Ցորեն մաղողները (նկար)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Ցորեն մաղողները
Gustave Courbet 014.jpg
տեսակգեղանկար
նկարիչԳուստավ Կուրբե[1]
տարի1850[2]
բարձրություն131 սանտիմետր
լայնություն167 սանտիմետր
ժանրկենցաղային ժանր
նյություղաներկ և կտավ
հավաքածուԳեղարվեստի թանգարան (Նանտ)
կայք

«Ցորեն մաղողները» (ֆր.՝ Les Cribleuses de blé), Ֆրանսիացի նկարիչ, կերպարվեստում ռեալիզմի հիմնադիրներից Գյուստավ Կուրբեի (Gustave Courbet, 1819-1877) նկարներից։ Հեղինակը կտավը վրձնել է 1853 թվականին։ Յուղաներկով կտավի չափերն են՝ 131 × 167 սմ։ «Ցորեն մաղողները» ստեղծագործությունն այսօր պահպանվում և ցուցադրվում է Նանտի գեղարվեստի թանգարանում (Նանտ, Ֆրանսիա

Պատմություն և նկարագիր[խմբագրել | խմբագրել կոդը]

«Ցորեն մաղողները» ստեղծագործությունը պատկանում է Գյուստավ Կուրբեի Օրնանի գյուղացիների կյանքը պատկերող շարքին, որը հեղինակը վրձնել է հընթացս 1850-ական թվականների։ Այս կտավն առանձնանում է այդ շարքի մյուս նկարներից։

Կուրբեն նկարում պատկերել է գյուղական ծանր աշխատանք, սակայն կանանց աշխատանքը բնավ հոգնեցուցիչ չի երևում։ Հեղինակին հաջողվել է պատկերել գյուղացիներին հիացմունքով և ակնածանքով՝ տալով կտավին քնարական և լուսավոր մթնոլորտ։ Գյուստավ Կուրբեն օգտագործել է սահմանափակ գունային երանգներ, որոնք աչքի են ընկնում ուժեղ ու վառ գուներանգով, ինչպիսին է կենտրոնական կերպարի կարմիր հանդերձանքը։ Հայտնի է, որ մաղով կնոջը նկարելիս Կուրբեին որպես բնորդուհի ծառայել է քույրը՝ Զոյան, իսկ պարկերին հենված կինը նկարչի մյուս քույրն է՝ Ժյուլետտան։ Ըստ որոշ կարծիքների սնդուկի մոտ պատկերված տղան հեղինակի ապօրինի զավակ Դեզիրե Վինեն է[3]։

Նկարին հետաքրքրություն են տալիս հետին պլանում պատկերված կծկված-քնած կատուն, դռանը փակցրած վիմագրությունը և սենյակի մուտքը փակող սնդուկ-պահարանը։

«Ցորեն մաղողները» ստեղծագործությունը մեծ խանդավառությամբ է ընդունվել հասարակության կողմից։ Որոշ քննադատներ փնթի ու թափթփված են համարել կարմիր զգեստի տակից երևացող կնոջ ներբանները։

Ծանոթագրություններ[խմբագրել | խմբագրել կոդը]

  1. JocondeLab — 2014.
  2. https://histoire-image.org/fr/etudes/cribleuses-ble
  3. Histoire-image.org Archived 2010-09-09 at the Wayback Machine. Retrieved 4 June 2009

Արտաքին հղումներ[խմբագրել | խմբագրել կոդը]