Ցախի փողոց (Երևան)
| Ցախի փողոց | |
|---|---|
 Ցախի փողոցի սկզբնամասը | |
| Քաղաք |  Երևան |
| Համայնք(ներ) | Կենտրոն վարչական շրջան |
| Երկարություն | 300 |
| Լայնություն | 6 |
| Սկիզբ | Արգիշտիի փողոց |
| Ավարտ | Երևանի քաղաքապետարանի հետնամաս |
Ցախի փողոց, փողոց Երևանի Կենտրոն վարչական շրջանում։
Տվյալներ[խմբագրել | խմբագրել կոդը]
Սկսվում է Արգիշտիի փողոցից («ՎիվաՍել-ՄՏՍ»-ի գրասենյակի հարևանությամբ) և ավարտվում Երևանի քաղաքապետարանի հետնամասում։
Պատմություն[խմբագրել | խմբագրել կոդը]
Նախկինում այստեղ գտնվել է Ցախի մեյդանը` Երևանի բերդի փողոցի լայն մասի շենքերով շրջապատված հրապարակը։ Մեյդան պարսկերեն նշանակում է հրապարակ։ Այդ հրապարակում էր հավաքվում վառելափայտը` ցախը, որը հենց տեղում կույտերով վաճառվում էր[1]։ Տեղում գտնվել է նաև բաղնիք, որը Ռուսական կայսրության կազմի մեջ գտնվելու տարիներին կոչվել է Ֆանտազիա։
Հետագայում այստեղ կառուցվեց Ցախի փողոցը՝ Կարմիր Բանակի (այժմ՝ Սուրբ Գրիգոր Լուսավորչի) փողոցին զուգահեռ, որն անցնում էր այդ փողոցի №13 և №15 շենքերի հետնամասով[2]։
1960 թվականից հետո հայտնվեց կառուցապատման հետևանքով վերացած փողոցների ցանկում[3]։
2000-ականների սկզբներին նորակառույց ՎիվաՍելի գրասենյակի ու Քաղաքապետարանի շենքի միջնամասում կրկին ձևավորվել է փողոց, որն իր կառուցվածքով մոտ է հին Ցախի փողոցին։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Երևանի հին թաղերը» (PDF). Արխիվացված (PDF) օրիգինալից 2012 թ․ հունիսի 3-ին. Վերցված է 2012 թ․ հունիսի 3-ին.
- ↑ Адресно-справочная книга города Еревана, Ереван, 1972, с. 585։
- ↑ Երևան քաղաքի հասցեների տեղեկատու, Երևան, 1983, էջ 543, Ցուցակ Երևան քաղաքում 1960 թվականից հետո կառուցապատման հետևանքով վերացած փողոցների, նրբանցքների, փակուղիների