Փանկ

Փանկ
Ծագման վայր և ժամանակաշրջան՝	1960-ականներ և 1970-ականներ
Ծաղկման ժամանակաշրջան՝	1970-ականներ, 1980-ականներ
Ուղղություն՝	երաժշտական, քաղաքական
Տարածում՝	ողջ աշխարհ
Գաղափարախոսություն՝	{{{գաղափարախոսություն}}}
Բնորոշ տարրեր՝
Փանկ ռոք DIY Հարդքոր փանկ

Փանկ, փանկեր (անգլ.՝ punk, խոսակցականում` «խուլիգան», «կալանավոր», «անպետք»), ենթամշակույթ, որը ձևավորվել է 1960-ական թվականների վերջին և 1970-ական թվականների սկզբին Մեծ Բրիտանիայում, ԱՄՆ-ում, Կանադայում և Ավստրալիայում։ Ներկայումս այն բաժանված է սթրիթ-փանկի, կրաստ-փանկի, անարխո-փանկի և պարզապես փանկի, որը միավորում է շարժման բոլոր ենթատիպերի տարրերը։

Այնպիսի խմբերը, ինչպիսիք են՝ Ramones-ը և Sex Pistols-ը, համարվում են առաջին խմբերը, որոնք նվագել են փանկ-ռոք ոճի երաժշտություն: Հայտնի ամերիկացի նկարիչ Էնդի Ուորհոլի և նրա արտադրած Velvet Underground խմբի անունը սերտորեն կապված է փանկ-ռոքի հետ. նրանց մենակատար Լու Ռիդը համարվում է ալտերնատիվ ռոքի հիմնադիրը, շարժում, որը սերտորեն կապված է փանկ ռոքի հետ:

Ստուգաբանություն

Համատեքստից, կախված իմաստներից, կարող են լինել պարզապես «սրիկա», «չարագործ» կամ «ապականիչ», մնացած բոլոր դեպքերում՝ որպես հուզական անպարկեշտ արտահայտություն։ Փողոցային ժարգոնով այսպես էին անվանում մարմնավաճառներին։ Հենց այդ իմաստով է «փանկ» բառը հայտնվում Ուիլյամ Շեքսպիրի «Սահմանը Սահմանին» պիեսում:

Ծագումներ և ազդեցություններ

Փանկը ծագել է 1960-ականներին, երբ The Beatles-ի և The Rolling Stones-ի ազդեցության տակ բազմաթիվ երիտասարդական խմբեր սկսեցին հայտնվել ռոքնռոլի կատարմամբ։

Համեմատաբար անմշակ և կոշտ (raw) ձայն, որը հիմնված է ընդամենը մի քանի ակորդների վրա, կարելի է գտնել դարաշրջանի դասական ստեղծագործություններում, ինչպիսին է The Kinks-ի «You Really Got Me»-ը: Իրական Փանկի հիմնդաիրը Նյու Յորքի The Ramones խումբն էր: Նրանք առաջինն էին, որ սկսեցին դասակարգել իրենց որպես փանկեր, ստեղծեցին արտաքին և երգեցողության ոճ։ 1960-ականների վերջերին ամերիկյան The Stooges խումբը սկսել է մշակել պարզունակ հնչողություն բեմում գռեհիկ պահվածքի հետ միասին։ Նրանց առաջնորդ Իգի Փոփը մերժում էր երաժշտական ​​նրբագեղությունը, գնահատում էր ռոքնռոլի անզուսպ մղումը, համերգներին ելույթ էր ունենում իր արյան մեջ ողողված և ավարտում էր իր բեմական ցնցումները՝ «սուզվելով» հանդիսատեսների ամբոխի մեջ:

1970 թվականին Black Sabbath հարդ-ռոք խումբը գրել է "Paranoid" երգը (համանուն ալբոմում), որը երաժշտական առումով պարզվեց, որ դա տիպիկ փանկ ռոք է, նույնիսկ նախքան փանկ ռոքը անկախ ժանր դառնալը: Մտահղացումների առումով նույն ալբոմի «War Pigs» երգը դարձավ «փանկային»։

