Քեյթ Գրիգորևա
Քեյթ Գրիգորևա անգլ.՝ Kate Grigorieva | |
---|---|
Ծնվել է | սեպտեմբերի 15, 1989 |
Ծննդավայր | Ռուսաստան |
Քաղաքացիություն | Ռուսաստան |
Ազգություն | ռուս |
Մայրենի լեզու | ռուսերեն |
Կրթություն | Մուրմանսկի պետական տեխնիկական համալսարան |
Մասնագիտություն | մոդել |
Kate Grigorieva Վիքիպահեստում |
Եկատերինա Սերգեյի Գրիգորևա (ռուս.՝ Екатерина Сергеевна Григорьева, ծնվել է սեպտեմբերի 15–ին, 1989, Օլենեգորսկ, Մուրմանսկի մարզ, Ռուսաստան[1]), ավելի հայտնի որպես Քեյթ Գրիգորևա՝ ռուս մոդել է։
Գործունեություն[խմբագրել | խմբագրել կոդը]
Ծնվել է զինվորականների ընտանիքում։ Հաճախել է Մուրմանսկի Պետական Տեխնիկական համալսարան՝ սովորելով մարքեթինգ։
Մասնակցել է Միսս Ռուսաստան 2010 մրցույթին, սակայն հաջողության չի հասել[2]։ Չկորցնելով հույսը նա կրկին մասնակցում է 2012 թվականի մրցույթին՝ ներկայացնելով Մուրմանսկը և դառնում տասը ֆինալիստներից մեկը[2]։ 2012 թվականին մասկակցել է նաև «Ռուսաստանի հաջորդ թոփ մոդելը» մրցույթին և դարձել ֆինալիստ։ Դրանից հետո նա ստորագրեց պայմանագիր Նյու Յորքի նորաձևության գործակալություններից մեկի հետ ևմեկնեց այնտեղ։
2014 թվական և հայտնի դառնալը[խմբագրել | խմբագրել կոդը]
Թոփ մոդելին մասնակցելուց հետո ժյուրի Իրինա Շեյքի գործակալությունը՝ The Lions–ը, հետաքրքրություն զգաց Գրիգորևայի մեջ։ Պայմանագիրը նրա համար նոր դռներ բացեց համաշխարհային ասպարեզում։ 2014 թվականին մասնակցեց Նյու Յորքի նորաձևության շաբաթվան և քայլեց հայտնի դիզայներների համար, օրինակ՝ Օսկար դե լա Ռենռա, Տորի Բուրչ, Ռալֆ Լոուրեն և Դոնա Կարան։ Մասնակցեց նաև շոուների Փարիզում և Միլանում, քայլեով այնպիսի հայտնի դիզայներների և բրենդների համար, ինչպիսիք են՝ Givenchy, Վերսաչե, Gucci, Dolce & Gabbana, Celine, Isabel Marant, Nina Ricci, Էլի Սաաբ, Ռոբերտո Կավալի, Ալեքսանդր ՄկՔուին, Balmain, Giambattista Valli, Էմանուել Ունգարո, Moschino, Etro, Missoni, Էմիլիո Պուչի և այլն։ 2014 թվականի վերջին Գրիգորևան դարձավ լավագույն մոդելներից մեկը՝ բացահայտված մեկ սեզոնում, ըստ models.com–ի[3]։ 2015 թվականին բացեց գարուն/ամառ հավաքածուների ցուցադրությունները Dsquared2–ի և Սթելա ՄկՔարթնեյի։
2015–ներկա․ Victoria's Secret[խմբագրել | խմբագրել կոդը]
2014 թվականի դեկտեմբերի 2–ին նա մասնակցեց Victoria's Secret նորաձևության շոուին՝ Միսս Ռուսաստան մրցույթի մեկ այլ մասնակից Իրինա Շարիպովայի հետ միասին[4]։ 2015 թվականի ապրիլին նա դարձավ Victoria's Secret–ի նոր տասը հրեշտակներից մեկը՝ Լաիս Ռիբեիրոյի, Ռոմի Սթրիյդի, Սարա Սամպայոյի, Մոնիկա Յագացյակի, Ժասմին Տուկսի, Մարթա Հանթի, Ստելա Մաքսվելի, Թեյլոր Մարի Հիլի և Էլզա Հոսկի հետ միասին[5]։
Ծանոթագրություններ[խմբագրել | խմբագրել կոդը]
- ↑ Екатерина Григорьева / Ekaterina Grigoreva
- ↑ 2,0 2,1 Мурманчанка Екатерина Григорьева поборется за корону «Мисс Россия»
- ↑ Top Newcomers / The breakout faces of the season FW14
- ↑ See Who is Walking the 2014 Victoria’s Secret Fashion Show
- ↑ http://www.businessinsider.com/victorias-secret-names-10-new-angels-2015-4
Վիքիպահեստն ունի նյութեր, որոնք վերաբերում են «Քեյթ Գրիգորևա» հոդվածին։ |
|