Փիրուզ (զինագործ)
Անվան այլ կիրառումների համար տե՛ս՝ Փիրուզ (այլ կիրառումներ)
| Փիրուզ | |
|---|---|
| Քաղաքացիություն |  Սելջուկյան սուլթանություն |
| Կրոն | իսլամ |
| Մասնագիտություն | զինագործ և ռազմական գործիչ |
Փիրուզ, մեծահարուստ հայ զինագործ, ի սկզբանե եղել է քրիստոնյա, սակայն Անտիոքի կառավարիչ՝ Յաղի-Սիանի ճնշման ներքո ընդունել է իսլամ[1]։ Առաջին խաչակրաց արշավանքի ընթացքում Յաղի-Սիանի սելջուկյան կառավարությունում զբաղեցրել է բարձր պաշտոն, իսկ Անտիոքի պաշարման ժամանակ եղել է է Երկու քրոջ աշտարակի կայազորի հրամանատարը[2]։ Այն բանից հետո, երբ Յաղի-Սիանը խլում է Փիրուզի ունեցվածքը, իսկ վերջինս իմանում է, որ իր կինը իրեն դավաճանում է Յաղիի հետ, իր լրտեսական ծառայություններն է առաջարկում խաչակիրների առաջնորդներից՝ Բոհեմունդ I-ին։ Բոհեմունդը Փիրուզին առաջարկում է հարստություններ և անվտանգության երաշխիք օգնության դիմաց[3]։ Փիրուզը վրեժով լցված համաձայնվում է[4]։ Հունիսի 3-ի գիշերը Փիրուզը իր վերահսկողության տակ գտնվող աշտարակից աստիճան է բաց թողնում Բոհեմունդի զորքերի համար, այսպիսով խաչակիրները ներխուժում են քաղաք և բացում են դարպասները։ Այս իրադարձությունը առանցքային նշանակություն ունեցավ ողջ արշավանքի համար։
Ծանոթագրություններ[խմբագրել | խմբագրել կոդը]
- ↑ The Moslem World, Volume 58, pg.63, Samuel Marinus Zwemer, Christian Literature Society for India, Hartford Seminary Foundation, Published for the Nile Mission Press by the Christian Literature Society for India, 1911
- ↑ The complete idiot's guide to the Crusades By Paul L. Williams, pg. 73
- ↑ The far-farers: a journey from Viking Iceland to Crusader Jerusalem, Vol 2003, Part 2, pg. 459, by Victoria Clark
- ↑ The Crusades, by Antony Bridge, pg. 314