Փանկ շարժման և բիթնիկների նախորդ սերնդի միջև կապի դեր է եղել «փանկ շարժման կնքամայր» Փաթի Սմիթը։

Ամերիկացի երաժիշտ և հասարակական ակտիվիստ Էդ Սանդերսը, ով կարևոր դեր է խաղացել հակամշակույթի զարգացման մեջ, հարցազրույցներից մեկում հայտարարել է, որ փանկերը մեծացել են «լյումպեն հիպիներից»։

Գաղափարախոսություն

Փանկերը տարբեր քաղաքական հայացքներ ունեն, բայց մեծ մասը սոցիալապես ուղղված գաղափարախոսությունների և պրոգրեսիվիզմի հետևորդներ են: Ընդհանուր տեսակետները ներառում են անձնական ազատության և լիակատար անկախության ցանկությունը (ինդիվիդուալիզմ), նոնկոնֆորմիզմը, «չվաճառվել», «ինքդ քեզ վրա հույս դնելու» սկզբունքները (DIY - Do it yourself «Ստեղծիր ինքդ») և «ուղիղ գործողությունների» սկզբունքը (direct action): Փանկերը սովորաբար հակադրվում են ավտորիտարիզմի, հայրականիզմի և իսթեբլիշմենտի ցանկացած ձևի: Փանկ քաղաքականության այլ ուղղություններն են՝ նիհիլիզմը, անարխիզմը, քաոսիզմը, սոցիալիզմը, հակաավտորիտարիզմը, հակապատեռնալիզմը, հակաէստբլիշմենտը, հակամիլիտարիզմը, պացիֆիզմը, հակակապիտալիզմը, հակասպառողականությունը, հակառասիզմը, հակասեքսիզմը, հակաազգայնականությունը, հակաֆաշիզմը, հակաէյջիզմը:

Որոշ փանկեր պահպանողական են իրենց հայացքներում կամ ապաքաղաքական։

Ֆենզիններ

Փանկ մշակույթը զգալի քանակությամբ պոեզիա և արձակ է տվել: Նշանավոր փանկ բանաստեղծներից են Փաթի Սմիթը, Ռիչարդ Հելլը, Ջոն Քլարկը, «The Medway Poets» ասոցիացիան և Ջիմ Քերոլը, որոնց ինքնակենսագրական ստեղծագործությունները համարվում են փանկ արձակի առաջին օրինակները։

Հրապարակվել են բավականին շատ ֆենզիններ (punk-zines), որոնցից հարկ է նշել Maximum Rock-n-Roll, Punk Planet, CometBus, Flipside, Search and Destroy։ Այս հրապարակումներից առաջինը Punk ամսագիրն էր, որը հիմնադրվել է 1975 թվականին Լեգս ՄակՆիլի, Ջոն Հոլստրոմի և Գեդ Դանի կողմից։

Փանկի մասին բազմաթիվ գեղարվեստական ​​և ոչ գեղարվեստական ​​գրքեր են գրվել։ «Փանկ» հասկացության հետ սերտորեն կապված են նաև այնպիսի գրական ժանրեր, ինչպիսիք են կիբերփանկը, դիզելփանկը և սթիմփանկը։

Փանկերի արտաքին տեսք

Փանկերի սանրվածք` մոհաք (mohawk)

