Փարիզի դրամահատարան

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Փարիզի դրամահատարան
Monnaie de Paris.jpg
Տեսակդրամահատարան
ԵրկիրFlag of France.svg Ֆրանսիա
ՏեղագրությունՓարիզ
Փողոցquai de Conti?
ՍեփականատերAgence des participations de l'État?
ՀիմնադիրԿառլ II Ճաղատ
Կոորդինատներ: 48°51′23.7900000988″ հս․ լ. 2°20′20.520000099881″ ավ. ե. / 48.856608333360775° հս․. լ. 2.33903333336107799° ավ. ե. / 48.856608333360775; 2.33903333336107799
Պաշտոնական կայք

Փարիզի դրամահատարան (ֆր.՝ Monnaie de Paris), պետական արդյունաբերական և առևտրային ձեռնարկություն է՝ ստեղծված Ֆրանսիայի ազգային արժույթի արտադրության համար: Հիմնադրվելով 864 թվականին, այն հանդիսանում է աշխարհի ամենահին պետական ձեռնարկությունը[1]:

Մինչև 2007 թվականը դրամահատարանը գտնվում էր Էկոնոմիկայի, ֆինանսների և արդյունաբերության նախարարության կազմում: Փարիզի դրամահատարանը ինքնուրույնություն ձեռք բերեց և իրավաբանական անձի կարգավիճակ ստացավ № 2006—1666 օրենքի հիման վրա[2]:

Դրամահատարանի շենքի մուտքը մերձափնյա Կոնտիում Փարիզի 6-րդ թաղամասում, որտեղ գտնվում է Փարիզի դրամահատարանի թանգարանը Փարիզի դրամահատարանը

Փարիզի դրամահատարանը ներկայումս ունի 500 աշխատող[3], ովքեր աշխատում են երկու շենքերում՝ Hôtel de la Monnaie (աշխատակիցների 55%) և Ժիրոնդում տեղակայված ընկերությունը (աշխատողների 45%):

Փարիզի դրամահատարանի աշխատանքային կանոնները ներկայացված են Դրամավարկային օրենսգրքի 121-3 Լ. հոդվածում: Պետության անունից նրան իրավունք է վերապահված Ֆրանսիայի դրամային նշաններ թողարկել:

Այն նաև զբաղվում է առևտրային գործունեությամբ տարբեր ոլորտներում.

  • Հուշադրամների, մետաղադրամների, մեդալների և գերազանցության նշանների արտադրություն և վաճառք
  • Փարիզի դրամահատարանի առևտրային ապրանքանիշի ներքո արվեստի և ոսկերչական իրերի արտադրություն
  • Փարիզի դրամահատարանի թանգարանի կառավարում և դրամահատարանի սպասարկում (մեդալների հատուկ թողարկում և այլ ծառայություններ)
  • Ապօրինի ապրանքանիշերի կեղծարարության դեմ պայքար և երաշխիքով դրամահատարանի առևտրային ապրանքանիշով արտադրանքի թողարկում

Ժիրոնդի դեպարտամենտում է գտնվում ազգային եվրոյի թղթադրամների իսկության ստուգման Ազգային կենտրոնը (CNAC) (Եվրոպական տեխնիկական և գիտական կենտրոն), որը նաև վերլուծում և դասակարգում է ամբողջ Եվրոպայում կեղծ եվրոյի մի մասը: Այս կենտրոնը խարդախության դեմ պայքարի և կեղծ արժույթի դեմ պայքարի անդամ-պետությունների տեխնիկական համակարգման եվրոպական ծրագրի մի մասն է:

Պատմություն[խմբագրել | խմբագրել կոդը]

Փարիզի դրամահատարանը հիմնադրվել է 864 թվականին թագավոր Կառլոս 2-րդ Ճաղատի հրամանով, այն ֆրանսիական ամենահին հաստատություններից մեկն է[4]: 1358 թվականից ստեղծվել է դրամային համակարգ, որը գոյություն է ունեցել մինչև 1879 թվականը:

Փարիզի դրամահատարանը Ֆինանսների նախարարությանն է միացել վանդեմյերի IV տարվա (1796 թվականի սեպտեմբերի) թիվ 22 և 23 օրենքներով: 1879 թվականի հուլիսի 31-ի և նոյեմբերի 20-ի օրենքներով որոշվեց, որ մետաղադրամների արտադրությունն իրականացվելու է բացառապես պետության հաշվին: 1848 թվականի հունիսից մինչև 1876 թվականը Անատոլ Հուլոտը (Anatole Hulot), գլխավոր փորագրիչ Ժան-Ժակ-Բարրեի տեղակալը, ստեղծեց դրամահատարանում ֆրանսիական առաջին փոստային նամականիշերի արտադրության համար նախատեսված արտադրամաս:

1973 թվականին, դրամահատարանի երկրորդ շենքը կառուցվեց Ժիրոնդի դեպարտամենտում, նոր գործարան, որտեղ իրականացվում էին շրջանառության և հավաքորդների համար արտադրվող մետաղադրամների արտադրության բոլոր փուլերը: 1998 թվականից այս գործարանում արտադրվել է ութ տեսակի եվրոյի մետաղադրամ: Փարիզի դրամահատարանը շահել է Certification QSE հավաստագրման մրցույթը:

1880 թվականից սկսած դրամահատարանի տարբերանշանը եղել է առատության եղջյուրը[5]: Նույնիսկ երբեմն մետաղադրամների վրա տնօրենի նշանն է դրվում: Այսպիսի նշան 1994-2000 թվականներին եղել է մեղու, 2001-2002 թվականներին՝ պայտ, 2003 թվականին դրոշմվում էր սիրտ՝ «L» և «S» տառերով, 2004-2010 թվականներին՝ ֆրանսիական եղջյուր՝ ներսում ալիքներ, և 2011 թվականի հունվարից տարբերանշան դարձավ հնգանկյունը՝ «AG» (Atelier de Gravure), «MP» (Monnaie de Paris et Pessac) 7 «YS» (Yves Sampo) մակագրություններով[5]:

Փարիզի դրամահատարան թվերով[խմբագրել | խմբագրել կոդը]

2009 թվականին շահույթը կազմել է 126 միլիոն եվրո: Դրամահատարանը տարեկան արտադրում է շուրջ մեկ միլիարդ մետաղադրամ (հավաքածուների համար արտադրանքը և ոսկերչական իրերը կազմում են շրջանառության 20 տոկոսը)[6].:

Նախագահ և գործադիր տնօրեն[խմբագրել | խմբագրել կոդը]

2007 թվականի ապրիլ. Քրիստոֆ Բո (Christophe Beaux)[7]

Ծանոթագրություններ[խմբագրել | խմբագրել կոդը]

  1. [Dov Zérah, La Monnaie de Paris : 12 siècles d'Histoire, Le Cherche Midi, 7 août 2006 «Dov Zérah, La Monnaie de Paris : 12 siècles d'Histoire, Le Cherche Midi, 7 août 2006»]։ isbn=2-7491-0822-5։ Վերցված է 2011-11-21 
  2. «Loi du 21 décembre 2006, art. 36»։ www.legifrance.gouv.fr։ Վերցված է 2011-11-21 
  3. Le Monde du mardi 9 février 2010, Economie p.6
  4. «Histoire de la Monnaie de Paris»։ Արխիվացված է օրիգինալից 2011-03-12-ին։ Վերցված է 2012-05-01 
  5. 5,0 5,1 «Знаки на монетах евро Франции»։ сайт www.euro-coins.info։ Արխիվացված է օրիգինալից 2012-05-21-ին։ Վերցված է 2011-11-21 
  6. Christophe Beaux, La Monnaie de Paris, émission Masse critique sur France Culture, le 13 février 2011
  7. Décret du 23 avril 2007 portant nomination du président-directeur général de La Monnaie de Paris — M. Beaux (Christophe) publié au Journal officiel de la République française du 24 avril 2007.


Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]