Տոյամա (քաղաք)
Տոյամա (ճապ.՝ 富山市 Տոյամա-սու ), կենտրոնական քաղաք Ճապոնիայում, Տոյամա պրեֆեկտուրայի վարչական կենտրոնը։ Գտնվում է Ճապոնական ծովի ափին` Հոնսյու կղզում, Տոկիոյից 300 կմ հյուսիս-արևմուտք։ Հիմնադրվել է 1889 թվականի ապրիլի 1-ին։ 2008 թվականից այն ճանաչվել է որպես քաղաքների էկոլոգիական մոդել։
Քաղաքի տարածքը կազմում է 1241,85 կմ²[3], բնակչությունը կազմում է 419 008 մարդ ( 2014 թվականի հուլիսի 1)[4], խտությունը` 337,41 մարդ/կմ²։
Քաղաքն ունի նավահանգիստ, երկաթուղային կայարան, միջազգային օդանավակայան։
Պատմական տարեթվեր[խմբագրել | խմբագրել կոդը]
- 1583 թվական - զորահրամանատար Սացուս Նարիմասը միացրեց Էթյուն (Տոյամայի հին անվանումը)
- 1871 թվական - Տոյամայում ոստիակական կառավարման հիմնում
- 1889 թվական - Քաղաքական համակարգի կառավարման հիմնում
- 1945 թվական - Քաղաքը փաստացի ջնջվեց երկրի երեսից ամերիկյան ավիացիայի ռմբակոծության հետևանքով
Ընդհանուր նկարագիր[խմբագրել | խմբագրել կոդը]
Տոյամա քաղաքը համարվում է Տոյամա պրեֆեկտուրայի վարչական կենտրոնը, տեղակայված Ճապոնական ծովի ափին, Տյուբու շրջանում (Հոնսյու կղզու կենտրոնական մաս)։ Քաղաքը գտնվում է Տոյամա հովտում, երեք կողմից՝ արևելքից, արևմուտքից և հրարավից շրջապատված է բարձր լեռներով։ Իսկ հյուսիսում ափը ողողում են Ճապոնական ծով թափվող Տոյամա ծոցի ջրերը։ «Տոյամա» բառի հիերոգլիֆը կարելի է վերծանել որպես «լեռներով հարուստ» կամ «հարուստ լեռներ»։ Այնպիսի գետեր, ինչպիսիք են Ձյոգանձի-գավան, Ձինձու-գավան, Սյո-գավան և այլն, սկիզբ առած երկու-երեք հազար մետր բարձրության լեռներից, կազմավորել են Տոյամա հովիտը։ Այդպիսի աշխարհագրական պայմանականությունը ձևավորում է Տոյամայի կլիմայական առանձնահատկությունները. այստեղ ամռանը շատ են լինում անձրևներ,իսկ ձմռանը ձյան առատ տեղումներ։ Ճապոնական ծովից փչող քամիները բերում են ամպեր, որոնք չեն կարող հաղթահարել լեռների բարձրությունը, և դրանք լիցքաթափում են տեղումներ Տոյամական հովտի վրա, որին փոխաբերական իմաստով կարելի է անվանել բնական ամֆիթատրոն։ «Ձյունե երկրի» բնական երևույթի հետևանքով Տոյամայում ձյան շերտի միջին տարեկան հաստությունը, աշխարհում զբաղեցնում է 4-րդ տեղը:1981-ից մինչև 2010 թվականը այդտեղ տեղացել է միջինը 383 սմ ձյուն[5][6][7]։
Այս աշխարհագրական պայմանները Տոյամային տալիս են համեղ բնական աղբյուրներ, որոնք ապահովում են ոչ միայն բրնձի աճեցումը, այլ նաև ներկայացնում են ամուր հիդրոէլեկտրական ռեսուրսներ և հնարավորություն են տալիս ժամանակակից արդյունաբերությանը։ Բացի ժամանակակից գյուղատնտեսական և ձկնաբուծական տնտեսությունից այստեղ գոյություն ունեն գործարաններ, որոնք արտադրում են պլասմասե և ալյումինե, մեքենաշինական, դեղագործական իրեր և այլն։ Դեղագործությունը Տոյամայում ունի երկար սովորույթներ, որոնք սկսվել են դեռևս 17֊րդ դարի 90֊ական թվականներից։ Դեղագործական առևտուր է կատարվել ողջ Ճապոնիայում։
Ծովային նավահանգիստը և օդանավակայանը քաղաքը միացնում են ոչ միայն ճապոնական, այլ նաև հյուսիս֊արևելյան Ասիայի խոշոր քաղաքների, այդ թվում Վլադիվաստոկի հետ։
Եղբայր-քաղաքներ[խմբագրել | խմբագրել կոդը]
Բրազիլիա Մոժի-դաս-Կրուզիս, Սան Պաուլու նահանգ 1979 թվականի նոյեմբերի 8-ից
Չինաստան Ցինհուանդաո 1981 թվականի մայսի 7-ից
ԱՄՆ Դարհեմ, Հյուսիսային Կարոլինա 1898 թվականի հունիսի 13-ից
Ավստրալիա Վելինգթոն, Նոր Հարավային Ուելս 1992 թվականի օգոստոսի 24-ից
Ծանոթագրություններ[խմբագրել | խմբագրել կոդը]
- ↑ 1,0 1,1 人口移動調査 (яп.)
- ↑ 2,0 2,1 富山市の概要
- ↑ Площадь указывается по данным сайта Geospatial Information Authority of Japan (яп.) с учётом изменений, опубликованных 1 октября 2011 года.
- ↑ －富山県人口移動調査結果（推計人口）－ (平成26年７月１日現在） (яп.). Toyama Prefecture (1 июля 2014). — Оценка населения префектуры Тояма. Дата обращения 29 августа 2014.
- ↑ [1]
- ↑ [2]
- ↑ [3]
Արտաքին հղումներ[խմբագրել | խմբագրել կոդը]
- Официальный сайт(ճապոներեն)