Փանկերը առանձնանում են իրենց խայտաբղետ, էպատաժ իմիջով։

• Շատ փանկերն ներկում են իրենց մազերը վառ, անբնական գույներով, սանրում են դրանք և ամրացնում դրանք լաքով, բրիլիանտինով կամ գելով՝ ուղիղ կանգնելու համար: 1980-ականներին «մոհաք» սանրվածքը մոդայիկ դարձավ պանկերի շրջանում։ Նրանք հագնում են պատռված ջինսեր՝ խցկած ծանր կոշիկների մեջ կամ հետ ծալած ծանր կոշիկների տակ (Dr. Martens) և սպորտային կոշիկներ (Converse): Որոշ մարդիկ նախապես ներծծում են իրենց ջինսերը սպիտակեցնող լուծույթի մեջ՝ կարմրավուն բիծ ստանալու համար: Ramones խումբը սկսել է կրել սպորտային կոշիկներ, նրանք որդեգրել են այս ոճը մեքսիկացի փանկերից (նաև հայտնի են որպես «լատինոսներ»):
• Թեք Բաճկոն բազմաթիվ գամերով, նկարներով և կրծքանշաններով, ընդունվել է որպես ատրիբուտ 1950-ականներից, երբ ռոքերների և ռոքնռոլի մոտոցիկլետային ենթամշակույթը անբաժանելի բաղադրիչներ էին: Փանկերի առաջին ալիքը ձգտում էր վերադարձնել ռոք երաժշտության միտումնավոր քաջությունն ու մղումը, որը ժամանակի ընթացքում խլվել էր երաժշտության զանգվածային առևտրայնացման պատճառով:
• Հագուստի ոճում գերակշռում է «DEAD» ոճը, այսինքն՝ «մեռյալ ոճը»։ Փանկերը գանգեր ☠️ և սիմվոլներ են օգտագործում հագուստի և աքսեսուարների վրա:
• Փանկերը նաև կրում են ռոքերի ենթամշակույթների տարբեր ատրիբուտներ՝ ձեռնաշղթաներ, թևնոցներ (հիմնականում կաշվե, ցցերով, գամերով և շղթաներով և այլն), և հաճախ դրանք իրենք են պատրաստում։ Շատ փանկեր դաջվածքներ են անում:
• Փանկերը հաճախ կրում են պատռված, քայքայված ջինսեր։ Նրանք իրենց ջինսերին շղթաներ են կապում, ինչպես նաև ջինսերի վրա կարում են տարբեր կարկատաններ, օրինակ՝ իրենց սիրելի փանկ խմբերի տարբերանշաններով և քաղաքական կարգախոսներով:

Հարակից ենթամշակույթներ

• Մոդեր, փանկերի նախորդներն ու ժամանակակիցները։ Ազդեցություն են ունեցել փանկ ռոքի վրա։ Մոդերի երաժշտությունն է` սկան, սոուլը։
• Սթրեյթ Էդջեր, շարժում, որն առաջացել է 1980-ականների սկզբի ամերիկյան հարդքոր փանկ տեսարանից, որը բնութագրվում էր թմրանյութերի, ալկոհոլի և ծխախոտի, ինչպես նաև անառակ սեռական հարաբերությունների մերժմամբ:
• Բիթնիկներ։

Ենթամակույթներ փանկի շրջանակներում

Փանկի ենթամշակույթները բաղկացած են տարբեր ենթախմբերից, որոնք տարբերվում են միմյանցից իրենց մոտեցումներով, երաժշտությամբ և հագուստի ոճով։ Այս խմբերից ոմանք անտագոնիստ են միմյանց նկատմամբ, և լայնածավալ անհամաձայնություններ կան ավելի մեծ ենթամշակույթների հետ:

