Փարիզի առողջապահության թանգարան

Վիքիպեդիայից՝ ազատ հանրագիտարանից
Jump to navigation Jump to search
Փարիզի առողջապահության թանգարան
Musée de l'Assistance Publique.JPG
Տեսակթանգարան
ԵրկիրFlag of France.svg Ֆրանսիա
ՏեղագրությունՓարիզ
ՎայրQ3145903?[1]
Հիմնադրված է1934
Կոորդինատներ: 48°51′2″ հս․ լ. 2°21′7″ ավ. ե. / 48.85056° հս․. լ. 2.35194° ավ. ե. / 48.85056; 2.35194
Կայքaphp.fr/musee

Փարիզի առողջապահության թանգարան, ուսումնասիրում է բժշկական հաստատությունների էվոլյուցիան և բուժման գործընթացը միջին դարերից մինչև մեր օրերը: Դեռևս 19-րդ դարում Փարիզի հիվանդանոցների ադմինիստրացիան ուշադրություն դարձրեց հիվանդանոցների ավանդական աքսեսուարների վերացմանը (արդյունաբերական հեղաշրջումն արմատապես փոխեց արտադրությունը): Կենցաղային առարկաների անհետացումը (դեղատնային սպասք և այլն) կազմեցին ապագա հավաքածուի սկիզբը: Թանգարանը պաշտոնապես բացվեց 1934 թվականին:

Հավաքածու[խմբագրել | խմբագրել կոդը]

Հավաքածուն պարունակում է մոտ 10 000 նմուշ` նկարներ, քանդակներ, փորագրություններ և պատկերներ, բժշկական գործիքներ և այլ առարկաներ` կապված բժշկական կրթական հաստատությունների և հիվանդանոցների գործունեության տարբեր ոլորտների հետ:

Փարիզի հիվանդանոցների պատմությունը առաջին հերթին ուսումնասիրվում է կրոնականից աշխարհիկ էվոլյուցիայի համատեքստում: Զուգահեռ բացահայտվում է բժշկագիտության զարգացման թեման` մարդկային օրգանիզմի կառուցվածքը, բժշկի մասնագիտության ստեղծումը:

1-ին սրահ: Եկեղեցին որպես առաջին հիվանդանոցների հիմնադիր[խմբագրել | խմբագրել կոդը]

Դեռ միջին դարերում եկեղեցին հիմնել է փարիզյան առաջին հիվանդանոցները: Մինչև 20-րդ դարի սկիզբ եկեղեցին էական ազդեցություն է ունեցել քաղաքային հիվանդանոցների ձևավորման վրա և միայն 1905 թվականի օրենքը, որն առանձնացնում էր եկեղեցին և պետությունը, քանդեց այդ դարավոր կապը` ստիպելով միանձնուհիներին լքել հիվանդանոցները:

2-րդ սրահ: Լքված երեխաներ[խմբագրել | խմբագրել կոդը]

19-րդ դարը ներառյալ , երբ Փարզում սկսեցին գործարկել ընտանիքի պլանավորման առաջին սոցիալական ծրագրերը, լքված երեխաների հոգսն ընկած էր եկեղեցու վրա: Լքված երեխաների մեծ քանակը բացատրվում էր ինչպես հասարակության աղքատությամբ, այնպես էլ այն ժամանակ տիրող կրոնական բարոյականությամբ:

3-րդ սրահ: Հիվանդանոց աղքատների համար[խմբագրել | խմբագրել կոդը]

Աղքատության միջնադարյան ռոմանտիկ պատկերացումը (տես, օրինակ, Ֆրանցիսկ Ասսիզեցի) 18-րդ դարում դառնում է ավելի պրագմատիկ. աղքատությունը (հիգիենայի բացակայությունը) հանգեցնում է համաճարակների, սոցիալական ցնցումների, անկարգությունների: Կենտրոնական իշխանությունն աստիճանաբար սկսում է միջոցներ ձեռնարկել աղքատության դեմ պայքարելու համար, մասնավորապես աղքատներին բուժելու համար:

4-րդ սրահ: Հիվանդանոցային ադմինիստրացիայի էվոլյուցիա[խմբագրել | խմբագրել կոդը]

18-րդ դարում իշխանությունը նոր վերաբերմունք է սկսում դրսևորել աղքատների հանդեպ: Համապատասխանաբար փոխվում է նաև հիվանդանոցների դերը: Ֆրանսիական հեղափոխությունը միայն արագացնում է այդ գործընթացը` սկսելով պետության և եկեղեցու առանձնացումից, հիվանդանոցների հսկողությունը հանձնելով պետությանը: Սակայն առկա վարչական կառուցվածքները պատրաստ չէին այդ փոփոխություններին:

5-րդ սրահ: Բժշկական տեխնիկա[խմբագրել | խմբագրել կոդը]

19-րդ դարը հասարակության սոցիալական կառուցվածքում խոշոր փոփոխություններ է բերում: Արդյունաբերական հեղափոխությունը զուգահեռ առաջ է տանում բժշկագիտությունը: Բացվում են նոր հիվանդանոցներ, իսկ գոյություն ունեցողները մասնագիտացվում են:

Պիեր Ֆոշարի թանգարան[խմբագրել | խմբագրել կոդը]

2003 թվականի ժամանակակից ատամնաբուժական գիտության «հայր» Պիեր Ֆոշարի (ֆր.՝ Pierre Fauchard; 1678—1761) ստոմատոլոգիական թանգարանի հավաքածուն դառնում է առողջապահության թանգարանի մի մասը:

Հավաքածուի պատմությունը սկիզբ է առնում 1879 թվականից, երբ հինգ երիտասարդ ատամնաբույժներ հիմնադրում են «Ատամնաբույժների փարզյան խումբը» (ֆր.՝ Cercle des Dentistes de Paris): Հաջորդ տարի նրանք հիմնադրում են ատամնաբույժների ֆրանսիական առաջին դպրոցը, իսկ նրա մոտ` գրադարան ու թանգարան: Թանգարանի հիմնական նպատակը մանկավարժական էր: 1892 թվականին թանգարանն ուներ 300 ցուցանմուշ` ատամներ, ծնոտներ, պրոթեզներ, ատամնաբուժական ժամանակակից և պատմական գործիքներ:

1998 թվականին փարիզյան դպրոցի (ֆր.՝ Société de l'Ecole Dentaire de Paris) լուծարումից հետո թանգարանն ու գրադարանը փոխանցվեցին Փարիզի առողջապահության վարչությանը: 2004 թվականի գրադարանի պահպանությունը հանձնվեց Փարիզի միջազգային բժշկական գրադարանին (ֆր.՝ Bibliothèque Interuniversitaire de Médecine), իսկ թանգարանի հավաքածուն մտավ առողջապահության թանգարանի կազմի մեջ:

Ներկայումս Պիեր Ֆոշարի թանգարանի հավաքածուի առարկաները մտցվել են առողջապահության թանգարանի կատալոգ, սակայն չեն ցուցադրվում լայն հասարակության համար:

Գործնական տեղեկատու[խմբագրել | խմբագրել կոդը]

Թանգարանը գտնվում է Փարիզի 5-րդ շրջանում, մետրոյի մոտակա կայարաններն են` Saint-Michel, Cité և Maubert-Mutualité:

Հասցե` 47, quai de la Tournelle, 75005 Paris.

Աշխատանքային օրեր և ժամեր` երեքշաբթիից կիրակի, 10:00 — 18:00:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]