Փոքրիկ սև զգեստ

Վիքիպեդիայից՝ ազատ հանրագիտարանից
Jump to navigation Jump to search
Gotsiy3edit2.jpg

Փոքրիկ սև զգեստ, կոկտեյլային կամ երեկոյան սև գույնի զգեստների տեսակներից է, երկարությունը՝ մինչև ծունկ, որը կարելի է հագնվել ոչ միայն աշխատավայրում, այլև հանդիսավոր ընդունելության ժամանակ, լրացնելով զգեստը հագուստի պարագաներով:

Փոքրիկ սև զգեստը հնարել է Կոկո Շանելը 1926 թվականին ի հիշատակ մահացած սիրեցյալի: Մինչ այդ, սև գույնը ասոցացվում էր սգի հետ, բայց փոքրիկ սև զգեստի գալուստով հայտնի դարձավ: Շանելիի ստեղծած զգեստը ծածկում էր ծնկերը, քանի որ նա ծնկները համարում էր կանանց մարմնի ամենատգեղ մասը: Այն նաև տարբերվում էր պարզ կտրվածքով, երկար նեղ թևերով և ավելցուկների բացակայությամբ, ինչպիսիք են ծայրերը, կոճակները: Ամեն մի կին կարող էր իրեն թույլ տալ փոքրիկ սև զգեստ, նույնիսկ ցածր եկամուտով, այսպիսի հագուստ ունենալով հնարավոր է ստեղծել բազմաթիվ համադրություն պարագաների օգնությամբ և ամեն անգամ տարբեր տեսք ունենալ:

Հագուստի ժամանակակից տարբերակը զգալիորեն տարբերվում է դասականից: Փոքրիկ սև զգեստը ներկա է բազմաթիվ նորաձևության դիզայներների հավաքածուներում:

Ամենահայտնի փոքր սև զգեստներից մեկը Հուբերտ Զիվանշիի պարզ հագուստն է, որը կրում էր Օդրի Հեփբերնի հերոսուհին, «Նախաճաշ Թիֆանիի մոտ» ֆիլմում (1961):

2009 թվականին, ներշնչված փոքրիկ սև զգեստի կերպարից, պարֆյումեր Տերրի Վասերն ստեղծեց նույնանուն բուրմունք «La Petite Robe Noire» Guerlain նորաձևության տան համար[1]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]