Ենթամշակույթ	Ծագումներ	Երաժշտություն	Գլխավոր խմբեր	Գաղափարախոսություն և լիրիկա	Ոճ
Անարխո-փանկ	1970-ականներ և 1980-ականներ Մեծ Բրիտանիա	Անարխիստական ​​փանկ ռոք	MDC, Crass, Conflict, Flux of Pink Indians, Subhumans,	Անարխիզմ և այլ քաղաքական և սոցիալական թեմաներ	Անարխիստական սիմվոլիկա, բարձր կոշիկներ, կեդեր, ինքնարար հագուստ, ներկած մազեր
Քելթիկ փանկ	1970-ականներ, Իռլանդիա և Մեծ Բրիտանիա	Փանկ ռոք, կելտական երաժշտություն, Oi!, կելտական ռոք	Dropkick Murphys, Flogging Molly, The Real McKenzies, The Pogues, Real Blackbeards	Շոտլանդական, իռլանդական կամ վալլիյական թեմաներ, տարբեր հոգևոր կամ սոցիալական հարցեր, ճաշկերույթի երգեր, սև հումոր, բանվոր դասակարգ	Փանկի և սկինհեդերի մշակույթի, կելտական ​​մշակութային ժառանգության ազդեցությունը
Կրաստ-փանկ	1980-ականների ավարտ և 1990-ականների սկիզբ, Անարխո-փանկ	Նման է գրայդքորի, D-beat-ի, անարխո-փանկի, հևի մետալի, հարդքորի տարրեր	Amebix, Doom, Nausea, Antisect	Անարխիզմ	Անարխիստական սիմվոլիկա, DIY հագուստ
Գոթական ռոք	1970-ականների ավարտ, գլեմ ռոք, փանկ ռոք, փսիխոդելիկ ռոք, հարդ ռոք	Պոստ փանկ, դարք վեյվ, գոթական ռոք, դետ ռոք	Siouxsie & The Banshees, Bauhaus, Joy Division, Sisters of Mercy, Christian Death, 45 Grave, The Cure, Killing Joke, Cocteau Twins	Սարսափ ֆիլմեր, նիհիլիզմ, օտարում, ապատիա	Սև հագուստ, պատռված ցանցային շապիկներ, մեյքափ, «մուգ գույնի մոհաքներ», Dr. Martens-ի կոշիկներ
Ֆոլկ փանկ	1970-ականների ավարտ Մեծ Բրիտանիա	Ֆոլկ երաժշտություն և փանկ ռոք	The Pogues, Attila the Stockbroker, Billy Bragg, Defiance, Ohio, The Levellers	Տարբեր թեմաներ, այդ թվում՝ ձախ քաղաքական հայացքներ	Տարբեր ոճեր, DIY-մոդա
Գլեմ-փանկ	1970-ականների սկիզբ, Միացյալ Նահանգների հյուսիս արևելք	Պրոտո փանկ, գլեմ ռոք	New York Dolls, Hanoi Rocks, D Generation	Էսթետիզմ, դենդիիզմ, նարցիսիզմ, նարկոտիկների կիրառումը որպես հանգստացնող միջոց	Մոդայիկ հագուստ, կոսմետիկա, ֆետիշներ
Ավտոտնակային փանկ	Դետրոյտ, ուշ 1980-ականներ, 1990-ականների սկիզբ, Ճապոնիա	Արագացրած ավտոտնակային ռոք, սյորֆ ռոքի, փաուեր փոփի, հարդքորի, փսիխոդելիկ ռոքի տարրեր	Guitar Wolf, New Bomb Turks, The (International) Noise Conspiracy, Гражданская оборона.	Բանվոր դասակարգ, «Back To Basics», անկախ լեյբլներ, ձախ գաղափարախոսություն, հուսահատություն, գործողության կոչ	Ռոք, փանկ և գրանժ ոճերի խառնուրդ
