Տորկուատո դե Ալվեարի հուշարձան
 | |
|---|---|
 | |
 | |
 | |
| Տեսակ | հուշարձան |
| Քանդակագործ | Hans Lauer?[1] |
| Երկիր |  Արգենտինա[1] |
| Քաղաք | Plaza Intendente Alvear?[1] |
| Բնակավայր | Բուենոս Այրես[1] |
| Նյութ | մարմար[1] և բրոնզ[1] |
պատկերված են
| |
Տորկուատո դե Ալվեարի հուշարձան (իսպ.՝ Monumento al Intendente Torcuato María de Alvear ), հուշարձան, որը գտնվում է Արգենտինայի մայրաքաղաք Բուենոս Այրեսի համանուն հրապարակում՝ Ռեկոլետա շրջանի Ավենիդա Ալվիրի փողոցի վերջնամասում։
Հուշարձանը պաշտոնապես բացվել է 1900 թվականին՝ Ալվեարի մահվանից տասը տարի անց։ Հուշարձանն իրենից ներկայացնում է մարմարե դորիական օրդեր սյուն, որի վրա վեր է խոյանում փառքի խորհրդանիշ հանդիսացող արձանը։ Հուշարձանի ներքևի մասում քաղաքապետի կիսանդրին է, որը պսակված է արմավենու ճյուղերով, որը քրիստոնեության մեջ խորհրդանշում է մահվան նկատմամբ հաղթանակը։
Երեք կողմերից հուշարձանի հիմքը զարդարված է քաղաքապետի` Ալվերինի գլխավոր ձեռքբերումները (Ավենիդա-դե-Մայո փողոցի բացումը, քաղաքային կամուրջների կառուցում, Ռեկոլետե շրջանի վերանախագծում) պատկերող ավազաքարերով։ Չորրորդ կողմում փորագրված են նրա անունն ու կյանքի տևողությունը, ինչպես նաև` քաղաքապետի պաշտոնավարման ժամկետները։ Սյունի հիմքը երեք խոշոր քարե աստիճանների վրա է, որոնց կարելի է հասնել սանդուղքի միջոցով։ Հուշարձանի հեղինակներն են քանդակագործներ Ա. Ջոնսը և Խուան Լաուերը։
Հուշարձանի ճոխ բացման արարողությունից հետո, որ ուղեկցվում էր ռազմական շքերթով, «Մարդիկ և Դիմակներ» ամսագրի լրագրողները քննադատել են հուշարձանի չափազանց համեստությունը և նշել որ այն չի համապատասխանում Ալվեարի անձի` քաղաքի համար ունեցած կարևորության մասշտաբին ու հույս հայտնել, որ այն ժամանակին փոխարինվելու է ավելի շքեղ արձանով։ Սակայն ավելի քան հարյուր տարի հետո հուշարձանը մնում է անփոփոխ։
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Daniel Santoro (2007). Guía tridimensional de Buenos Aires. El dibujito. ISBN 9789870523987.(իսպ.)
Արտաքին հղումներ[խմբագրել | խմբագրել կոդը]
- El monumento Torcuato de Alvear en Recoleta (իսպ.)
- Visita al BARRIO RECOLETA Արխիվացված 2011-09-13 Wayback Machine (իսպ.)
- Instituto Histórico Ciudad de Buenos Aires (իսպ.)
- Plaza Intendente Alvear Արխիվացված 2014-08-26 Wayback Machine (իսպ.)
- Inauguración del Monumento a Alvear (Diciembre 1898) Արխիվացված 2017-09-07 Wayback Machine (իսպ.)