Քարավանը (caravan), ճամփորդական կցորդիչը (travel trailer), քեմփերը (camper), տուրիստական կցորդիչը (tourer) կամ ճամբարային կցորդիչը (camper trailer) կցորդիչ է, որը քարշ է տրվում մեքենայի կողմից՝ ապահովելով քնելու վայր, որը ավելի հարմարավետ և պաշտպանված է, քան վրանն է (չնայած գոյություն ունեն նաև ծալվող կցորդիչ-վրաններ)։[1][2] Այն հնարավորություն է տալիս մարդկանց ունենալ իրենց սեփական տունը ճամփորդության կամ արձակուրդի ընթացքում՝ առանց հյուրանոցից կամ մոթելից կախված լինելու։ Բացի այդ, թույլ է տալիս մնալ այն վայրերում, որտեղ գիշերակացի այլընտրանքներ պարզապես չկան։ Սակայն որոշ երկրներում քեմփերները սահմանափակված են հատուկ նշանակված վայրերով, որոնց համար պետք է վճարել։
Քարավանները կարող են տարբեր լինել՝ սկսած ամենապարզ մոդելներից, որոնք կարող են լինել պարզապես անիվների վրա վրաններ, մինչև մոդելներ, որոնք ունեն մի քանի սենյակ՝ կահույքով, ինտերիերով և տան համար անհրաժեշտ սարքավորումներով։ Միշտ պինդ պատերով կցորդիչների կառուցումը կարող է կատարվել մետաղից կամ ապակեպլաստից (ֆայբերգլասից)։ Ճամփորդական կցորդիչները հիմնականում օգտագործվում են Հյուսիսային Ամերիկայում, Եվրոպայում, Ավստրալիայում և Նոր Զելանդիայում։[3][4]