Հարդքոր փանկ	Վաղ 1980-ականներ, ներկա ժամանակին Հյուսիսային Ամերիկա և Մեծ Բրիտանիա	Փանկ ռոքի արագ և ծանր տարբերակներ	The Casualties,The Exploited, Black Flag, Circle Jerks, Dead Kennedys, D.O.A., Rattus, Agnostic Front, 7 Seconds, Crucifix, Bad Brains, Discharge, Kaaos, Minor Threat, NOFX	Տարբեր թեմաներ, երբեմն քաղաքական` հակապատերազմական, սոցիալական թեմաներ	«Բանվոր դասակարգի» հագուստ, սպորտային հագուստ (Adidas և նման այլ բրենդեր), կարճ սանրվածք (երբեմն դրեդներ)։ Թեք բաճկոներ, մոտոցիկլետների կոշիկներ, փամփշտակալներ։
Հորրոր փանկ	Ուշ 1970-ականներ, Նյու Ջերսի	Փանկ կամ հարդքոր, ռոքաբիլիայի, լիրիկայի կամ սարսափ ֆիլմերի տարրեր	The Misfits, The Undead, Wednesday 13, Կորոլ ի Շուտ	Սարսափ ֆիլմեր և Գիտական ֆանտաստիկա	Սև հագուստ, դիակային բծեր, դեվիլոք, կմախքներ։
Oi!	Փաբ ռոք, փանկ ռոք, «ֆուտբոլային ձայնարկություններ», 1970-ակաների ավարտ	Ստանդարտ (կիթառ+հարվածայիններ), միանգամյա կրկներգ, պարզեցված երաժշտություններ	Skrewdriver, Cock Sparrer, Cockney Rejects, Angelic Upstarts, The 4-Skins, The Blood, Sham 69, Los Fastidios.	Սոցիալիզմ, պոպուլիզմ, ֆուտբոլին առնչվող թեմաներ, բանվոր դասակարգ	1980-ականների բրիտանական պանկ և սափրագլուխ ոճ, Dr. Martens, տափակ կեպիներ, Levi Strauss & Co. ջինսեր, թեք բաճկոններ
Քրիստոնեական փանկ	1980-ականներ EE.UU. Լատինական Ամերիկա	Փանկ ռոք, Քրաստ փանկ, հարդքոր փանկ, մելոդիկո փանկ, անարկո փանկ, Oi.	Headnoise, Relient K, Officer Negative, Dios Kon Noxotrox	Նրանք շատ տարբեր են։ Նրանցից ոմանք ունեն Լև Տոլստոյի անարխիստական ​​դոկտրինան, մյուսները բանաստեղծական են, կան սոցիալական խնդիրների վերաբերյալ տեքստեր, ոմանք ավետարանական են՝ ռեալիստական ​​տեքստերով և կենտրոնացած են Քրիստոսի և Աստվածաշնչի վրա։	Փանկ և սկինհեդ մշակույթի ազդեցություն։
Փոփ փանկ	Ուշ 1970-ականներ, Մեծ Բրիտանիա	Փանկ ռոք փոփ երաժշտության տարբեր ժանրերի ազդեցություններով	Buzzcocks, Blink-182, The Queers, The Offspring, Sum41, Billy Talent, Avril Lavigne, Green Day, Simple Plan, Zebrahead	Քաղաքականություն, հարաբերություններ, սեքս, զուգարանային հումոր և այլն	Թեք բաճկոններ, կեդեր Chuck Taylor All-Stars, բեյսբոլի կեպիներ, փողկապներ, վանդակավոր վերնաշապիկներ
Queercore	1980-ականների կեսեր, ամերկական հարդքոր փանկ	Փանկ ոճերի շարք	God Is My Co-Pilot, Pansy Division, Team Dresch, Limp Wrist,	Սեռական փոքրամասնությունների իրավունքներ, գենդերային հավասարություն	Նմանություն հարդքոր փանկի հետ
