Քայլ առ քայլ

Քայլ առ քայլ
Երկիր	Ռուսաստան
Ռեժիսոր	Էդուարդ Ռաձյուկևիչ
Գլխավոր; դերերում	Aleksei Maklakov? և Galina Danilova?
Պրոդյուսեր	Ալեքսանդր Ակոպով, Վյաչեսլավ Մուրուգով և Ալեքսանդր Ռոդնյանսկի
Եթերաշրջանների քանակ	2
Սերիաների քանակ	40
Էկրաններին է	հունվարի 19, 2008-ից օգոստոսի 16, 2009-ը
Հեռուստաալիք	ՍՏՍ (հեռուստաընկերություն) և Նոր ալիք

Քայլ առ քայլ (ռուս.՝ Шаг за шагом), 2008 թվականի 40 սերիանոց ռուսական հեռուստասերիալ-սիթքոմ։ Սերիալի ցուցադրումը սկսվել է 2008 թվականի հունվարի 19-ին СТС հեռուստաալիքով^[1]։ Բայց սերիալը չի հավաքել բավական ցուցանիշ, դրա պատճառով դադարեցրել են ցուցադրումը։ Սերիալի պրեմիերան կայացել է СТС հեռուստաալիքի եթերում 2009 թվականի հուլիսի 12-ին^[2]։

Արտադրություն[խմբագրել | խմբագրել կոդը]

Սերիալի նկարահանումները սկսել են 2007 թվականի հուլիսին^[3] և ավարտվել նույն թվականի նոյեմբերին^[4]։ Սերիալը նկարահանել է «Амедиа» ընկերությունը։

Սյուժե[խմբագրել | խմբագրել կոդը]

Շինարար Վիկտոր Մելնիկովը գրեթե 40 տարեկան է։ Նա չունի կին, բայց ունի երեք երեխա՝ Դմիտրի (Միտյա), Եվգենիա և Իլյա։

Եկատերինա Անդրոսովին նույնպես չունի ամուսին, բայց ունի երեք երեխա՝ Դինա, Կարինա, Անատոլի (Տոլյա)։

Վիկտորը և Կատյան գնում են առողջարան՝ Սոչի, որտեղ իրենց սովորական ընկերությունը դառնում է սեր և ավարտվում է Կատյայի չորսենյականոց տանը, որը նրան իր ամուսինն է թողել ամուսնալուծությունից հետո։

Երեխաները հենց առաջին վայրկյանից սկսում են կռվել։ Ավագ երեխաները Դմիտրին և Դինան մի դպրոցից են և ընդհանրապես ուրախ չեն, որ միասին պետք է ապրեն։ Եվգենիան հինգ րոպեից հետո ծանոթանում է Կարինայի հետ, բայց երկու րոպեից հետո կռվում։ Միայն Իլյան և Անատոլին են, որ իրար հետ ընդհանուր լեզու են գտնում ու նրանց ձեռքին քիչ է մնում տունը վառեն։

Երեխաների նման պահվածքի պատճառով ընտանիքը շատ խնդիրներ է ունենում, բայց միայն սերն է, որ միացնում ու լուծում է բոլոր խնդիրները։