Քարշ տուր ինձ դժոխք

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Քարշ տուր ինձ դժոխք
Drag Me to Hell
Դժողք.jpeg
ԵրկիրFlag of the United States.svg ԱՄՆ
Ժանրսարսափ ժանրի կատակերգություն
Թեմագերբնական
Թվական2009, հունիսի 11, 2009[1] և օգոստոսի 13, 2009[2]
Լեզուանգլերեն
ՌեժիսորՍեմ Ռեյմի[3][4][5][6][7][8][9]
ՊրոդյուսերՌոբ Տապերտ, Սեմ Ռեյմի[7] և Գրանտ Քերթիս[7]
Սցենարի հեղինակԱյվան Ռեյմի և Սեմ Ռեյմի
ԴերակատարներԷլիսոն Լոհման[4][5][6][10][8][9][11], Ջասթին Լոնգ[4][6][10][8][9][11], Lorna Raver[4][6][8][9][11], Դիլիփ Ռաո[9][11], Դեյվիդ Փայմեր[4][6][9][11], Ադրիանա Բարասա[9][11], Ռեգգի Լի[9][11], Bojana Novakovic[11], Օկտավիա Սպենսեր[11], Chelcie Ross[9][11], Kevin Foster[11], Molly Cheek[11], Թեդ Ռեյմի[12], Alex Veadov[12], Քրիստոֆեր Յանգ[12], Alexis Cruz[12], Chloe Dykstra[12] և Սեմ Ռեյմի
ՕպերատորՊիտեր Դեմինգ
ԵրաժշտությունՔրիստոֆեր Յանգ
ՄոնտաժBob Murawski
Պատմվածքի վայրԼոս Անջելես
ԿինոընկերությունUniversal Studios[8] և Ghost House Pictures
Տևողություն99 րոպե
Բյուջե$ 30 000 000[13]
Շահույթ$ 91 000 000[13]
Պաշտոնական կայքէջ

«Քարշ տուր ինձ դժոխք» (անգլ.՝ Drag Me to Hell), սարսափ ֆիլմ, որի ռեժիսորը Սեմ Ռեյմին է: Նա նաև ֆիլմի սցենարի հեղինակն է իր եղբոր՝ Այվան Ռեյմիի հետ միասին: Գլխավոր դերերում Էլիսոն Լոմանը և Ջասթին Լոնգն են:

Ունենալով $ 90,8 մլն շահույթ ամբողջ աշխարհում և ստանալով բարձր գնահատականներ կինոքննադատների կողմից՝ ֆիլմը արժանացել է «Scream» մրցանակի 2009 թվականին և «Սատուրն»-ի՝ 2010 թվականին, «լավագույն սարսափ ֆիլմ» կատերգորիայում:

Սյուժե[խմբագրել | խմբագրել կոդը]

1969 թվական, Փասադենա, Կալիֆոռնիա. երիտասարդ զույգը, ում որդին լսում է դևերի ձայներ, օգնություն է խնդրում մեդիում Շոն Սան Դինայից: Սան Դինան իրականացնում է ծես, որի ժամանակ անհայտ ուժերը տղային տանում են մի հրե փոսի մեջ:

2009 թվական, Լոս Անջելես. Քրիստին Բրաունը, ով աշխատում է բանկում որպես վարկային գործերի աշխատակից, հույս ունի ստանալ մենեջերի օգնականի տեղը, և իր մրցակիցը նորեկ Ստյու Ռուբինն է: Իրենց բոսը՝ Ջիմ Ջեքսը, Քրիստինին խորհուրդ է տալիս ավելի խիստ որոշումներ կայացնել, որպեսզի պաշտոնի բարձրացում ստանա: Քրիստինայի մոտ գալիս է ծեր գնչուհի՝ Սիլվիա Գանուշը, և խնդրում է հետաձգել տան գրավի մուծման ժամանակը: Քրիստինը խորհրդակցում է բոսի հետ և նա իրեն է հնարավորություն տալիս ընդունել որոշումը: Հուսալով պաշտոնի բարձրացման՝ Քրիստինը մերժում է գնչուհու խնդրանքը: Գնչուհին ծնկի է իջնում, համբուրում Քրիստինի կիսաշրջազգեստի փեշը և աղաչում փոխել որոշումը: Այդ ժամանակ այդտեղ հավաքվում են մարդիկ, և Քրիստինը դեմոնստրատիվ կերպով մերժում է Սիլվիային: Քրիստինը փորձում է ներողություն խնդրել նրանից, բայց գնչուհին հանկարծակի հարձակվում է նրա վրա, սակայն պաշտպանության աշխատակիցներն օգնում են Քրիստինին և դուրս հանում գնչուհուն:

Բանկի ավտոկայանատեղիում Քրիստինի վրա կրկին հարձակվում է Սիլվիան: Դաժան կռվից հետո գնչուհին Քրիստինի վերարկուից պոկում է կոճակ և անիծում է այն: Ավելի ուշ Քրիստինն իր ընկերոջ՝ Քլեյ Դալթոնի հետ գնում է մեդիում Ռամ Ջաշի մոտ և իմանում է, որ իրեն անիծել են: Գիշերը Քրիստինի բերանի մեջ ճանճ է մտնում: Այդ գիշեր Քրիստինը մղձավանջ է տեսնում, որում մահացած գնչուհին իրեն ծածկում է իր բերանից դուրս եկող գերեզմանային ճիճուներով:

Աշխատավայրում Քրիստինի մոտ սկսվում է արնահոսություն քթից, այնուհետև արյունն ուժեղ հոսում է բերանից և ցայտում է բոսի վրա: Այս իրարանցման ժամանակ Ստյուն գողանում է Քրիստինի փաստաթղթերը սեղանից և վաճառում է դրանք մրցակից բանկին՝ դրանով դավ նյութելով Քրիստինի դեմ և ստանալով պաշտոնի բարձրացում: Վախեցած Քրիստինը գնում է Սիլվիայի թոռնուհու տուն, ցանկանում է վերանայել նրա խնդրանքը, սակայն իմանում է, որ Սիլվիան մահացել է նախորդ գիշերը:

Քրիստինը վերադառնում է Ջաշի մոտ, ով ասում է, որ 3 օր իրեն կտանջի զորեղ դև Լամիան, ինչի արդյունքում Քրիստինը հավերժ կհայտնվի դժոխքում: Մեդիումը խորհուրդ է տալիս Քրիստինին որևէ կենդանու զոհաբերել դևի համար: Քրիստինը զոհաբերում է իր կատվին և թաղում նրան բակում: Դալթոնի ընտանիքի հետ ընթրիքի ժամանակ Քրիստինին շարունակում է տանջել Լամիան, և նա իրեն տարօրինակ է պահում:

Քրիստինը վերադառնում է մեդիումի մոտ, ով հայտնում է իրեն, որ մեդիում Սան Դինան կհամաձայնվի օգնել 10 հազար դոլար տալու պայմանով: Աղջիկը հավաքում է իր իրերը և վաճառում, բայց դեռ պակասում է 7 հազար դոլար: Երեկոյան նա իմանում է, որ Քլեյը վճարել է իր փոխարեն: Այնուհետև Քրիստինը գալիս է սեանսի, Սան Դինան ցանկանում է իր միջոցով դևին տեղափոխել այծի մեջ, որին կսպանի մեդիումը: Սակայն աշակերտի մոտ չի հաջողվում սպանել այծին, և դևը մտնում է տղայի մեջ, ով սկսում է ոչնչացնել ամեն ինչ, ինչ տեսնում է: Վերջին պահին Սան Դինան գիտակցության է գալիս և իր կյանքի գնով քշում է դևին: Ջաշը ասում է Քրիստինային, որ նրան մի հնարավորություն է մնացել՝ մինչ լուսաբաց անիծված կոճակը նվիրել որևէ մեկին:

Քրիստինը և Քլեյը տուն են գնում, ճանապարհին հանկարծակի հայտնվում է Սիլվիայի ուրվականը: Քրիստինը գնում է բար և որոշում է, թե ում նվիրել կոճակը: Նա զանգում է և կանչում Ստյուին: Քրիստինը պատրաստվում էր նվիրել կոճակը նրան, սակայն այն բանից հետո, երբ նա լաց է լինում, Քրիստինը խղճում է Ստյուին և հետ ուղարկում նրան: Հերոսուհին գալիս է Ջաշի մոտ և իմանում, որ կոճակը կարող է մեռածի նվիրել: Նա արագ գնում է գերեզմանոց և քանդում է Սիլվիայի գերեզմանը, ապա մտնցում է կոճակով ծրարը նրա բերանը: Այդ ժամանակ տեղատարափ անձրև է սկսվում, որը ջրով է ծածկում գերեզմանը, և Քրիստինը չի կարողանում դուրս գալ այնտեղից: Ջրի մակերես է բարձրանում Սիլվիայի դիակը, որը կարծես փորձում է խանգարել աղջկան, հետո նրա գլխին է ընկնում հարևան գերեզմանի խաչը, սակայն վերջին պահին Քրիստինին հաջողվում է դուրս պրծնել և գնալ:

Առավոտյան Քրիստինը հանդիպում է Քլեյի հետ Լոս Անջելեսի երկաթուղային կայարանում, որտեղից նա պատրաստվում է գնալ Սանտա Բարբարա: Գնացքին սպասելուց Քլեյն ասում է Քրիստինին, որ գտել է իր կոճակը, և ցանկանում է, որ նա այն կարի: Քրիստինը հասկանում է, որ խառնել է ծրարները: Պարզվում է, որ նա Սիլվիայի բերանն է մտցրել կոպեկով ծրարը: Սարսափի մեջ ընկնելով նա հետ է գնում և ընկնում երկաթուղային գծի վրա: Մոտենում է գնացքը, և վախեցած Քլեյը մեկնում է ձեռքը Քրիստինին, սակայն մինչ գնացքը մոտենում է, առաջանում է հրե փոս, որից դուրս են գալիս ձեռքեր, որոնք նրան դժոխք են տանում առհավետ:

Դերերում[խմբագրել | խմբագրել կոդը]

Մրցանակներ[խմբագրել | խմբագրել կոդը]

  • «Սատուրն» մրցանակ (2010) «Լավագույն սարսափ ֆիլմ» անվանակարգում:

Ծանոթագրություններ[խմբագրել | խմբագրել կոդը]