Riot Grrrl	Վաղ 1990-ականներ Սիեթլ, Օլիմպիա, և վաշինգտոնյան հարդքոր փանկ	Ալտերնատիվ ռոքի ազդեցությամ փանկ	Bratmobile, Bikini Kill, Free Kitten, Sleater-Kinney, Hole	Ֆեմինիզմ, կանանց իրավունքները ժամանակակից հասարակության մեջ, կապեր ունի queercore-ի հետ	Կինդերհոր
Սկամ-փանկ	1990-ականներ, ամերիկյան փանկ և նկարիչների հարդքոր, shock rock, ինչպես Էլիս Քուփերը	Դիտավորյալ լղոզված և բարձր ձայն, ցածր երաժշտականությամբ	GG Allin, The Scumfucs, Antiseen	Տրանսգրեսիվ արվեստ, սեքսի, բռնության թեմաներ, տաբու թեմաներ
Սկա փանկ	1980-ականներ, Հյուսիսային Ամերիկա, Իսպանիա և Մեծ Բրիտանիա	Տիպիկ փանկ ռոք գումարած փողային գործիքներ, 2 Tone-ի, հարդքոր փանկի և փոփ փանկի ազդեցություն	The Mighty Mighty Bosstones, Ska-P, Operation Ivy, Rancid, Kemuri, Distemper, Less Than Jake	անտիռասիզմ, միասնություն (unity), անձնական լիրիկա	2 tone, փոփ փանկի, հարդքոր փանկի խառնուրդ և ազդեցություններ
Սքեյթ փանկ	Վաղ 1980-ականներ, Կալիֆոռնիա, սքեյթբորդինգ	Նմանություն հարդքոր փանկի, փոփ փանկի և սկա փանկի հետ, դրանց հիման վրա սքեյթ փանկ դինամիկ ժանրի առաջացում	JFA, Big Boys, Drunk Injuns, Septic Death, Pennywise, Diesel Boy, Good Riddance. Offspring Green Day	անտիավտորիտարիզմ, էքստրեմալ սպորտ	Sagging clothes, սքեյթերների հագուստ, trucker hats
Սյորֆ-փանկ	1980-ականներ, Կալիֆոռնիա, հարդքոր փանկ	Հարդքոր փանկ, Սյորֆ ռոք	Agent Orange, and others led the way for the surf punk movement.	Շրջակա միջավայր, օվկիանոս	Հագուստը տարբեր է, բայց մեծ մասը կրում է կարճ սանրվածքներ, կարճ շորտեր և սքեյի կոշիկներ
UK 82	1980-ականներ, Մեծ Բրիտանիա	Oi!-ի և հարդքորի տարրեր, արագացրած սաունդ	The Exploited, Charged GBH, The Varukers, Vice Squad	Բանվոր դասակարգ, աղքատ թաղամասի թեմաներ` քաղաքականություն	1980-ականների բրիտանական փանկերի ոճ
Hard Blood Shock	1980-ականներ, Հարավսլավիա	Փանկ ռոք բալկանյան էթիկայի տարրերով	Satan Panonski	Տաբու թեմաներ, միստիցիզմ, ​​էրոտիկա, համասեռականություն
Սիբիրյան փանկ	1980-ականներ, ԽՍՀՄ	Փանկ ռոք, որը սկսել է իր սկիզբը Ուրալից այն կողմ՝ ներկայիս Ռուսաստանի տարածքում	Գրաժդանսկայա օբորոնա, Եգոր Լետով, Կոմունիզմ, Инструкция по выживанию	Տեքստակենտրոնություն, արհամարհական վերաբերմունք փանկ ռոքի արտաքին ատրիբուտների և նրա կառնավալային գեղագիտության նկատմամբ, որը փոխարինվել է հիմարության գեղագիտությամբ, արմատական ​​հակատոտալիտարիզմով և փիլիսոփայական կողմնորոշմամբ, երաժշտական ​​առումով հաճախ «կեղտոտ», աղմկոտ ձայնով: 1980-ականների վերջին սիբիրյան փանկի բնորոշ գիծը դարձավ նաև ռուսական ֆոլկլորի նկատմամբ բաց լինելը, որոշակի «պոչվեննիկություն»:

