Տորպեդ

Վիքիպեդիայից՝ ազատ հանրագիտարանից
Տորպեդի նետում բրիտանական ինքնաթիռից (մոտ 1918 թվական)

Տորպեդ (լատ.՝ torpedo - էլեկտրական կատվաձուկ), պայթուցիկ նյութի լիցք կրող ինքնաշարժ ինքնակառավարվող ստորջրյա սիգարաձև արկ։ Նախատեսված է հակառակորդի նավերը խոցելու և ջրագծի մոտ գտնվող օբյեկտները (նավամատույցներ, նավանորոգարաններ և այլն) կործանելու համար։ Տորպեդներով են զինված սուզանավերը, հակասուզանավային նավերը, էսկադրային ականակիրները, տորպեդային կատերները, ինչպես նաև ինքնաթիռները և ուղղաթիռները։ Տորպեդներն նավերից արձակվում են տորպեդային ապարատների միջոցով։ Տորպեդները լինում են․

  • ըստ սնման աղբյուրի՝ ինքնավար և կաբելի միջոցով սնվող
  • ըստ կրող օբյեկտի տիպի՝ նավային և ավիացիոն
  • ըստ շարժիչի տիպի՝ շոգեգազային, էլեկտրական և ռեակտիվ
  • ըստ մանևրման բնույթի՝ ուղիղ գնացող, մանևրող, լարերով հեռուստակառավարվող և ինքնուղղվող։

Տորպեդի իրանի երկարությունը 5,5-8,6 մ է և ավելի, տրամագիծը՝ 45-60 սմ:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png