Փարիզի երաժշտության թանգարան

Փարիզի երաժշտության թանգարան
Տեսակ	թանգարան, պատկերասրահ և երաժշտական գործիքների թանգարան
Երկիր	Ֆրանսիա
Տեղագրություն	Pont-de-Flandre? և Quartier de la Villette?
Մասն է	Cité de la musique?
Ղեկավարության նստավայր	Փարիզ, Ֆրանսիա
Այցելուներ	413 029 մարդ (2019)
Կայք	philharmoniedeparis.fr/fr/musee-de-la-musique(ֆր.)

Երաժշտության թանգարան (ֆրանսերեն՝ Musée de la musique), երաժշտական գործիքների պետական թանգարան Փարիզում։ Թանգարանի հավաքածուի հիմքն է հանդիսացել Փարիզի կոնսերվատորիայի երաժշտական գործիքների հավաքածուն։ Այստեղ հիմնականում գործիքներ են դասական և հանրաճանաչ երաժշտություն նվագելու համար` իտալական լյուտնյաներ և ջութակներ (Ստրադիվարի, Գվարների, Ամատի), ֆրանսիական և ֆլամանդական կլավեսիններ, «Erard» և «Pleyel» մակնիշների ֆրանսիական դաշնամուր, Ադոլֆ Սաքսի գործիքներ։

Երաժշտական գործիքները ներկայացված են ըստ դարաշրջանների և կատեգորիաների։ Թանգարանի մուտքի մոտ տրվում են աուդիոականջակալներ, որոնք հնարավորություն են տալիս լսել ցուցասրահում ներկայացված երաժշտական գործիքներով կատարվող երաժշտություններ։

Երաժշտության թանգարանը հանդիսանում է փարիզյան երաժշտաքաղաքի մի մասը, որը միավորում է Փարիզի 19-րդ շրջանի Լա-Վիլլետ կվարտալի երաժշտական հաստատությունները։

Երաժշտաքաղաքի ճարտարապետն է Քրիստիան դե Պորտզամպարկը, այն հանդիսավոր բացվել է 1995 թվականին։