Փախստականը (պատմվածք)

Վիքիպեդիայից՝ ազատ հանրագիտարանից
Jump to navigation Jump to search
Փախստականը
Беглец
Տեսակգրական ստեղծագործություն
Ժանրպատմվածք
ՀեղինակԱնտոն Չեխով
Բնագիր լեզուռուսերեն
Գրվել է1887
Հրատարակություն1887

«Փախստականը» (ռուս.՝ Беглец), Անտոն Պավլովիչ Չեխովի պատմվածքը` գրված 1887 թվականին: Առաջին անգամ տպագրվել է 1887 թվականին «Պետերբուրգյան թերթում» (№ 26 ) Ա. Չեխոնտե ստորագրությամբ:

Հրապարակումներ[խմբագրել | խմբագրել կոդը]

Ա. Պ. Չեխովի «Փախստականը» պատմվածքը գրվել է 1887 թվականին, առաջին անգամ տպագրվել է 1887 թվականին «Պետերբուրգյան թերթում», № 26 Ա. Չեխոնտե ստորագրությամբ, 1889 թվականին հրապարակվել է «Ստոգլավ» պատկերազարդ օրացույցում, պատմվածքը ընդգրկվել է Ա. Ֆ. Մարքսի կողմից հրատարակվող գրողի ստեղծագործությունների ժողովածուի մեջ: Չեխովի կենդանության օրոք պատմվածքը թարգմանվել է դանիերեն, գերմաներեն, սերբախորվաթերեն, ֆրանսերեն և չեխերեն:

Պատմություն[խմբագրել | խմբագրել կոդը]

Գրողի կրտսեր եղբայրը՝ Միխայիլ Պավլովիչ Չեխովը, հիշում է, որ «Փախստականը» պատմվածքը Ա. Պ. Չեխովի կողմից գրվել է 1884 թվականին Չիկինսկի (Վոսկրեսենսկի) հիվանդանոցում պրակտիկանտ աշխատելու ժամանակ ստացած տպավորությունների ներքո[1][2]:

Քննադատություն[խմբագրել | խմբագրել կոդը]

Պատմվածքը գնահատել է Լ. Ն. Տոլստոյը, 1889 թվականին նրա աղջիկը գրում էր. «Հայրիկին շատ դուր եկավ «Ստոգլավ» օրացույցում տպագրված Չեխովի փոքրիկ ակնարկը, և նա մի քանի անգամ բարձրաձայն կարդաց այն»: Դ. Պ. Մակովիցկին գրի է առել Տոլստոյի կարծիքը. «Ինչ լավ է այն ընթերցել, ես ժամանակ առ ժամանակ կարդում եմ դա, երբ հուզվում, ծիծաղում կամ անհանգստանում եմ»[3]:

1893 թվականին թարգմանչուհի Յու. Տվերոյանսկայան պատմվածքի հեղինակին գրում էր Փարիզից (1893), որ ֆրանսիական «Revue des Deux Mondes» ամսագրում տպագրվել է «Գուսև» և «Փախստական» պատմվածքների իր թարգմանությունները, որոնք մեծ հաջողություն են ունեցել:

Գործող անձիք[խմբագրել | խմբագրել կոդը]

  • Պավել Գալակտիոնով, թարախոտ վերքով 7 տարեկան տղա
  • Կլինիկայի բուժակ

Սյուժե[խմբագրել | խմբագրել կոդը]

Յոթ տարեկան տղայի Պաշայի թևը պահքի ժամանակվանից ցավում էր: Աշնանը մայրը որոշում է որդուն բժշկի տանել: Ճանապարհը մինչև կլինիկա երկար էր և նրանք գնացին մինչև լուսաբաց: Կլինիկայում շատ մարդիկ կային, հասավ Պաշայի հերթը, բժիշկը նայեց հիվանդին և հանդիմանեց մորը, որ երեխային ժամանակին չի բերել բժշկի: Հիմա արդեն ցավում էին նրա հոդերը, և Պավելին պահեցին հիվանդանոցում, որ վիրահատեն: Այստեղ նրան տեղավորեցին երեք տեղանոց հիվանդասենյակում, հագուստը փոխեցին և կերակրեցին: Երեխան երբեք չէր տեսել այսպիսի գեղեցիկ և մաքուր տեղ: Այնուհետև Պավելը շրջեց հիվանդանոցում: Երեկոյան հիվանդանոցում մահացավ հարևան հիվանդասենյակում բուժվող հիվանդներից մեկը: Դա տեսնելով՝ Պաշան սաստիկ վախեցավ և փախավ հիվանդանոցից, սակայն հեռու չգնաց, «անտեսանելի ուժը սեղմեց նրա շնչառությունը, հարվածեց ոտքերին: Նա օրօրվեց և անգիտակից վիճակում ընկավ աստիճաններին»: Վախից գիտակցությունը կորցրած երեխային ետ վերադարձրեցին կլինիկա:

Գրականություն[խմբագրել | խմբագրել կոդը]

  • Чехов А. П. Беглец // Чехов А. П. Полное собрание сочинений и писем: В 30 т. Сочинения: В 18 т. / АН СССР. Ин-т мировой лит. им. А. М. Горького. - М.: Наука, 1974-1982.
  • Voir Dictionnaire Tchekhov, page 105, Françoise Darnal-Lesné, Édition L’Harmattan, 2010, ISBN 978 2 296 11343 5.
  • Le Fugitif, traduit par Édouard Parayre, Éditions Gallimard, Bibliothèque de la Pléiade, 1970, ISBN 2-07-010550-4.

Ծանոթագրություններ[խմբագրել | խմբագրել կոդը]

  1. Бывшая Чикинская земская больница
  2. А. П. Чехов в воспоминаниях современников. Изд. «Художественной литературы», Москва, 1960
  3. «Л. Н. Толстой в воспоминаниях современников». Т. 2. М., 1960, стр. 250. Ср. т. III Сочинений, стр. 537

Արտաքին հղումներ[խմբագրել | խմբագրել կոդը]