Փանկից առաջացած ենթամշակույթներ

Որոշ ենթամշակույթներ սկզբում սերտորեն կապված են եղել փանկ ենթամշակույթի հետ, սակայն հետագայում դարձել են առանձին։

Ենթամշակույթ	Ծագումներ	Երաժշտություն	Գլխավոր խմբեր	Գաղափարախոսություն և լիրիկա	Մոդա
Գոթեր	Ուշ 1970-ականներ, բրիտանական պոստ փանկ և փանկ ռոք	Գոթական ռոք	Bauhaus, Joy Division, The Sisters of Mercy, Siouxsie & the Banshees, The Cure	Սարսափ ֆիլմեր, նիհիլիզմ, հուսահատություն, օտարում, մահվան պաշտամունքի ոգեշնչում և այլ «մութ» թեմաներ, մռայլ արտաքին տեսք	Սև հագուստ, ձեռնաշղթաներ, շղթաներ, վզկապներ։ Դեմքը հնարավորինս սպիտակեցված է, աչքերը գծված են սև մատիտով։
Գրայդքոր	Ուշ 1980-ականներ, ամերիկական հարդքոր փանկ և բրիտանական քրաստ փանկ	Գրայդքոր և դրա ածանցյալները	Napalm Death, Extreme Noise Terror, Carcass, Terrorizer	Ձախ և անարխիստական ​​հայացքներ, մահ, սեքս, սև կատակերգություն	Տարբեր ոճեր, ծանր մետալ ոճեր և այլն:
Գրանջ	1980-ականների կեսեր, Սիեթլ, Վաշինգտոն	Գրանջ, փոսթ գրանջ	Nirvana, Mudhoney, Soundgarden, Alice in Chains, Pearl Jam	Օտարում, հուսահատություն, նիհիլիզմ, անտիսեքսիզմ, X սերունդ	Անփույթ, ֆլանելային վերնաշապիկներ, պատռված ջինսեր, երկար մազեր, Converse կամ Dr. Martens
Հարդլայն	1980-ականների ավարտ/1990-ականներ, straight edge	Հարդքոր, Մետալքոր	Vegan Reich, Raid	Ավտորիտարիզմ, anti-abortion, heterosexism, վեգանություն, deep ecology, straight edge շարժում։ Դրանցից շատերը կապված են աբրահամական կրոնների, մասնավորապես՝ իսլամի և ռաստաֆարիականության հետ։	Տարբեր ոճերի, հիմնականում փանկ հարդքոր տեսակի հագուստ
Ինդի	1980-ականների կեսեր, ԱՄՆ, Մեծ Բրիտանիա	Ալտերնատիվ ռոք, Ավտոտնակային փանկ, Էքսպերիմենտալ ռոք, Գլիտչ, Պավեր փոփ	R.E.M., The Smiths, Sonic Youth, Pavement, The White Stripes	Անկախ պիտակներ, տարածաշրջանային բազմազանություն, grassroots fanbases	Տարբեր ոճեր
Mod revival	Ուշ 1970-ականներ, Մեծ Բրիտանիա	1960-ականների նորաձևության հետ կապված ժանրերի ազդեցությունը, 1970-ականների փանկ և փոփ փանկ պավեր փոփ	джем, Секретное дело, Пурпурные сердца	էսթետիզմ, նարցիսիզմ, էսկապիզմ (պար), երիտասարդության խնդիրներ, բանվոր դասակարգ, պոպուլիզմ	Կոստյումներ, զինվորական պարկաներ, Fred Perry և Ben Sherman, շապիկներ
Նոր ալիք	1970-ականների կեսեր, Նյու Յորք, Պրոտո փանկ	Նոր ալիք	Blondie, Elvis Costello, Talking Heads	Ավելի փոփ ուղղվածություն	Մեյնստրիմ հագուստ, բաճկոններ, փոփ արտի ազդեցություն
Սայքոբիլլի	1970-ականների ավարտ, ԱՄՆ, 1980-ականների սկիզբ, Մեծ Բրիտանիա	Փանկ ռոքի և ռոքաբիլիի խառնուրդ՝ բաս կիթառի փոխարեն կոնտրաբասով	The Cramps, The Meteors, Demented Are Go, Nekromantix	Рокабилли, темы из фильмов ужасов и научной фантастики Ռոքաբիլլի, սարսափ և գիտաֆանտաստիկ ֆիլմերի թեմաներ	Թեք բաճկոններ, ջինսեր, դաջվածքներ, 1950-ականների ոճ
Սթրեյթ էդջ	1980-ականներ, վաշինգտոնյան հարդքոր	Հարդքոր, հևի մետալ, metalcore, Hip-Hop some ինդի ռոք and Էմո	Fugazi, Youth of Today, Slapshot, Earth Crisis, Minor Threat	Լիակատար հրաժարվել թմրանյութերից, ալկոհոլից, ծխախոտից և սեռական անառակությունից:	Սպորտային հագուստ, կամուֆլյաժ շորտեր, X նշաններ ձեռքի երեսի վրա

Հղումներ արվեստում

Գրականությունում

• Լեգս Մաքնիլ և Ջիլլիան Մակքեյն. «Խնդրում եմ, սպանի՛ր ինձ»
• Մայքլ Տերներ. «Հարդ ռոքի զինանշան»
• Ֆրեդ և Ջուդի Վերմորել. «Sex Pistols: Իրական պատմություն»
• Կրեյգ Հարա. «Փանկ փիլիսոփայություն. ավելին, քան աղմուկը»
• Իլյա Ստոգով. «Մեղսավորներ» և «Անարխիա Ռուսաստանի Դաշնությունում»
• Դմիտրի Սպիրին. «Հիմար փանկ ռոք մտավորականների համար»
• Ջոն Քինգ. «Մարդկային փանկ»
• Հենրի Ռոլլինզ. «Երկաթ»
• Օլգա Աքսյուտինա. «Եթե ​​ես չեմ կարողանում պարել, դա իմ հեղափոխությունը չէ։! DIY փանկ/հարդքոր բեմ Ռուսաստանում»
• Ռիչարդ Հելլ. «Գնացինք»
• Ջո Մենո. «Բարձրացու ձայնը»
• Օլեգ Բոչարով. «Փանկ-հանրագիտարան»
• Կշիշտով Վարգա. «Տեկիլա»
• Անդրեիչ. «Անկյուն. Զրո տարեկան»

