Ցատկոտող Ջոն

Վիքիպեդիայից՝ ազատ հանրագիտարանից
Jump to navigation Jump to search
Picto infobox mets.png
Ցատկոտող Ջոն
Hoppin-john-bowl.JPG
Ենթատեսակսննդամթերք

«Ցատկոտող Ջոն» (անգլ.՝ hoppin' John), ԱՄՆ հարավային նահանգների ավանդական խոհանոցի ուտեստ[1], պատրաստվում է վիգնայից, բրնձից, կտրտած սոխից ու բեկոնի շերտերից և համեմվում կծու պղպեղով, աղով և սխտորով[2]:

«Ցատկոտող Ջոնի» պատմությունն սկսվում է ԱՄՆ-ում ստրկատիրության ժամանակներից։ Նրա հիմնական բաղադրիչը՝ վիգնան, այն ժամանակ լայնորեն տարածված էր Արևմտյան Աֆրիկայում[3][4]: Այդ պատճառով դրա հիման վրա ստեղծվող ուտեստը հասանելի էր Կոնգոյից ԱՄՆ բերված ստրուկներին[5]: Կան նաև վարկածներ, որոնց համաձայն՝ ուտեստը հայտնվել է Սենեգալի և Նիգերիայի մուսուլմանների շնորհիվ, որոնք պատրաստել են այն ապխտած տավարի մսով կամ հնդկացի-սեմինոլների շնորհիվ[6]:

Ուտեստի անվան ծագման վերաբերյալ ստույգ տվյալներ չկան: Ըստ մի վարկածի՝ այն ծագում է pois pigeons (աղավնու ոլոռ) ֆրանսիական բառակապակցությունից, ըստ այլ տարբերակի՝ հինդիով bahatta kachang բառակապակցությունից, որը նշանակում էր ոլոռ[7]:

«Ցատկոտող Ջոն» ուտեստն ընդունված է ուտել հունվարի 1-ին։ Ենթադրվում է, որ ուտեստը նպաստում է հարստությանը և հաջողությանը նոր տարում[8][9][10]: Հատիկները խորհրդանշում են մետաղադրամներ, կանաչին՝ դոլարային թղթադրամներ[8], իսկ ուտեստի հետ մատուցվող եգիպտացորենի հացը՝ ոսկին[11]: «Ցատկոտող Ջոնի» մնացորդները կոչվում են «ցատկող Ջեննի» (անգլ.՝ skippin' Jenny) և խորհրդանշում են տանտերերի խնայողությունը. մնացորդներն ուտելը, ըստ հավատալիքների, ավելի հավանական է դարձնում ընթացիկ տարում հարստանալը[12]:

Ծանոթագրություններ[խմբագրել | խմբագրել կոդը]

  1. The New Encyclopedia of Southern Culture, 2009, էջ 226
  2. Herbert C. Covey, Dwight Eisnach, 2009, էջ 85
  3. «Vigna unguiculata» (անգլերեն)։ tropicalforages.info։ Արխիվացված օրիգինալից 2013-01-25-ին։ Վերցված է 2016-08-22 
  4. Herbert C. Covey, Dwight Eisnach, 2009
  5. Dosier S. Civil War Cooking: The Confederacy. — Blue Earth Books: Exploring History Through Simple Recipes Series. — Capstone, 2000. — P. 26. — 31 p. — ISBN 0736803505
  6. James E. McWilliams, 2007, էջ 131—132
  7. James E. McWilliams, 2007, էջ 132
  8. 8,0 8,1 Herbert C. Covey, Dwight Eisnach, 2009, էջ 84
  9. Chesman A. (1998)։ 366 Delicious Ways to Cook Rice, Beans, and Grains։ New York: Plume։ էջ 51։ ISBN 978-0-452-27654-3 
  10. The New Encyclopedia of Southern Culture, 2009, էջ 264
  11. Albala K. Beans: A History. — Berg, 2007. — 256 p. — ISBN 0857850784
  12. Vann M։ «Beyond Black-Eyed Peas: New Year's good-luck foods» (անգլերեն)։ The Austin Chronicle։ Վերցված է 2016-08-22 

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]