Ցերցիս Գրիֆֆիթի
| Գրիֆֆիթի հուդայածառ | |
 Գրիֆֆիթի հուդայածառ | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Բակլածաղկավորներ (Fabales) |
| Ընտանիք | Բակլազգիներ (Fabaceae) |
| Ենթաընտանիք | Caesalpinioideae |
| Տրիբա | Cercideae |
| Ցեղ | Հուդայածառ (Cercis) |
| Տեսակ | Գրիֆֆիթի հուդայածառ (C. griffithii) |
| Միջազգային անվանում | |
| Cercis griffithii | |
| Կարգավիճակ | |
Հատուկ պահպանության կարգավիճակ՝  Տվյալների անբավարարություն | |
Ցերցիս Գրիֆֆիթի (լատին․՝ Cereis griffithii boiss), բակլազգիների ընտանիքի, ցերցիս ցեղի բույս։
Նկարագրություն[խմբագրել | խմբագրել կոդը]
Փոքր ծառ է՝ 4-10 մ բարձրությամբ, սակայն մեծ մասամբ աճում է որպես թուփ։ Սաղարթը գնդաձև է կամ վրանաձև։ Կեղևը բաց գորշամոխրավուն է։ Տերևները կլոր են կամ երիկամաձև, 5-8 սմ երկարությամբ և 7-12 սմ լայնությամբ, սրտաձև հիմքով, գագաթը այս կամ այն չափով փոսիկավոր է, վերևի կողմից վառկանաչավուն, ներքևից՝ կապտավուն։ Ծաղիկները հավաքված են փնջերում, վարդագույն են կամ բոսորամանուշակագույն։ Ծաղկում է ապրիլից-մայիս, պտուղները հասունանում են հունիս-օգոստոս ամիսներին։ Ունդերը խոշոր են, 10-12 սմ երկարությամբ, 10-14 սերմերով։ Լավ մեղրատու է։ Բազմանում է սերմերով։ Ջերմասեր է, բավականին չորադիմացկուն և լուսասեր։
Տարածվածություն[խմբագրել | խմբագրել կոդը]
Տարածված է Միջին Ասիայում, Աֆղանստանում, ծովի մակարդակից 800-2000 մ բարձրությունների վրա։ Հայաստանում հանդիպող խիստ հազվագյուտ և աննշան տարածում ունեցող ծառատեսակներից մեկն է, որն աճում է միայն Մեղրու շրջանում, թփուտների մեջ, փոքր խմբերով, ծովի մակարդակից մինչև 700 մ բարձրությունների վրա։
Կիրառություն[խմբագրել | խմբագրել կոդը]
Էկոլոգիական խումբը՝ IV: Մշակության հնարավոր շրջանները՝ 9, 18, 20ա, 25, 28, 32[1]։
Ծանոթագրություններ[խմբագրել | խմբագրել կոդը]
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 2, Երևան, «Լույս հրատարակչություն», 1985, էջ 30։