO NEW ZEALAND» 
  9. «Чернокожая американка будет баллотироваться на пост президента США»։ NEWSru.com։ 2003-02-19։ Վերցված է 2019-01-05 
  10. «Единственная негритянка, когда-либо избиравшаяся в американский сенат, Кэрол Мосли-Браун заявила о намерении бороться с Джорджем Бушем за пост президента США.» (ռուսերեն)։ Эхо Москвы։ Վերցված է 2019-01-05 
  11. «Единственная афроамериканка среди кандидатов в президенты прекратила борьбу за Белый дом» (ռուսերեն)։ Lenta.ru։ Վերցված է 2019-01-05 
  12. TheGrio (0001-11-30)։ «Braun left as main black candidate in Chicago race» (անգլերեն)։ theGrio։ Վերցված է 2019-01-05 
  13. Патрик Бьюкенен Самоубийство сверхдержавы. — Litres, 2017-09-05. — 2057 с. — ISBN 9785040306923
  14. «Rahm Emanuel wins Chicago mayoral vote» (անգլերեն)։ www.cnn.com։ Վերցված է 2019-01-05