Կինեմատոգրաֆիայի մեջ

• 1977 — «Տարեդարձ» (Մեծ Բրիտանիա)
• 1984 — «Արվարձան» (ԱՄՆ)
• 1986 — «Սիդ և Նենսի» (Մեծ Բրիտանիա)
• 1998 — «Պանկ Սոլթ Լեյք Սիթիից» (ԱՄՆ)
• 2001 — «Ինչ անել հրդեհի ժամանակ» (Գերմանիա)
• 2001 — «Էնգել և Ջո» (Գերմանիա)
• 2002 — «Անարխիստի խոհարարական գիրք» (ԱՄՆ)
• 2013 — «CBGB ակումբ» (ԱՄՆ)
• 2017 — «Ռումբ-քաղաք» (ԱՄՆ)

Անիմե և մանգա

• Battle Angel անիմեում գործողությունները տեղի են ունենում մի քաղաքում, որտեղ ապրում են փանկերը և կիբորգները
• Nana անիմեում և մանգայում պատմում է Blast փանկ ռոք խմբի մասին: Նշվում է նաև «Sex Pistols»-ի մասին, իսկ գլխավոր հերոսներից մեկը հիմնված է Սիդ Վիշեսի վրա։
• Paradise Kiss անիմեում և մանգայում գլխավոր հերոսներից մեկը փանկ ենթամշակույթի ջերմեռանդ ներկայացուցիչն է և փանկ խմբի վոկալիստը։
• Akira անիմեում այս ենթամշակույթի շատ ներկայացուցիչներ կան:
• Detroit Metal City անիմեում Պանկ խմբի վոկալիստը գլխավոր հերոսին պատկերացրել է Սիդ Վիշեսի կերպարը, ով վերադարձել է մահացածներից։
• JoJo no Kimyou na Bouken Part 5: Ougon no Kaze անիմե մանգայումկա դիրքորոշում, որը վերաբերում է Sex Pistols խմբին։

Տես նաև

• Անարխիա

Գրականություն

• Угол. Ноль лет / Андреич. — Москва: Перо, 2023. — 324 с. — ISBN 978-5-00204-802-1.
• Крейг О’Хара. Философия панка больше, чем шум
• Аксютина О. А. Панк-культура как феномен молодежной контркультурыԱրխիվացված 2007-10-20 Wayback Machine // Современные трансформации российской культуры. — М.: Наука, 2005. — С. 564—603
• Аксютина О. А. Власть и контркультура в 1980-е — 1990-е годы. Панк как этика и эстетика противостояния
• Аксютина О. А. DIY — протест против коммерческой культуры: массовая музыка и андеграунд
• Олег Бочаров. Панк-энциклопедияԱրխիվացված 2009-04-12 Wayback Machine
• Ильин А. Н. Панк как явление китч-культуры // Электронный журнал «Знание. Понимание. Умение». — 2009. — № 4 — Культурология.
• Маркус Г. Следы помады: Тайная история XX века / Пер. с англ. А. Умняшова под ред. В. Садовского. М.: Гилея, 2019.
• Джон Кинг — «Человеческий панкԱրխիվացված 2021-06-24 Wayback Machine»

Արտաքին հղումներ

• Փանկ մշակույթի մասին
• «Карнавал безумия» // журнал Смена, 1979 — Խորհրդային մամուլում փանկի առաջին հիշատակումներից մեկը

Վիքիպահեստն ունի նյութեր, որոնք վերաբերում են «Փանկ» հոդվածին։